2 Kurintiya 3:18 - Bible Zulgo

¹⁸ Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

2 Kurintiya 3:18 ပူးပေါင်းရင်းမြစ်များ

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

Yuhana 12:41

Ezaya a tsik kataya ka, aɗaba ana a sər mezlibe ana tì zlibe a à Yesuw a, dite na a fàfəl aka gər ŋgar a.

Yuhana 17:22

Yàa vəl a tar ndzəɗa gà ana tì zlibe a iye, kamala ana kà viliŋ a mbaŋa te, dite ka, tə ndza i təv ilik ŋa kamala ma ana ilik a.

Yuhana 17:24

Tsir gà, a sèsiŋ ka, gà mburma ana kà dziŋ tar a ahər a ka, ti ndze a a təv ana i ti ndze aɗəm ya mbaŋa, dite ta ŋgetiŋ i təv ndzəɗa gà ana tì zlibe a dər à iye, kà viliŋ Əbay a. Kà viliŋ ka, aɗaba ana kà waya iye daga aà gər ana gər ahəɗ mege ŋa zukw tsiye.

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

RUMA 8:4

A ge taŋa ka, na dite ki ŋgetekewe a vatwa aà mege dukw ana məpala ahəm ŋgar a tsik a kwa ya ndzer. Aɗaba mendze kwa ana ki ndzekwe a kinehe ya ka, Mezite Mesife Mbulum na a kwere a kwa ya, tsəka, meèweke ba kwa asa tsa.

RUMA 8:7

Wur ana a dzele a dukw ana ba ŋgar a waya ya ɗekɗek ka, ŋgat a ne ka, mala mene are a Mbulum. A zezem a ka, dukw ana Mbulum a tsik a tsa, aɗaba ana a sle a tsiye.

1 Kurintiya 13:12

Ama kinehe ka, are kwa a de a aba ya zukw tsa, ki ŋgetekewe a a gà duwa ka, zìyye kamala kwataramà ana ki fir a iɗəm a ka, kùlàhtàhha are a slala iɗəm a tsiye tə̀ma. Aləka a ndze a a tə̀vəməŋa mba ka, ki hitsekwe a aka miɗ Mbulum dzìrìk, ki ŋgetekewer a ndzùzlzlwa lele kuɗa. Kinehe ka, kà sərakwa ŋgat fit kweleŋ zukw tsa. Ama a pat ana aka ndzera ya ka, ki sirekwe a ŋgat lele kuɗa, kamala ana ŋgat a sər kwa kinehe ya mbaŋa.

1 Kurintiya 15:49

Ama kinehe ka, kà ndzìkìɗekwe ba wele ata Mbulum a ge ŋgat nda ahəɗ a tə̀ma. Aka miɗ mba ka, ki ti ndzìkìɗekwe a ba wele ata a dara i mbulum i gər ŋa ya kuɗa.

2 Kurintiya 3:17

Ama wele ana tə zalar BATSAH kwa ŋa i faha ya ka, tar magàwà ba ŋa nda Mezite Mesife Mbulum. I təv ana Mezite Mesife Mbulum iɗəm a ka, gà mburma ti ziwe a gər tar i fata kuɗa. Tar ti ne a kamala gà ɓele ya asa tsa.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

GALATIYA 6:15

Aɗaba na wura masàsà ŋa, kige tsa bəla masàsà ŋa tsəka, a tsik a duwa tsa. Na ge a ŋgulum ka, say na ki nekwe a gà mburma ana tàa ŋgat mesife awiya ŋa i təv Mbulum a ya.

KULUSIYA 3:10

Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

TITUS 3:5

Kamala megweɗe ya, a mbəl à kwa ka, taf masakəŋa, kàa vəlakwar aɗəm duwa tsa. Bəla ki gweɗekwe a, a mbəl à kwa ka, agəra dukw ana ki gewakwar ŋgwal ŋa ya. Ama ka, kataya tsa. A mbəl à kwa ka, agəra ana kà ndzekwar are tsehe ya ɗekɗek pəra. A bara bakal ana i gəzləŋ kwa ya. A ge dər kataya ka, nda ndzəɗa Mezite Mesife ŋgar ana tsəɗaŋŋa ya. Kamala taŋa ya, a wa dər kwa masula ŋa asa, dite na kə̀ ŋgatakwa mesife ana awiya ŋa ya.

YAKUBA 1:23

Wur ana à dze a zləm a bazlam Mbulum pəra, ama a ge a dukw ana Mbulum a tsik a tsəka, a ndzikiɗ ba ka, wur ana a samata ba ŋgar i kwataramà ya.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.