2 Kurintiya 3:12 - Bible Zulgo

¹² Aɗaba taŋa, mìi tsik a bazlam aka gər dukw ata ka, parakkà, mìi himbir a duwa asa tsa. Aɗaba mì sər, dukw ata ka, ndzer, pàrsa iɗəm tsa.

2 Kurintiya 3:12 ပူးပေါင်းရင်းမြစ်များ

Yuhana 10:24

Gà Yahuda ata ta ŋgatar ka, ti yaha ba gər a təv ŋgar, ta gwaɗar: «Ki ti ɗif a mər a aba, kər ana kà dara i ŋga ya ana, ndeɗime? Na kər *Kiristi, mala məmbàlà à mburma ana Mbulum a gwa, i ti slir a kurumehe a ya ka, tsik a mər lele.»

Yuhana 16:25

Yesuw a tsik a tar asa mbaŋa, a gwaɗa a tar: «I tsik a kurum gà dukw ata tserdze ya ka, mendzikiɗe ba duwa. Ama pat ŋgiɗ a ndzere a ka, i ta fèfil a kurum a bazlam mendzikiɗe ba duwa asa tsa. I ɗif a kurum a ka, à bazlam aka gər Tsir gà parakkà lele.

Yuhana 16:29

Gà ɓəzla mazazama ŋgat ata tə tsaraka kataya ka, ta gwaɗar: «Araha, kàa fàfəl parakkà lele kuɗa, bazlam mendzikiɗe ba duwa iɗəm asa tsa.

Gà Ɓəzla Meslire 14:3

I dəba bazlam tar ata ya tserdze ka, gà Pul nda Barnabas tə ndza i fata hinne. Ti tsikewa bazlam Yesuw ka, ndərzakka lele, arəv a da à tar a tsa, aɗaba tə sər dər ka, Mbulum BATSAH kwa ŋa a riŋ nda gà tar ndzer. A vəl a tar ndzəɗa aà mege gà dukw mene à mburma hinne. A ɗif dər a mburma, à ŋgwal ŋgar ana gà Pul nda Barnabas ti tsikewa ya ka, ndzer kaɗəŋ.

Gà Ɓəzla Meslire 4:13

Ama mayahaba gər gà mburma ata tə tsaraka bazlam gà Piyer ata ka, a ge a tar kamala sunwa ya, aɗaba ana ta ŋgat a tar, ta fèfil a parakkà, ta ge magəɗa tsidze ya ya. A ge a tar kamala sunwa ya ndeyndey ka, aɗaba ana tàa sinikeba à gà duwa tsidze ya. Tə sər, tar ka, gà ɓəzla mazazama Yesuw piŋŋe.

Gà Ɓəzla Meslire 9:27

Ama ka, Barnabas a gəs aaba ŋgat, tə da a təv gà ɓəzla meslire Mbulum. Tə daha, a ɗama a tar, meme na Sawul a ŋgat a BATSAH kwa ŋa ika vatwa ata kaɗəŋ a, dite meme na BATSAH kwa ŋa a fàfəlar asa ya. A mà a tar à bazlam Sawul ana a tsik bazlam Yesuw parakkà lele i Damas, magəɗa iɗəm tsidze ya asa mbaŋa.

Gà Ɓəzla Meslire 9:29

A waya metsìkè bazlam Mbulum a gà Yahuda ana ti tsikewa ahəm girek a mbaŋa. Ama ka, ta mbetse ba aka ahəm hinne, ta waya makə̀ɗà ŋgat.

1 Kurintiya 14:19

Ama ku mege kataya tekeɗe, i təv ana mər mayahaba gər ŋa nda gà asiŋ gà mburma Mbulum a ka, a sèsiŋ na i tsik a ter a guma Mbulum nda metsìkè a tar gà bazlam ŋgiɗ pampam hinne ya tsa, say biye ə̀zləm pəra. Ŋgulum ka, ti tsereke a lele, na ndəna i we a bazlam vìrìɗìɗɗe masakəŋa ndaka ahəm ana ti tsereke a tsiye ya.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 3:11

Kaɗəŋ, na masəra ba miviye ŋa ata aka ndza hinne tsiye, aka ɗifekwa à ndzəɗa Mbulum ata seyiŋ ana, sakwàn nda masəra ba awiya ŋa aaha a ndze a aà biybiy a ya, à zè a taŋa tsiye.

2 Kurintiya 4:13

A riŋ mewetse ŋa i wakita Mbulum ka, a gwa: «I tsik bazlam Mbulum a mburma ka, agəra ana i gəs ŋgat nda gəzləŋ a.»*fa* Ama mər ka, maa gəs Mbulum nda gəzləŋ mər ɓəŋɓəŋ lele, kamala wele ata a wetse ya mbaŋa. Aɗaba taŋa na mər tekeɗe, mìi ɗif a à bazlam ŋgar a mburma ya.

2 Kurintiya 7:4

I sər, kurum ka, gà ɓəzla megìse ndzer dukw ŋgar. Aɗaba taŋa, iye ihər i ndze a barbararra, aɗaba kurum ivaɗ. I huɗ mesewere are mər ana mìi sèwèr a ya tekeɗe, i ye a ba tsa, i ŋgeye a ba ivaɗ. Maŋgayaba gà ata a rèhiŋ a gəzləŋ ka, tsìsl lele.

FILIPIYA 1:14

Aɗaba megìse aaha ta gəs iye a daŋgay a tekeɗe ka, a vəl ndzəɗa a gà damər kwa ana i liwiŋ gà mburma Mbulum a bagwal ŋa ɓəŋɓəŋ lele, a səkah a tar à megìse ana ta gəs BATSAH kwa ŋa ya. Magəɗa a ge a ter a asa tsa, ti tsik a bazlam Mbulum a mburma ka, parakkà, tə səkah dər ivaɗ.

FILIPIYA 1:20

Dukw ana i waya hinne, i tike aaka madzala gà gər gà ya ka, i ta ge a dukw ana dite ka, tuɗum tuɗum a ndeɗe a aka iye hwarwa ya ilik tsidze. Ama ka, gəzləŋ ga ma ndza ɓəŋɓəŋ lele. A sèsiŋ ka, mege kinehe, kige tsa bəla ndeɗime tekeɗe ka, gà mburma tə̀ zləbawa à Yesuw Kiristi aɗaba iye. Na iye riŋ mandza ŋa nda are ya, ku mege Yàa mət tekeɗe ka, tə̀ zlə̀b à ŋgat pəra kamala taŋa ya.

KULUSIYA 4:4

Hamumar, na dite i sle a aà metsìkè bazlam ata a mburma ndərzayya lele ya. Aɗaba taŋa na a ne megemir gà ya.

1 TESALUNIKE 2:2

Ama ələk mì ta medeha a təv kurum ka, tàa sèwèr a mər are i Filipiya hinne. Tàa ge a mər matawak ka, kurum kà sərum. Ama ku mege gà ɓəzla mene are mər riŋ hinne tekeɗe, Mbulum aka vəl a mər ndzəɗa, na dite mì ɗif a kurum à bazlam ŋgwal ŋa ana a dara i təv ŋgar a ya.

1 TIMUTE 3:13

Na gà ɓəzla mazlàkà gà mburma ata ta ge a mege megemir ndaka vatwa ŋa lele ka, tàa ŋgat gər tar. I dəba ŋa ya, ta ŋget a vatwa, aà metsìkè bazlam Yesuw Kiristi parakkà lele kuɗa, aɗaba ana tàa gəs ŋgat ka, nda gəzləŋ ilik a.

FILIMUN 1:8

Aɗaba taŋa, iye ihər i gek a kamkam, aà mege dukw ana i tsikik a kinehe ya. Iye mala meslire Yesuw Kiristi ana a viliŋ ndzəɗa ya ka, i sle aà megweɗek a, say ki ge a dukw ana a de a ndaka vatwa ŋa lele ya, nda ndzəɗa.