2 Kurintiya 2:3 - Bible Zulgo

³ Aɗaba taŋa na i wetse a kurumaha wakita ŋgiɗ ata ya. Taŋa ka, avukw ana i dehe a a təv kurum zləmana ya. Na mege i daha a təv kurum akahər ata ka, ki vilwimiŋ a matsəɓatsəɓ a gəzləŋ ivaɗ. Ama ana ka, say kurum ivaɗ na ki vilwimiŋ a maŋgayaba a gəzləŋ zləmana ya. Ama i sər ndzer, na iye riŋ nda gà maŋgayaba ka, kurum tserdze tekeɗe, ki ndzwim a nda maŋgayaba mbaŋa.

2 Kurintiya 2:3 ပူးပေါင်းရင်းမြစ်များ

1 Kurintiya 4:21

A sàs a kurum ana, dukùla? Wànà i təv ana i dehe a a təv kurum ana, i daha nda gà megwiymbiɗ i ahər a, na dite i ɗif a kurum a dər à metsehe ya ya? Tsəna, ki mbiɗwim a à madzala gà gər kurum, na dite i dehe a ka, nda gà ŋgwal bazlam ana lìfèɗìɗe, ki sirwim a dər ka, i waya kurum a ya?

2 Kurintiya 1:15

Agər ana i sər gà dukw ata ti ti ne a ndzer a ka, i gwa, i dehe a a təv kurum dzekwiŋ, na mege a ge a ba ya ya, dite ka, i waya i sìrìk a riŋ aba aka ahəɗ Makaduniya zləmana. Aləka i təv ana Yàa màhara ba i fataya ka, i ta mbìɗehe a gər a təv kurum asa. Ama kəla ka, ki ti zlèkwim a iye, na i təv ana i dze a ba aà mada aka ahəɗ Yuda ya. I dzala ka, i de a kurumehe a à mipìsè ahəm Mbulum masula ŋa zləmana, aà mà zlak kurum ika vatwa Mbulum a. Ama araha kinehe ka, Yàa ndzeha a təv kurum asa tsa.

2 Kurintiya 1:23

Ama Mbulum ka, mala sida gà. Ma lekiŋ, na kige i sàs pàrsa ya. Taŋa Yàa daha a təv kurum a Kurintiya zukw tsəka, aɗaba i waya tsa na i vile a kurum a matsəɓatsəɓ a gəzləŋ kurum a.

2 Kurintiya 12:11

Iye ihər i ge a zlapa kataya ka, aɗaba i ne à ba gà kamala ana iye mala falày masakəŋa taf a. Ama kəla ka, kurum na kà fàrum aka iye ndzəɗa aà mege à ba gà kataya ya. I ge a aba zlapa ka, aɗaba ana kàa zlə̀bum à iye tsiye. Ana ka, say kurum na ki zlìbwim a à iye ya ivaɗ, tsəna, kataya tsiye? Aɗaba ku mege iye ka, duwa taf masakəŋa tekeɗe, gà asiŋ gà ɓəzla meslire Mbulum kurum ata kə̀ gwaɗum, tar gà bàba ŋa ya ka, tə za dər iye tsidze.

2 Kurintiya 12:21

Iye riŋ ihər i ge a magəɗa hinne, aɗaba i təv ana bəla Yàa daha a təv kurum asa ya ka, Mbulum Tsir kwa ma ta mà à iye a bəɗ ika miɗ kurum tsa. I ge a magəɗa ka, agəra ana bəla i ta ŋget a a gà ɓəzla bakal ana ika magər kurum hinne, a sàs a tar məmbə̀ɗà à madzala gà gər tar tsiye ya. Na bəla tar riŋ ti de a aka miɗ aka miɗ nda mege muva, nda mayaha gà məkəs ana tsilikw tsilikw a, dite nda mege dukw mezelme ana biy hwarwa dukw metsike tsiye asa ka, i ti tiwe a aɗaba tar hinne.

2 Kurintiya 13:10

I wetse a kurumaha gà dukw ata tserdze ya ka, Yàa daha a təv kurum zukw tsa. Aɗaba ələk i ti dehe a ka, kàa mbər məmbə̀ɗum à madzala gà gər kurum, dite na i fèfil a kurum a nda magala asa tsiye. Aɗaba Mbulum ka, aka viliŋ ndzəɗa aà meɗife a kurum à metsehe ndzer kaɗəŋ. Ama i ŋgat ndzəɗa ata ka, aà manəsa dər à kurum tsa kəla. A viliŋ ka, dite i zlak dər kurum nda təv mede kurum ana ki sìkèhwim a dər aka miɗ aka miɗ ika vatwa ŋgar a.

2 Kurintiya 2:9

I wetse a kurumaha wakita ata, i waya ka, i dzik dər à kurum, aà mesèmete ka, wànà kurum ihər ki gwim a dukw ana i tsikewa a kurum a ya, tsəna, ki gwim a tsiye ya. Araha, kàa tàtə̀kum a wele ata ka, hinne. Ama kinehe ka, say pə̀lumar à bakal ŋgar kuɗa pəra na a zeha ya.

2 Kurintiya 7:12

Aɗaba taŋa, wakita ata i wetse a kurumaha ya ka, i wetse aɗaba wele ana a ge bakal ata ya, kige tsa, agəra wele ana ta ge ihər bakal a ya ɓav tsa asa. Ama i wetse ka, dite mə vəl a kurum vatwa ika miɗ Mbulum parakkà, ku weke ma sər dər ka, kà wayum mər ndzer nda gəzləŋ ilik.

2 Kurintiya 7:16

I ŋgaya ba hinne ka, aɗaba i sər, kurum ka, gà ɓəzla ndzer kaɗəŋ.

2 Kurintiya 7:6

Ama na bəla gà mburma ta gweɗe a, dukw ata mìi sle a asa tsəka, Mbulum na a me a terehe a à arəv a. A mà a məraha à arəv ka, nda mede Titus ana a dara ya.

2 Kurintiya 7:8

I sər wakita gà ana i wetse a kurumaha akahər ata ya ka, aka vəl a kurum matsəɓatsəɓ a gəzləŋ hinne dukw ŋgar. Ama Yàa dzala aɗəm duwa hinne ɓav tsa. Malahalah ŋa ka, i dzala, i gwa, assàh, i wetse kataya ana, meme kuɗa ya. Aɗaba i samata, wakita ata i wetse a kurumaha ya ka, aka vəl a kurum matsəɓatsəɓ a gəzləŋ zaakwa dukw ŋgar.

2 Kurintiya 8:22

Mìi slirehe a mìsle ŋgiɗ pam asa, ti dehe a nda gà mburma ata sula ya. Wele ata ka, maa dzik à ŋgat sik diŋ, dite mì samata ka, a waya mazlàkà kurum nda ndzer dukw ŋgar. Kinehe tekeɗe, a sasar à zlèk a kurum, à zè a taŋa asa mbaŋa, aɗaba ana a tsaraka meɗè zləm mede kurum ana ika vatwa Mbulum ŋgwal ŋa lele ya.

GALATIYA 5:10

I sər ndzer, kà wayum bazlam gà, ki dzelwim a metsehe ŋgiɗ pam tsa, aɗaba ana kwa mandza ŋa nda gà Yesuw Kiristi BATSAH kwa ŋa ya. Ama wele ana a riŋ a wise a kurum a à gər a ka, ku mege weke tekeɗe, seriye Mbulum ika gər ŋgar.

2 TESALUNIKE 3:4

BATSAH kwa ŋa ka, a riŋ à zlèk a mər mbaŋa, na dite mìi gis a kurum lele, mì sir a dər ka, kurum ihər ki gwim a ka, dukw ana mì ɗif a kurum dər a haa kinehe, dite ki ta gwim a hiywe kamala taŋa ya mbaŋa asa ya.

FILIMUN 1:21

I wetsekaha wakita aaha ka, aɗaba i sər ndzer, ki ge a gà dukw ata i wizeha aà kər a. I sər, ki ge a ka, à zè a taŋa ivaɗ.