2 Kurintiya 13:5 - Bible Zulgo

⁵ Kinehe ka, dzikwim à ba kurum nda təv megìse dzekwiŋ. Kà samatum lele, aà ka sərum dər, wànà kàa gəsum Yesuw ana, nda ndzer a? Aɗaba kurum kà sərum, Yesuw Kiristi ka, ŋgat mandza ŋa i gəzləŋ kurum ana, wànà kà sərum tsiye? Na kataya tsəka, kàa dzawum ika vatwa ŋgar a.

2 Kurintiya 13:5 ပူးပေါင်းရင်းမြစ်များ

Yuhana 14:23

Yesuw a gwaɗar aaka: «Wur ana a weye a iye ya ka, a ti dze a gurmits a bəɗ a dukw ana i tsik a ya mbaŋa. Tsir gà a ta weye a ŋgat, dite ka, mər məma mìi dere a, mìi ndze a nda gà ŋgat.

Yuhana 15:4

21Ndzum i təv gà, kamala ahər dizl ɗaf ana mandza ŋa aà dizl ŋa ya, dite ka, iye tekeɗe, i ndze a i təv kurum. Ahər dizl ɗaf a sle aà mewe a à gər ŋgar tsa na ahəm dizl ŋa ihər tsiye. Kərga taŋa ya mbaŋa, ki slwim a aà mege duwa ilik tsa na kàa ndzum i təv ilik ŋa nda gà iye tsiye.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Yuhana 17:26

Yàa ɗif a tar aba à kər a. Ama a sèsiŋ ka, i ɗif a ter a dər hiywe aka miɗ aka miɗ asa, dite mawàyà ba yak ana kà waya iye ya, mà rah a gəzləŋ tar, iye tekeɗe, iye riŋ mandza ŋa i gəzləŋ tar mbaŋa.»

Yuhana 6:56

Wele ana a zim a slu ba gà, dite a se a məmbəz ga asa ya ka, ŋgat a ndze a i təv ga, dite iye tekeɗe, i ndze a i təv ŋgar mbaŋa.

Yuhana 6:6

A tsiker kataya ka, aà mesèmete dər, meme na Filip a gweɗe aaka a ya. Aɗaba ŋgat ŋa ka, aka səraba dukw ana a ge a ya.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 8:10

Na Yesuw Kiristi mandza ŋa i gəzləŋ kurum ka, Mezite Mesife Mbulum a vile a kurum a mesife, agəra ana kàa nwim gà ŋgwal ŋa ika miɗ ŋgar a. A vile a kurum a ka, ku mege ba kurum à mìt a aɗaba bakal ana ki gwim a ya tekeɗe.

1 Kurintiya 11:28

Aɗaba taŋa, say ku weke ma dzala dzekwiŋ. Na bəla bakal duwa a ŋgiɗits a ŋgat tsəka, ma zəm, dite ma sa mbaŋa.

1 Kurintiya 11:31

Na mege kàa dzalakwa aaka dzekwiŋ ka, ana ka, Mbulum a gese a kwa aka miɗ seriye ŋgar kamala taŋa ya asa tsa.

1 Kurintiya 3:16

Kurum kà sərum te tsiye, kurum gà mburma Mbulum, kà nwim ka, kamala ga Mbulum batsah ŋana ŋgat mandza ŋa iɗəm, dite ka, Mezite Mesife ŋgar ibam, a riŋ mandza ŋa i gəzləŋ kurum a?

1 Kurintiya 6:15

Kurum kà sərum te tsiye: ba kwa ka, magàwà ŋa nda ba Yesuw Kiristi ya? Wànà i zle a mezehe ba Yesuw Kiristi, dite i ge a dər muva ya? Awaŋ, a ge a ba tsa.

1 Kurintiya 6:19

Kurum kà sərum te tsiye: ba kurum a ne ka, ga Mezite Mesife Mbulum a? Mbulum a vəl a kurum Mezite Mesife ŋgar ata ka, aà dite ma ndza i gəzləŋ kurum a. Aɗaba taŋa, ba kurum a ne ka, biy kurum asa tsa.

1 Kurintiya 6:2

Kurum kà sərum te tsiye, gà mburma Mbulum na ti ta ge a seriye a gà mburma ana ika gər ahəɗ a tserdze ya? Na kataya ana, dite meme na ki slwim a aà masàsà ikaba kəla bazlam ata ika magər kurum a te tsiye?

1 Kurintiya 9:24

Kurum kà sərum, gà mburma hinne na tì dzer a ba aà mivele sah lele ya. Ama ələk ti ndze a a təv ana tì tìz aɗəm a ya ka, mburma ilik pəra na à lèh a, à zè a dər gà biy ŋgiɗ aaha ya. Ŋgat ka, a ŋget a dukw maya ba ŋgar. Aɗaba taŋa, iye ihər i tsik a kurum ŋa: Mərum aba, kamala gà ɓəzla metìze ata ya, dite na ki ŋgetwim a dukw maya ba kurum a.

1 Kurintiya 9:27

I gìzl a ba gà nda ahər gà ŋa, dite na à gis aà iye a ahəm a. Aɗaba a sèsiŋ ka, iye na i zal a bəɗ aà mege dukw ata ya, dite ka, i ndze a iɗəm a bəɗ a ka, a ge a ba tsa. Kamala taŋa ya, a pat seriye Mbulum ka, ma ta mà à iye a dəba tsa, na iye ana i ɗif à bazlam ŋgar a mburma ya.

2 Kurintiya 6:16

Wànà kà dzalum dze ana, dukw ana gà mburma ti ne dər mbulum nda ahər tar ŋa ya ana, a sle a aà mendze i ga Mbulum batsah ŋana ya? Awaŋ, a ge a ba tsidze. Yaw, sərum dər ka, kwa na kà nekwa ga Mbulum batsah ŋa ata ŋgat a riŋ nda mesife ya. Aɗaba Mbulum a gwa ka: «I ti ndze a ika magər gà mburma gà, i ta ŋget a təv mendze gà i fata. Iye i ti ne a Mbulum tar, dite tar tekeɗe, ti ti ne a gà mburma gà mbaŋa.»*fb*

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

GALATIYA 4:19

Gà ɓəza gà, iye ihər i sèwèr a are aɗaba kurum, kamala məkəs ana a we a kəla ka, tə̀pasəssà a wir ahər a ya. A riŋ a wir aà iye a ka, kamala taŋa ya, haa a təv ana kàa zlum ba Kiristi nda ndzer a.

GALATIYA 6:4

Say ku weke ma zlaŋa mede ŋgar ana a de a ya. Mà samata ka, wànà ŋgwal ŋa ya, tsəna, ŋgwal ŋa tsiye ya? Na bəla aka samata ŋgwal ŋa ka, a ŋgeye a ba hinne, agəra megemir ŋgar ana a ge a nda ahər ŋgar a, tsəka, a da dər tsa na a ge aaba a zlapa ka, nda megemir mìsle ŋgiɗ a.

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

KULUSIYA 1:23

Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

KULUSIYA 2:19

Tar ka, a sàs a tar mandza i təv ilik ŋa nda gà Yesuw Kiristi ana ŋgat BATSAH kwa ŋa ya tsa, tàa miyak dər. Ŋgat na a ne gər ŋa ya, dite gà mburma Mbulum ka, ti ne kamala ba ŋgar a. Gà na tar i ahər ŋgar a ka, a vile a ter a dukw ana a sle a ter a ya tserdze. Aɗaba tar ti ndze a ka, ndzəɗakkà nda gəzləŋ ilik, agəra ŋgat. Kamala taŋa ya, tì sìkèh a ika vatwa ŋgar kamala ana Mbulum a waya ya. A yaha gər a gà mburma ŋgar ata ka, na dite ti ne ba ilik nda gà ŋgat a, kamala ba mburma ana madzàvà ŋa ikaba nda gà mile ya.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

1 TIMUTE 2:15

Ku mege kataya tekeɗe, gà məkəs ka, ta mbele a mbaŋa, aɗaba ana tar riŋ ta we a ɓəza ya. Ama kə̀la ka, say na tar riŋ ta gis a Mbulum kəla pat nda gəzləŋ ilik, ta weye a mburma, ta ge a ŋgwal ŋa ika miɗ Mbulum, dite ka, tar riŋ ta hinne a à gər tar a bəɗ lìɓɓet kəla pat asa mbaŋa ya dzekwiŋ.

2 TIMUTE 3:8

Gà ɓəzla məbànà mburma ata ka, tàa niw dukw ana ndzer a, kamala gà Yanas nda Yembires ana ti niw bazlam Musa, ta màr à bakal akahər ata ya mbaŋa. Metsehe ana i gər tar a ka, manəsa ŋa fit. Tàa dzawa ika vatwa Mbulum ana zləmana ta gis a a gəzləŋ tar a.

TITUS 1:13

Kaɗəŋ, wele ata a tsik a ka, ndzer. Aɗaba taŋa, kwara akaba tar kwirik kwirik, na dite ka, ta ge a metsehe, ti zezem a vatwa Mbulum lele ya.

TITUS 1:16

Tar riŋ ihər ta gweɗe a ka, waytsà mì sər Mbulum ndzer, tsaatsa i təv gà dukw tar ana ta ge a ya ka, pàrsa, tə sər tsa. Tar ka, gà ŋgwal ŋa tsa fit, aɗaba ana a sàs a tar magəsa ahəm aà Mbulum tsiye, dite ka, tar tekeɗe, ti sle a aà mege dukw ana ŋgwal ŋa tsiye asa mbaŋa.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

IBƏRANIKWA 12:15

Gwim metsehe, aɗaba wura ilik ma ta mà a dəba aà dukw ŋgwal ŋa ana Mbulum a waya aà meger a tsa. Gwim metsehe asa ka, wura ilik ma ne kamala dukw ana a ndza ɗìwèkìke, dite ka, a nis a à gà dukw ŋgiɗ a tsa. Medzìbe gà mburma ata ka, ta hitse a à dukw ana mawùràba ŋa ya, ti nis a à mendze mburma hinne asa.

IBƏRANIKWA 4:1

Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

IBƏRANIKWA 6:8

Ama na bəla gùvàh ŋa a slil a mèhìrɓiɓe nda kwizir ana ŋgwala tsiye ana, a ge a ŋgulum a? Awaŋ, Mbulum a viler a mezelme, a wene a iɗəm a birɗek, a ndze a hinne tsa.

YAKUBA 4:4

A kurum ana ki gwim a duwa kataya kamala gà ɓəzla muva ya, kà sərum ti tsiye, na wura aka waya dukw gər ahəɗ hinne ka, ŋgat a ne mala mene are Mbulum a? Aɗaba taŋa na wura à gis a masla nda gər ahəɗ ka, ŋgat a ne mala mene are Mbulum ivaɗ.

1 PIYER 5:9

Dzìrìk hitswim aka miɗ ŋgar nda ndzəɗa megìse kurum ana kə̀ gəsum Mbulum a gəzləŋ kurum a. Aɗaba kurum kà sərum, gà asiŋ gà damər kurum ana ika vatwa Mbulum, ku mege i ŋga ika gər ahəɗ tserdze ya ka, tar riŋ tì sèwèr a are kamala kurum a mbaŋa.

Sunwa Yuhana 2:5

Dzalum gà gər ka, aka mede kurum ana akahər ata piŋŋe ya. Ki dzelwim a ka, aɗaba la na mì dəɗ ika vatwa ya. Ama kinehe ka, mbəɗum à madzala gà gər kurum, dite kà mùm aka megemir ana ŋgwal ŋa kà lah megwim akahər ata piŋŋe ya asa. Na ki mbiɗwim a à madzala gà gər kurum tsəka, i dere a a təv kurum a, i zle a aà kurum məvəɗa dukw ata akwa ikəka ndwatsndwatsutstswa ya.