2 Kurintiya 13:4 - Bible Zulgo

⁴ I təv ana tə ndwandway ŋgat aà dizl magə̀làwà ŋa ya ka, aka həna à gər ŋgar a bəɗ kaɗəŋ, a ne à ba ŋgar kamala ana ŋgat mbile ŋa ya. Ama kinehe ka, aka mbəlara i məməta ya, a riŋ a ndze a nda mesife, aɗaba ndzəɗa Mbulum kuɗa. Mər mandza ŋa ka, i təv ilik ŋa nda gà ŋgat. Kamala taŋa ya, mər tekeɗe, mì həna à gər a bəɗ, mì ne à ba mər gà mbile ŋa mbaŋa. Ama mər mìi ndze a kəla ka, nda mesife ŋgar mbaŋa. I təv ana maa ndzeha a təv kurum a ka, mìi ge a megemir nda ndzəɗa ana Mbulum a vəl a mər a.

2 Kurintiya 13:4 ပူးပေါင်းရင်းမြစ်များ

Yuhana 10:18

Wura a sle a aà mezle aà iye mesife gà ata ya nda ndzəɗa tsa. Ama iye ŋa i dzeye a à mesife gà. Dite ndzəɗa gà a riŋ aà maŋgata aɗəm asa. Kamala taŋa ya, i ge a ka, dukw ana Tsir gà a gweɗiŋ, ge ya.»

Gà Ɓəzla Meslire 2:36

Aɗaba taŋa kinehe tekeɗe ka, gà mburma Isərayel tə sər fit nda ndzer, Yesuw aaha kà ndwandwayum aà dizl magə̀làwà ŋa ya ka, ŋgat na Mbulum a ne dər BATSAH kwa ŋa, dite ka, mala məmbàlà à mburma ana Mbulum a gwa, i slir a kurumaha a asa ya.»

Gà Ɓəzla Meslire 3:16

Megìse ana a gəs Yesuw nda gəzləŋ a na a mbəl à wele aaha ki ŋgetwimer a, kà sərum ŋgat kinehe ya. Zləm Yesuw a vəlar ndzəɗa, a làmbaɗar à megìse ana a gəs ŋgat a, dite ka, a vəlar mandza zayzay asa, kamala ana kurum riŋ ki ŋgetwimer a kinehe ya.

RUMA 1:4

Ama i təv ana Mbulum a mbəlara à ŋgat i məməta ya, a ɗif dər ka, Kəla ŋgar ana a vəlar ndzəɗa aka gər gà duwa tserdze ya.

RUMA 14:9

Aɗaba ŋgat a mət, a mbəlara iɗəm a ka, na dite a ne Batsah ŋa ika gər gà na tar riŋ nda are ya, nda gà na tàa mata ya tserdze.

RUMA 6:4

Aɗaba i təv ana ti tsilwiɓ à kwa a yam a ka, ka matakwa akaba nda gà ŋgat, dite ti le akaba kwa a biye nda gà ŋgat mbaŋa. A ge ba kataya ka, na dite kwa tekeɗe, Mbulum Tsir kwa a vile a kwe a mesife awiya ŋa ya, kamala ana a mbəlara à Yesuw Kiristi i məməta ya, nda ndzəɗa ŋgar ana a za duwa tserdze ya mbaŋa.

1 Kurintiya 1:25

Na bəla gà mburma ta gweɗe a: Mbulum ka, metsehe ŋgar a riŋ tsa, ama tsaatsa tə sər dukw ana ta gwa ahər, dukw falày taf masakəŋa ya ka, dukw ata à zè a dər metsehe tar fit kweleŋ. Na bəla ti dzele a ka, ta gweɗe a: Mbulum ka, ndzəɗa ŋgar a riŋ tsa, dite megemir ŋgar ana ta gweɗe ahər a, ndzəɗa ŋa tsiye ka, tsaatsa, à zè a ndzəɗa tar fit asa mbaŋa.

1 Kurintiya 15:43

Məməta ana ti le a a biye ka, gwilwìmber gwilwìmber ndzəɗa iɗəm tsa, a tsahən tsa. Aləka aka ta mimbile ka, ndzəɗa ŋa, à tsehin a lele ndzer kuɗa.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 6:14

Mbulum na a mbəlara à BATSAH kwa ŋa ata i məməta ya ya. Kamala taŋa ya, kwa tekeɗe, a ta mbilere a à kwa ya nda ndzəɗa ŋgar a mbaŋa.

2 Kurintiya 10:10

Aɗaba gà asiŋ gà mìsle ŋgiɗ ika magər kurum ta gweɗe a, Pul a wetse a mər wakita ŋgar ata, dukw ana a wetse aɗəm a ka, mawura ba ŋa hinne, nda ndzəɗa na a tsik aɗəm a. Ama akahər ana ŋgat mandza ŋa ɗa ika magər kwa ya ka, mbile ŋa, dite bazlam ŋgar ana a tsikewa ya tekeɗe ibam, biy taf masakəŋa ana, meme?

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

2 Kurintiya 13:9

Na bəla kurum ka, gà ndzəɗa ŋa ika vatwa Mbulum, ama mər ka, gà mbile ŋa na i təv are kurum a tekeɗe ka, mìi ŋgeye a ba ivaɗ. Aɗaba taŋa, mìi heme a a Mbulum, dite mà zlak kurum, aà ka simwim ika vatwa ŋgar a.

FILIPIYA 3:10

I waya ka, duwa ilik pəra. A sèsiŋ ka, masəra Kiristi nda ndzəɗa ŋgar ana a mbəl dərra i məməta ya ya. I waya asa ka, i ŋget a a mesewere ŋgar ana a sèwèr a mbaŋa, na dite i ne a kamala ŋgat ana a mət a.

IBƏRANIKWA 5:7

Aka na Yesuw ɗa ika gər ahəɗ mba ya ka, a sər, Mbulum a sle aà mimbilere a à ŋgat i məməta ya. Aɗaba taŋa na a hama a Mbulum nda magala ŋgəlakəkka hinne, haa a tuwa a dar dərra i are ya. Mbulum tekeɗe, aka tsaraka meheme ŋgar ata, dite i dəba ŋa ya, a mbəlara à ŋgat i məməta ya, agəra ana a hənar à gər a bəɗ a.

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.

1 PIYER 3:22

Yesuw Kiristi ka, ŋgat aka tsəl a təv Mbulum. A riŋ mandza ŋa ika tsèke ahər mezime ŋgar. Ŋgat ka, a kwere a gà gawla Mbulum, nda gà Əbay tar ŋa dze, dite nda gà asiŋ gà dukw ana tserdze ndzəɗa tar a riŋ hinne i mbulum i gər ŋa ya.