2 Kurintiya 13:2 - Bible Zulgo

² Aka ana i daha a təv kurum masula ŋa ya ka, Yàa be à ɗaf a gà na ta ge bakal a, nda gà asiŋ ŋa ana ika magər kurum tserdze ya mbaŋa. Kinehe, Yàa ndzeha a təv kurum zukw tsəka, i be a kurumehe a à ɗaf asa mbaŋa. Aɗaba i gwaɗa a kurum: Na Yàa màra asa ka, i ti tètìk a a gà mburma ata tserdze ya.

2 Kurintiya 13:2 ပူးပေါင်းရင်းမြစ်များ

1 Kurintiya 5:5

Na kàa yahum ba gər kataya ka, miyakum à wele ata a ahər Əbay sitene, ma dzeye à slu ba ŋgar, dite bəla Mbulum a ta mbil a à mesife ŋgar, a pat ana Yesuw BATSAH kwa ŋa ata a ge a seriye a gà mburma ya.

2 Kurintiya 1:23

Ama Mbulum ka, mala sida gà. Ma lekiŋ, na kige i sàs pàrsa ya. Taŋa Yàa daha a təv kurum a Kurintiya zukw tsəka, aɗaba i waya tsa na i vile a kurum a matsəɓatsəɓ a gəzləŋ kurum a.

2 Kurintiya 12:14

Kinehe ka, Yàa hadzal ba, i waya na i dehe a a təv kurum məmakər ŋa ya asa. Ama kinehe tekeɗe, a sèsiŋ na i wiz aà kurum a duwa ya tsa. A sèsiŋ ka, ki giswim a iye lele ivaɗ, tsəka, i waya siŋgwe kurum ɓav tsa. A ne ka, kamala ana i təv gà tsir nda gà ɓəza tar a mbaŋa. Aɗaba gà tsir na ta gele a gà ɓəza ya ivaɗ, tsəka, gà ɓəza na ta ge a ter a gər a tsa.

2 Kurintiya 13:10

I wetse a kurumaha gà dukw ata tserdze ya ka, Yàa daha a təv kurum zukw tsa. Aɗaba ələk i ti dehe a ka, kàa mbər məmbə̀ɗum à madzala gà gər kurum, dite na i fèfil a kurum a nda magala asa tsiye. Aɗaba Mbulum ka, aka viliŋ ndzəɗa aà meɗife a kurum à metsehe ndzer kaɗəŋ. Ama i ŋgat ndzəɗa ata ka, aà manəsa dər à kurum tsa kəla. A viliŋ ka, dite i zlak dər kurum nda təv mede kurum ana ki sìkèhwim a dər aka miɗ aka miɗ ika vatwa ŋgar a.