2 Kurintiya 12:9 - Bible Zulgo

⁹ Ama ka, a gweɗiŋ aakara: «Ŋgwal gà ana i gik a ana, a slek a tsiye na ki bis a dər a. Aɗaba akahər ana kər mbile ŋa ya ka, ndzəɗa gà a ge a megemir i təv yak hinne.» I tsaraka taŋa ka, i gəs gəzləŋ nda maŋgayaba lele kuɗa, i ge a zlapa ka, aɗaba ana iye mbile ŋa ika miɗ Mbulum a, dite gà mburma tə sər dər ka, ndzəɗa *Kiristi na a ndze a i təv ga ya.

2 Kurintiya 12:9 ပူးပေါင်းရင်းမြစ်များ

Mata 28:18

Dite Yesuw a sìrìkaha a təv tar kuɗa. A daha, a gwaɗa a tar: «Mbulum aka viliŋ mekwere ŋgar ana i gər ŋa ya, ndəna ɗa ika gər ahəɗ a tserdze ka, a ahər gà.

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Luka 21:15

Aɗaba iye ŋana i ti ɗif a kurum a à bazlam, nda metsehe ana ki ta bwim a dər aà gà ɓəzla gùvəl kurum a, dite ka, ti sle aà meŋgete a vatwa aà metsìkè kurum bazlam ŋgiɗ asa tsiye.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 2:5

Aɗaba taŋa, megìse kurum ana kə̀ gəsum Yesuw Kiristi nda gəzləŋ kurum a ka, agəra ana kə̀ ŋgatum ndzəɗa Mbulum a, tsəka, agəra ana kà dzum zləm a metsehe mburma ya tsa.

2 Kurintiya 11:30

Kà wayum na i ge zlapa ya tsə̀nà? Ama i ge a zlapa ata ka, à mbile gà ata ika miɗ Mbulum a, tsəka, ndzəɗa gà a riŋ tsa.

2 Kurintiya 12:1

Kinehe ka, say i de a aka miɗ nda mege aba zlapa, ku mege i sər ka, a ge a ŋgulum a wura tsa tekeɗe ya. Ama asa ka, i fèfil a kurum a aka gər dukw ana BATSAH kwa ŋa a pètiŋ dər i sunwa ya ya.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 12:5

Iye ka, i ge a aba zlapa nda ahər gà ŋa, aɗaba wele ata ka, iye ŋa naha. Ama nda təv gà dukw ŋgiɗ i təv ga ka, i ge a aba zlapa tsa, say i ɗe a aba zləm ka, nda mbile gà ata ika miɗ Mbulum a.

EFESIYA 3:16

Iye ihər i hemer a ka, dite Mezite Mesife ŋgar mə vəl a kurum ndzəɗa ka, ka mərum aaba ika vatwa ŋgar ɓəŋɓəŋ lele. Aɗaba ŋgat ka, a be gà dukw tserdze. Dukw ana tserdze ya ka, i ahər ŋgar.

FILIPIYA 4:13

I sər magəsa gəzləŋ i təv duwa tserdze ka, say nda təv Yesuw Kiristi ana a viliŋ a ndzəɗa ya.

KULUSIYA 1:11

Mər ihər mìi hemer a mbaŋa ka, dite mə vəl a kurum ndzəɗa, ki ndzwim a ɓəŋɓəŋ lele, nda ndzəɗa ŋgar ana a za duwa tserdze ya. Kamala taŋa ya, ku mege ndeɗime tekeɗe, ki slwim a aà magəsa gəzləŋ i təv duwa ya tserdze, ki sìkèhwim a à mandza zayzay nda maŋgayaba i gəzləŋ kurum mbaŋa.

1 TIMUTE 1:14

Taŋa ŋgat BATSAH kwa ŋa aka pisiŋ ahəm hinne. Dite na kinehe a viliŋ ndzəɗa aà magəsa ŋgat nda gəzləŋ gà ilik, nda mawàyà ba ana a riŋ ika magər kwa mburma nda gà ŋgat a.

IBƏRANIKWA 11:34

Tàa ndza a təv akwa ana a wene a nda ndzəɗa ŋgarŋgar a. Ama ka, akwa ata siyèkw a mbete. Duwa kwizikw aka ge a tar tsidze.*fw* Tàa beye aà gà ɓəzla mene are tar ana tə ndzahaya tar màsalamà aà məbatsa dər tar a mbaŋa. Ku mege malahalah ŋa ndzəɗa tar a riŋ tsa tekeɗe, tàa ne gà ɓəzla ndzəɗa kuɗa. Ti ne gà na ti slewa aà mege gùvəl a, na dite tə dalawa gà sliwdze gà bərakə̀zəm tar ana tə dara ika ahəɗ ŋgiɗ a ya.

IBƏRANIKWA 4:16

Aɗaba taŋa, sìrìkikwa a təv mendze mekwere Əbay Mbulum ana a kwere a ya, dite ka, a ge a ŋgwal ŋa a mburma mbaŋa ya. Hìriɓ hìriɓ ki gekwa magəɗa tsa. Aɗaba ka sərakwa, kà ndzekwar are tsehe, dite na a gekwe a ŋgwal ŋa i təv dukw ana a sle a aà kwa ya.