2 Kurintiya 11:4 - Bible Zulgo

⁴ I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

2 Kurintiya 11:4 ပူးပေါင်းရင်းမြစ်များ

Markus 7:9

I dəba bazlam ata ya ka, Yesuw a gwaɗa a tar asa: «Kà sərum are mimìyàkà à bazlam Mbulum ka, hinne, dite na ki giswim a bazlam gà tsir kurum a tsəna?

Gà Ɓəzla Meslire 4:12

Ki slekwe a à mimbile ka, say nda təv ŋgar ilik. Aɗaba mege i ŋga ika gər ahəɗ tserdze, Mbulum aka vəl zləm ŋgar a wur a ilik, na dite ki slekwe a aà mimbile nda təv ŋgar a asa tsa.»

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

1 Kurintiya 3:11

Mbulum aka mbər metike aɗəm Yesuw Kiristi, a ne kamala ga ata ya. Wura ilik a sle aà madzàha biy ŋgiɗ pam asa tsidze.

2 Kurintiya 11:1

Kinehe ka, vilwimiŋ vatwa aà mene à ba gà kamala mala falày ana taf masakəŋa ya zaakwa, nda mege aba zlapa ŋgakŋgakəkka. Haya kaɗəŋ, kamkam vilwimiŋ ahər vatwa.

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

GALATIYA 3:2

I tsèm aà kurum a ka, duwa ilik pəra. Wànà Mezite Mesife ana Mbulum a vəl a kurum ana, agəra ana kà zazamum məpala ahəm gà Yahuda ya ya? Awaŋ, Mbulum a vəl a kurum Mezite Mesife ŋgar ka, agəra ana kàa dzum zləm a bazlam ŋgwal ŋana, dite kə̀ gəsum Yesuw Kiristi nda gəzləŋ kurum a. Wànà kataya tsiye?

1 TIMUTE 1:3

A sèsiŋ ka, na ki ndze a riŋ i Efesiya ya, Timute, kamala ana i tsikik piŋŋe akahər ana i məsak riŋ à kər, i da aka ahəɗ Makaduniya ya. Ndza riŋ i fata, dite ka palawa ahəm a gà mburma ana tar riŋ i fata, ti tsik a bazlam Mbulum a mburma ndaka vatwa ŋa tsiye ya.

1 TIMUTE 2:5

Guma ata ka, biy mburma dze. Aɗaba Mbulum ka, ilik, dite wele ana a sər ba à gà mburma nda ŋgat a ka, ilik mbaŋa. Taŋa Yesuw Kiristi ana a ne mburma ya.