2 Kurintiya 10:8 - Bible Zulgo

⁸ I sər, ndzəɗa ana BATSAH kwa ŋa a viliŋ a ahər a ka, a za biy wele ata asa mbaŋa. Biytsà taŋa ka, i sə̀ŋgə̀r à ba gà hinne, ama ka, hwarwa a giŋ a ɓav tsa. Aɗaba BATSAH kwa ŋa na a viliŋ ndzəɗa ata ya. A viliŋ taŋa ka, aà mazlàkà dər kurum, aà magəsa ŋgat, tsəka, aà medzeye à kurum tsa.

2 Kurintiya 10:8 ပူးပေါင်းရင်းမြစ်များ

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

2 Kurintiya 10:4

Dukw ahər mər tekeɗe, kamala biy gà mburma gər ahəɗ a tsa asa mbaŋa. Gà dukw ahər ata ka, Mbulum ivaɗ na a vəl a mər a. Ar ka, ndzəɗa ŋa hinne. Nda taŋa na mìi mbezle a dər à təv màŋgwàɓà gà ɓəzla mene are Mbulum ana tə dzayawa aɗəm ba ya. Mìi gis a dər ahəm aà are a gà na ŋgəraw ti dzele a duwa nda pàrsa ŋa ya.

2 Kurintiya 10:9

I tsik taŋa ka, aɗaba a sèsiŋ tsa na ki gweɗwim a ka, i waya mandza aà kurum magəɗa nda gà wakita gà ata ya.

2 Kurintiya 12:19

Bəla akahər ana mì wetse a kurumaha a huɗ wakita aaha ya, na kà dzalum, kù gwaɗum ka: «A ge a ka, gà mburma aaha ta geye ikaba tar a pəra, na ika miɗ mər a.» Ama ka, kataya tsa. Aɗaba mìi fèfil a ka, ika miɗ Mbulum kamala ana a sàs a *Kiristi ya. A kurum gà masla mər ana mì waya kurum hinne ya: Mì tsikeye a kurum gà dukw ata tserdze ya ka, aà mà zlak kurum. A sàs a mər ka, ki dwim a aka miɗ aka miɗ, ki ŋgetwim a ndzəɗa ika vatwa Mbulum a.

2 Kurintiya 12:6

Na bəla a sèsiŋ mege aba zlapa nda gà duwa ŋgiɗ asa ka, taŋa ka, iye mala falày masakəŋa ɓav tsa. Aɗaba dukw ana i tsik a ya ka, ndzer, tsəka, pàrsa iɗəm tsa. Ama ka, i tsik a tsa. I waya tsa na mburma tì zlibe à iye a ka, ta gweɗe a, ŋgat ka, batsah ŋa, agəra dukw ana i ge a dər zlapa zləmana ya ya. Seyiŋ tsa, a sèsiŋ ivaɗ ka, na tì zlibe à iye a agəra ana tə tsaraka dukw ana ndzer a, i bazlam gà ya ya, nda gà na ta ŋgatawa a dukw ana i gewa ya, tsəka, tə̀ zlə̀b à iye, mà za i gər a taŋa ya tsa.

2 Kurintiya 13:10

I wetse a kurumaha gà dukw ata tserdze ya ka, Yàa daha a təv kurum zukw tsa. Aɗaba ələk i ti dehe a ka, kàa mbər məmbə̀ɗum à madzala gà gər kurum, dite na i fèfil a kurum a nda magala asa tsiye. Aɗaba Mbulum ka, aka viliŋ ndzəɗa aà meɗife a kurum à metsehe ndzer kaɗəŋ. Ama i ŋgat ndzəɗa ata ka, aà manəsa dər à kurum tsa kəla. A viliŋ ka, dite i zlak dər kurum nda təv mede kurum ana ki sìkèhwim a dər aka miɗ aka miɗ ika vatwa ŋgar a.

2 Kurintiya 13:8

I huɗ meheme mər ana mì hamawa a Mbulum kamala taŋa ya ka, mì waya mìi ge a ka, dukw ana ndzer a, tsəka, mìi nis a à dukw ana ndzer a tsa ivaɗ.

2 Kurintiya 7:14

Aka ana i sləraha ŋgat a təv kurum a ka, Yàa zlə̀b à kurum ika miɗ ŋgar. Ama kinehe, mezlibe gà ata i zlə̀b à kurum a ka, a ne aka iye hwarwa taf masakəŋa tsa. Aɗaba gà dukw ana mì tsikewa a kurum tserdze ya ka, ndzer, pàrsa iɗəm tsa. Kamala taŋa ya, mezlibe mər ana mì zlə̀b à kurum ika miɗ Titus a tekeɗe, ar ka, ndzer mbaŋa.

2 Kurintiya 7:4

I sər, kurum ka, gà ɓəzla megìse ndzer dukw ŋgar. Aɗaba taŋa, iye ihər i ndze a barbararra, aɗaba kurum ivaɗ. I huɗ mesewere are mər ana mìi sèwèr a ya tekeɗe, i ye a ba tsa, i ŋgeye a ba ivaɗ. Maŋgayaba gà ata a rèhiŋ a gəzləŋ ka, tsìsl lele.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.