2 Kurintiya 10:7 - Bible Zulgo

⁷ Kurum kà fə̀rum ka, aà dukw ana a pàt aba, are kurum a ŋgatar a ɗekɗek pəra tsa. Ama na wura ika magər kurum, a gweɗe a, waytsà, iye ka, mburma Kiristi ka, ma sər dər, mər tekeɗe, gà mburma Kiristi kamala ŋgat a mbaŋa.

2 Kurintiya 10:7 ပူးပေါင်းရင်းမြစ်များ

Mata 23:5

Aɗaba megemir tar ana ta ge a ya ka, ika miɗ mburma, dite gà mburma ta fə̀r aà tar, ta gwa ka, tar ka, gà ŋgwal ŋa. Kamala taŋa ya, i təv ana ta heme a a Mbulum a ka, ti ndìwìɗewa gà petek ana slàrra ya a gər, kige tsa aà ahər. Tì dèneye a màdaŋgwàla duwa aka gùva petek tar zigwindindiɓɓe, ti ndze a dər kuɗa ka, ŋgakŋgakəkka asa mbaŋa.

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Yuhana 7:24

Miyakum à mege seriye dukw ana ki dzelwim a nda gər a. Ki gwim a seriye ka, nda ndzer ŋa.»

1 Kurintiya 1:12

Ama kà sərum dukw ana i waya i tsik a kurum a ya. Aɗaba ku weke ika magər kurum a, tar riŋ ti tsik a duwa ŋgiɗ pampam, agəra ana gà mìsle ŋgiɗ ika magər kurum a ka, tar riŋ ihər ta gweɗe a: «Mər ka, gà ɓəzla mazazama Pul.» Gà mìsle ŋgiɗ pam ta gwa: «Mər ka, gà ɓəzla mazazama Apalus.» Dite gà biy ŋgiɗ ibam, ta gweɗe a: «Mər ka, gà ɓəzla mazazama Piyer.» Dite gà biy ŋgiɗ asa ibam, ta gweɗe a i tar ka: «Mər ka, gà ɓəzla mazazama Yesuw Kiristi kuɗa.»

1 Kurintiya 14:37

Na bəla wura a gweɗe a, iye ka, Yàa ŋgat ndzəɗa Mezite Mesife Mbulum, kige tsa, iye mala məma à bazlam Mbulum a mburma ka, ma sər dər, dukw ana i wetse a kurum i faha ya ka, dukw ana BATSAH kwa ŋa a tsik a.

1 Kurintiya 15:23

Ama dukuməŋa a ge a ba ndaka vatwa ŋa, tsəka, a ndeb aaka a tsa. Taŋa Kiristi ka, ŋgat na a lah aà məmbə̀lara i məməta ya ya. A pat ana à mère a ya ka, Mbulum a ta mbele a à gà na ti ne gà mburma ŋgar a mbaŋa kuɗa.

1 Kurintiya 3:23

Ama kurum ka, gà mburma Yesuw Kiristi, dite Yesuw Kiristi tekeɗe ka, biy Mbulum mbaŋa asa.

1 Kurintiya 9:1

Fə̀rum aà mede gà ana i de a ya. Iye ana, i ziwe a gər gà tsiye? Iye mala meslire Mbulum asa tsiye? Dite Yàa ŋgat a Yesuw BATSAH kwa ŋa nda are gà mbaŋa tsiye? Kurum tserdze kà nwim gà mburma Mbulum ka, aɗaba iye, agəra ana i ge megemir a Yesuw BATSAH kwa ŋa ya.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 11:18

Ama i samata ka, gà mburma hinne na tar ihər ta ge a zlapa nda dukw gər ahəɗ a. Aɗaba taŋa, iye tekeɗe, i ge a aba zlapa kamala tar a mbaŋa.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 11:4

I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

2 Kurintiya 12:11

Iye ihər i ge a zlapa kataya ka, aɗaba i ne à ba gà kamala ana iye mala falày masakəŋa taf a. Ama kəla ka, kurum na kà fàrum aka iye ndzəɗa aà mege à ba gà kataya ya. I ge a aba zlapa ka, aɗaba ana kàa zlə̀bum à iye tsiye. Ana ka, say kurum na ki zlìbwim a à iye ya ivaɗ, tsəna, kataya tsiye? Aɗaba ku mege iye ka, duwa taf masakəŋa tekeɗe, gà asiŋ gà ɓəzla meslire Mbulum kurum ata kə̀ gwaɗum, tar gà bàba ŋa ya ka, tə za dər iye tsidze.

2 Kurintiya 13:3

Wànà a sàs a kurum ana, na ki sirwim a dər ka, *Kiristi na a fàfəl a kurum nda bazlam gà ya tsiye? Yaw, na kataya ka, i ɗif a kurum a dər kaɗəŋ. Aɗaba i təv ana ŋgat a ge a megemir i təv kurum a ka, ŋgat mbile ŋa tsa. Ama ŋgat ka, a ge a nda ndzəɗa ana i təv kurum a ivaɗ.

2 Kurintiya 5:12

A sàs a mər na mìi ge a zlapa à ba mər ika miɗ kurum a ɓav tsa. A sàs a mər ka, mìi ɗif a kurum a à vatwa ana ki ta ŋgeywim a dər ba aɗaba mər a ivaɗ. Taŋa ka, bəla gà mìsle ŋgiɗ ta wele a aà mər a ka, ki sirwim a mifefile a tar aakiŋa. Tar tə sə̀ŋgə̀rawa aba i tar ka, nda dukw ana ta ŋgeter a tsara ya, tsəka, ta fir a aà dəba tar dzekwiŋ tsa. Dite na bəla gəzləŋ tar manəsa ŋa tekeɗe ka, i tar duwa tsa.

GALATIYA 3:29

Ama na kurum gà mburma Kiristi ka, kamala megweɗe ya: Kurum ka, gà ɓəza Abəraham mbaŋa. Na kataya ka, ki ta ŋgetwim a dukw ana Mbulum a tsik i sida ya, a gwa, i ta vile a a gà Abəraham nda gà ɓəza ŋgar a tserdze mbaŋa.

1 Yuhana 4:6

Ama kwa ka, kàa nekwa gà mburma Mbulum. Wur ana a sər Mbulum a ka, a dze a zləm a dukw ana ki tsikikwe a ya. Ama wur ana aka ne kəla Mbulum tsiye ka, à dze aà kwe a zləm tsa. Kamala taŋa ya na ki slekwe a aà masəra dər ikaba à gà mburma ata ya ka, wànà ti ndze a ana, nda Mezite Mesife ndzer ŋana ya, kige tsa nda mezite mesife ana a bene a mburma ya yà.