2 Kurintiya 10:5 - Bible Zulgo

⁵ Dite mìi mbete a à bazlam gà mburma ana tə sə̀ŋgə̀rawa à ba tar, ta hìndìk a a vatwa a mburma, dite ka, tə sər Mbulum nda ndzer tsiye tserdze. Dukw ana mìi tsik a ya ka, a sàs a mər mburma ta miyak à madzala gà gər tar ana ŋgwala tsiye, dite ta gəs ahəm aà Kiristi ivaɗ.

2 Kurintiya 10:5 ပူးပေါင်းရင်းမြစ်များ

Mata 15:19

Aɗaba na a dere a i gəzləŋ mburma ya ka, madzala gà gər ana ti dzele a ŋgwala tsiye. Taŋa na a peze a za a mburma aà makə̀ɗà mburma, nda mege muva, dite nda mege mezelme nda təv dukw ana biy metsike tsiye, nda gà mege akəl, nda masàsà pàrsa aà mburma nda metsìkè dukw ana ìrih ìrih ìrih ŋgwala tsa aà mburma ya.

Luka 1:51

A ndiɗe à ahər, a ge dər gà bàba gà megemir hinne nda ndzəɗa. Aka hə̀nasla à gà mburma ana hala gawla i gəzləŋ tar nda dukw ana pampam tə dzala ya.

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 16:26

Ama kinehe ka, aka pàt dər kuɗa. A pàt dər ka, nda bazlam gà ɓəzla məma à guma Mbulum ana ta wetse aka gər Yesuw Kiristi ya. Mbulum, ŋgat mala mandza aà biybiy, a sasar ka, ti tsik a bazlam ŋa a mburma aà slàla aà slàla tserdze, na dite ta gis a ŋgat nda gəzləŋ lele, ta gis ahər a ahəm a.

RUMA 7:23

Ama i samata asa ka, duwa ŋgiɗ a riŋ i gəzləŋ kwa na a ge a gùvəl aà madzala gà gər kwa ana ŋgwal ŋa ya ya. Aɗaba dukw ata ŋgwala tsa i gəzləŋ kwa ya ka, à gis a kwa aà mege bakal, kamala ana kwa gà ɓele ŋgar a.

1 Kurintiya 1:19

Ar ka, kamala ana mewetse ŋa a riŋ i wakita Mbulum a, a gwa ka: «I ti dzeye a à gà mburma ana ta gweɗe a: Waytsà mər ka, gà ɓəzla metsehe ya. I ti niw a madzala gà gər gà mburma ana ta gweɗe a: Mər ka, gà ɓəzla masəra duwa ya.»*fa*

1 Kurintiya 3:19

I tsik kataya ka, aɗaba dukw ana gà mburma gər ahəɗ ti tsik ahər, ta gwa: Ŋgwal metsehe iɗəm a ka, Mbulum à fir ahər a kamala dukw falày taf masakəŋa ya. Ar ka, kamala ana mewetse ŋa a riŋ i wakita Mbulum ka, ta gwa: «Mbulum ka, à gis a gà ɓəzla metsehe a seriye i huɗ wirwir tar ana ta geyewa ya.»*fa*

2 Kurintiya 11:20

I təv ana ti newa à kurum gà ɓele ya ka, kə̀ gə̀sawum gəzləŋ pəra. Na bəla ti ndzeke a aà kurum duwa ya nda wirwir a, nda gà bəla ta bene a kurum, dite ta fir aà kurum a kamala za ya, kige tsa asa, bəla ta ge a kurum a matawak ŋguɗuts ŋguɗuts ka, ki giswim a ter a gəzləŋ dze ana, meme na taŋa ya?

2 Kurintiya 9:13

Məvəla dukw taf kurum ata na à pèt a à ndzer kurum a mburma parakkà, ti sir a dər, gəzləŋ kurum ŋgwal ŋa, kàa gəsum ŋgwal bazlam ata aka gər Yesuw Kiristi ya ka, ndzer kaɗəŋ, dite kàa gəsum ahər ahəm lele asa ya. Na tàa samata, ki gwim a kataya ka, gà mburma hinne ti ti zèmbeɗe a à Mbulum. Ti ti zlibe a dər mbaŋa, agəra ana ki vilwim a ter a gà dukw kurum fə̀làh fə̀làh, dite ki vilwim a a gà asiŋ gà mburma Mbulum ŋgiɗ tserdze mbaŋa ya.

FILIPIYA 4:7

Na kàa gwim kataya ka, Mbulum a vile a kurum a matasla yam a gəzləŋ zayya lele. A zè a dukw ana gà mburma ti sle a aà mesire nda metsehe tar a. Na kàa ŋgatum matasla yam ata ka, zayya a kesle a gəzləŋ kurum nda gà madzala gà gər kurum kuɗa, na dite duwa a ge a kurum a tsa, agəra ana kurum mandza ŋa i təv ilik ŋa nda gà Yesuw Kiristi ya.

2 TESALUNIKE 2:4

Mala mene are ŋgar ata ka, a ge a gùvəl aà gà dukw ana gà mburma tì zlibe a dər a tserdze, ku mege nda təv Mbulum, mege nda təv dukùla tekeɗe ya. A gweɗe a ka, iye na a za gà dukw ata tserdze ya. Ama ndeyndey ŋa ka, a de a a ga Mbulum Batsah ŋana, a ti ndze a aka təv mendze ana gà mburma tì zlibe a dər a. A gweɗe a ka, iye na Mbulum a.

2 TESALUNIKE 2:8

dite ka, mala mene are a Mbulum ata à pèt a aba kuɗa. Ama i təv ana Yesuw BATSAH kwa ŋa à mère a nda ndzəɗa ŋgar ana ika gər gà duwa tserdze ya ka, a dzeye a iɗəm à ŋgat a nda ndzəɗa mesife ŋgar ana a vizl aakara tìrr i bazlam ŋgar a kamala himbiɗ a ya.

IBƏRANIKWA 4:12

Kà sərakwa bazlam Mbulum ka, ŋgat na a vile a mesife a mburma ya. Ar ka, ndzəɗa ŋa hinne mbaŋa. Ndzəɗa ŋgar ka, a za dər màsalamà ana matasla ŋa hapəpəpa a zəm tsèke sula ya. A pìts a madzala gà gər mburma ka, kamala màsalamà ana à ses a ikaba təv mezìve ya, nda gà tsa, a dehe a, ərrats à ses a atasl ana azuz iɗəm a. Bazlam ŋgar ata ka, kwàndàlàz à pètere a iɗəm à gà dukw ana gà mburma ti dzele a i gəzləŋ tar, a sàs a tar aà mege ya.

IBƏRANIKWA 5:9

Mbulum a ndəv à dukw ana a dzala, a waya aà mege nda ŋgat a ka, a ne mala məmbə̀là à gà mburma ana tserdze ta gəs ahər ahəm a, dite ka, ta ŋget a mesife ana à ndìv a tsa aà biybiy a.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.