2 Kurintiya 10:18 - Bible Zulgo

¹⁸ Aɗaba Mbulum a waya ka, gà na tì zlibe a à ba tar a tsa, say à gà na ŋgat à zlibe a à tar a ivaɗ.

2 Kurintiya 10:18 ပူးပေါင်းရင်းမြစ်များ

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

RUMA 2:29

Gà Yahuda ndzer ŋana ka, say wele ana Mbulum aka mbəɗ à gəzləŋ ŋgar a ivaɗ. Dite na a ne masàsà ba ndzer ŋana asa ka, masàsà ba biy Mezite Mesife Mbulum ana a da a gəzləŋ mburma ya, tsəka, nda mazazama məpala ahəm ana ta wetse i wakita ya tsa. Mbulum na a vile a mezlibe a medzibe gà mburma ata ya, tsəka, mburma tsa.

2 Kurintiya 10:12

Gà mburma ata ka, tar ta gweɗe a, waytsà, mər ka, gà bàba ŋa. Ama mər ka, mìi sle a aà megweɗe a, mər ka, gà bàba ŋa tə tsa. A sàs a mər ka, mìi geye akaba a à ba mər nda gà tar ti tsidze. Aɗaba tar ta fə̀r aà ba tar ka, kamala ana wura a riŋ i dəba tar asa tsiye, dite ti live a ba à ba tar ŋa ika magər tar kamala taŋa ya ɗekɗek pəra. Ama metsehe tar a riŋ tsidze na taŋa ya.

Yuhana 12:43

A sàs a tar ka, tə da a gər a mburma, mà za biy Mbulum.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

2 Kurintiya 13:7

Ama a sàs a mər na mìi ne a à ba mər gà ŋgwal ŋa, dite aà gà mburma ta gwa aà mər, tar ka, gà ɓəzla meslire Mbulum a tsa kəla. Aɗaba dukw ana mər mì waya ya ka, mìi heme a a Mbulum, na dite ki gwim a dukw bakal asa tsiye. Ki gwim a ka, dukw ana ŋgwal ŋa ya, ku mege mì ne i təv gà mìsle ŋgiɗ ka, gà ɓəzla meslire Mbulum nda ndzer tsa tekeɗe ya.

2 Kurintiya 6:4

Seyiŋ tsa, i huɗ dukw ana mìi ge a tserdze ya ka, a sàs a mər na mìi pèt a dər a mburma parakkà, mər ka, gà ɓəzla megemir Mbulum a ivaɗ. Ku mege gà mesewere are a riŋ hinne, ta ge a mər a matawak, nda gà kuɗa duwa ŋgiɗ pampam ta geye a mər a tekeɗe, mìi gis a gəzləŋ kataya pəra.

RUMA 14:18

Na wura a ge a meslire a Yesuw Kiristi kataya ka, à tsehin a aà Mbulum, dite gà mburma tserdze tì zlibe a à ŋgat mbaŋa.

2 TIMUTE 2:15

Mər aba, ka ndaɗa akaba hwarwa tsa, na dite mege megemir yak ana ki ge a ya ka, à tsehin a aà Mbulum a. Mà à bazlam Mbulum ka, ndaka vatwa ŋa, tsəka, ka zle ahər tsa. Ama kà nikiɗ dər ihər a tsa asa. Na kàa ge dər kamala taŋa ya ka, kàa ne mala megemir Mbulum ndzer.

2 Kurintiya 5:12

A sàs a mər na mìi ge a zlapa à ba mər ika miɗ kurum a ɓav tsa. A sàs a mər ka, mìi ɗif a kurum a à vatwa ana ki ta ŋgeywim a dər ba aɗaba mər a ivaɗ. Taŋa ka, bəla gà mìsle ŋgiɗ ta wele a aà mər a ka, ki sirwim a mifefile a tar aakiŋa. Tar tə sə̀ŋgə̀rawa aba i tar ka, nda dukw ana ta ŋgeter a tsara ya, tsəka, ta fir a aà dəba tar dzekwiŋ tsa. Dite na bəla gəzləŋ tar manəsa ŋa tekeɗe ka, i tar duwa tsa.

2 Kurintiya 3:1

Aka biy kurum ana, mìi zlibe a aba nda ahər mər ŋa kamala ana kù gwaɗum a asa ya? Tsəna, mì wetsera gà wakita i təv mburma ya, dite mì da dərraha a təv kurum, mì pat a kurum dər, na dite ki sirwim a dər ka, mər gà ɓəzla meslire Mbulum gà ndzer ŋana ya ya? Awaŋ, ku mege a təv kurum tekeɗe, maa wiz medzibe wakita ata, dite mìi de a dər a təv gà mìsle ŋgiɗ aà məpàtà a tar dər ka, maa wiz ɓav tsa. Gà mìsle ŋgiɗ ka, ta gewa dər kamala taŋa ya seyiŋ. Ama mər ka, mì gewa dər kataya tə tsa.

1 Kurintiya 11:19

Ama kəla ka, ŋgwal ŋa ki ndzekwim a ba iba ya təv pampam seyiŋ dukw ŋgar, na dite ti sir a dər gà na ti zezem a Yesuw Kiristi nda gəzləŋ ilik a ya.

RUMA 16:10

Ama gwim wusa a Apelis, mala magəsa Yesuw Kiristi ndzer ŋana, ti sèwèrer are hinne tekeɗe ka, aka məsak dər tsiye. Ki gwimiŋ wusa a gà mburma ana i bəra Aristubul a.

Gà Ɓəzla Meslire 2:22

Piyer a gwaɗa a tar asa: «A kurum gà mburma Isərayel, iye ihər i gweɗe a kurum ŋa, dzum zləm a dukw ana i tsik a kurum a ya lele: Yesuw gà Nazaret ka, Mbulum na a slərra ŋgat a. Kamala taŋa ya, aka ge gà dukw mene à mburma ŋgiɗ pampam hinne nda ahər ŋgar, kamala meɗìfè à duwa a mburma ya tserdze mbaŋa. Kàa ŋgatum a gà dukw ata tserdze ya, ika magər kurum.