2 Kurintiya 10:1 - Bible Zulgo

¹ Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 10:1 ပူးပေါင်းရင်းမြစ်များ

Mata 11:29

Aɗaba iye ka, ŋgwal mburma lele, i sèwèr a kurum a are tsa. Gəsum ahəm gà lele, nwim ka, kamala gà sla ana ti tike aka ter a zukw, ta fìt a dər a. Ki sinikwim a ba à dukw ana i ge a ya, dite ka, gəzləŋ kurum ma ndza zayya lele kuɗa.

Mata 21:5

A gwa: «Mbulum a gwa ka, dumaha, gwaɗumaha a gà mburma ana i Yeruzalem a ka, araha, Əbay kurum naha, a dehe a a təv kurum. Ama a dehe a ka, nda ndzəɗa tsa, nda mahə̀nà à gər a bəɗ, aɗaba ŋgat a tsil a aka hezweŋe ata nda gà kəla ihər a.»*fa*

Gà Ɓəzla Meslire 8:32

Ama dukw ana a dzeŋge ya ka, naha: «A ne kamala təmaŋ ana ta gis a a təv mezle ɗa gà duwa ya. A ne kamala təmaŋ ana tì ses a ihər gasgas a ka, a tiwe a tsiye. Indwe, aka hə̀ndə̀k ika bazlam ŋgar a tsidze.

RUMA 10:20

I dəba ŋa ya, Ezaya, mala məma à guma Mbulum tekeɗe, a tsik parakkà lele. A gwa, Mbulum a gwa ka: «Gà mburma ana tàa yaha iye tsəka, aləka tar na ta ŋgat iye ya. I pàt à ba gà ka, a gà na tàa hemiŋ a tsiye.»*fi*

RUMA 12:1

Aɗaba taŋa, gà damər gà, i ge a kurum a kamkam: Kinehe ka, vəlum ba kurum ədəts a ahər a Mbulum, agəra ana kà ndzekwar are tsehe kataya ya. Ki vilwimer a ba ka, daga kinehe, kamala dukw ana ta kə̀ɗar taf masakəŋa ya, ku mege kinehe kurum riŋ nda are tekeɗe ya. Dukw ata ta kə̀ɗar a ka, ma ne biy ŋgar fit, dite ka, mà tsahən ahər kuɗa. Taŋa ka, vatwa ndzer ŋa ana biy mahàmà a Mbulum a.

RUMA 15:15

Ama wakita aaha i wetse a kurumaha ya ka, gà asiŋ gà bazlam ŋgiɗ iɗəm ka, Yàa ndaha a kurum dərraha aà are parakkà, i waya ka, mə̀ mà a kurumara a gər a. I sle a aà mewetse a kurumaha kamala taŋa ya ka, aɗaba ŋgwal Mbulum ana a giŋ a.

1 Kurintiya 2:3

Aka təv ana iye riŋ ika magər kurum a ka, ndzəɗa aà iye lele tsa. I gewa magəɗa hinne, i dzedzeriŋa.

1 Kurintiya 4:10

Kamala taŋa ya, mər ka, kamala gà ɓəzla falày ana taf masakəŋa ya, na aɗaba Yesuw Kiristi ya. Ama waytsà kurum ka, gà ɓəzla masəra duwa lele, na i təv magàwà ba kurum ana kə̀ gawum ba nda gà ŋgat a. Mər ka, ndzəɗa mər a riŋ tsa, ama kurum ka, ɓəŋɓəŋ gà ndzəɗa ŋa hinne. Mər ka, ta fir aà mər a bəsənnà kamala za ya. Ama kurum ka, tì zlibe a à kurum a ivaɗ.

1 Kurintiya 4:21

A sàs a kurum ana, dukùla? Wànà i təv ana i dehe a a təv kurum ana, i daha nda gà megwiymbiɗ i ahər a, na dite i ɗif a kurum a dər à metsehe ya ya? Tsəna, ki mbiɗwim a à madzala gà gər kurum, na dite i dehe a ka, nda gà ŋgwal bazlam ana lìfèɗìɗe, ki sirwim a dər ka, i waya kurum a ya?

2 Kurintiya 10:10

Aɗaba gà asiŋ gà mìsle ŋgiɗ ika magər kurum ta gweɗe a, Pul a wetse a mər wakita ŋgar ata, dukw ana a wetse aɗəm a ka, mawura ba ŋa hinne, nda ndzəɗa na a tsik aɗəm a. Ama akahər ana ŋgat mandza ŋa ɗa ika magər kwa ya ka, mbile ŋa, dite bazlam ŋgar ana a tsikewa ya tekeɗe ibam, biy taf masakəŋa ana, meme?

2 Kurintiya 10:2

Aɗaba taŋa, iye ihər i ge a kurum a kamkam asa mbaŋa: Mbəɗum à madzala gà gər kurum, na dite Yàa daha a təv kurum ka, ki ŋgwim aà iye bàlaarì, i fàfəl a kurum nda ndzəɗa asa tsiye. Gà asiŋ gà mìsle ŋgiɗ riŋ ika magər kurum i fata ka, tar riŋ ihər ta gweɗe aà iye a ka, waytsà megemir gà ana i ge a ya ka, biy Mezite Mesife Mbulum tsa. I zezem a ka, dukw gər ahəɗ ɗekɗek pəra. Ama medzibe gà mburma ata ka, i sər, i sle a aà meɗife a ter a à ndzəɗa gà dukw ŋgar.

2 Kurintiya 10:7

Kurum kà fə̀rum ka, aà dukw ana a pàt aba, are kurum a ŋgatar a ɗekɗek pəra tsa. Ama na wura ika magər kurum, a gweɗe a, waytsà, iye ka, mburma Kiristi ka, ma sər dər, mər tekeɗe, gà mburma Kiristi kamala ŋgat a mbaŋa.

2 Kurintiya 11:21

Assàh, iye ka, hwarwa a giŋ a aà metsìkè ŋa hinne. Aɗaba mər ka, mì ge magəɗa, na mìi ge a à kurum a kamala taŋa ya. Kinehe ka, iye ihər i fèfil a kurum a kamala ana iye mala falày masakəŋa ya kuɗa. Ama na bəla gà mìsle ŋgiɗ ta ge a zlapa nda dukw ŋgiɗ ka, iye tekeɗe, i ge a zlapa nda dukw ata mbaŋa.

2 Kurintiya 11:30

Kà wayum na i ge zlapa ya tsə̀nà? Ama i ge a zlapa ata ka, à mbile gà ata ika miɗ Mbulum a, tsəka, ndzəɗa gà a riŋ tsa.

2 Kurintiya 12:5

Iye ka, i ge a aba zlapa nda ahər gà ŋa, aɗaba wele ata ka, iye ŋa naha. Ama nda təv gà dukw ŋgiɗ i təv ga ka, i ge a aba zlapa tsa, say i ɗe a aba zləm ka, nda mbile gà ata ika miɗ Mbulum a.

2 Kurintiya 3:12

Aɗaba taŋa, mìi tsik a bazlam aka gər dukw ata ka, parakkà, mìi himbir a duwa asa tsa. Aɗaba mì sər, dukw ata ka, ndzer, pàrsa iɗəm tsa.

2 Kurintiya 5:20

Aɗaba taŋa, mər ka, maa ne gà ɓəzla meslire Kiristi. Ar ka, kamala ana Mbulum nda gər ŋgar a zel a a mburma nda bazlam mər a. Mìi ge a kurum a kamkam, aɗaba Kiristi: Vəlumar vatwa, ma sər ba à kurum nda Mbulum.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

2 Kurintiya 7:4

I sər, kurum ka, gà ɓəzla megìse ndzer dukw ŋgar. Aɗaba taŋa, iye ihər i ndze a barbararra, aɗaba kurum ivaɗ. I huɗ mesewere are mər ana mìi sèwèr a ya tekeɗe, i ye a ba tsa, i ŋgeye a ba ivaɗ. Maŋgayaba gà ata a rèhiŋ a gəzləŋ ka, tsìsl lele.

GALATIYA 4:13

Kurum kà sərum, malahalah ŋa ka, iye ŋgwala tsa, na i dza ba a təv kurum a, dite ka, na i ɗif a kurum à bazlam ŋgwal ŋana ya.

GALATIYA 5:2

Iye Pul, iye ihər i gweɗe a kurum ŋa: Na a sàs a kurum, tə sàs ba kurum ka, taŋa dukw ana Kiristi a ge aɗaba kurum a, a ge a kurum a ŋgulum asa tsidze.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

FILIPIYA 4:5

Mburma tserdze ta fə̀r aà mede kurum, tə sər dər ka, meme na kà gəsum mburma lele, ki gwim a ter a ŋgwal ŋa ya. Mə̀ məts a kurum gər tsa, na mimè ana BATSAH kwa ŋa à mère a bise ya.

KULUSIYA 1:23

Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.

2 TESALUNIKE 3:17

Iye Pul, i ge a kurumaha wusa. I wetse naha ka, nda ahər gà ŋa. Aɗaba i wetsewa zləm gà aka mandəvandəv wakita tserdze ka, kataya. Naha ka, mewetse dukw gà.

FILIMUN 1:19

Taŋa iye Pul nda ahər gà ŋa na i wetse bazlam aaha ya. I pìlek a ndzer. Ama kə̀la ka, ŋgulum gwèdèrè yak ata ka, ka wiz asa tsa. Aɗaba mesife ana kə ŋgat a ka, i bazlam gà ya na ka tsaraka ya.

FILIMUN 1:9

Ama ka, i tsikik a kataya tsa. I dzala, i gwa ka, ŋgulum i gek a kamkam nda zèyezèye kitè ivaɗ, aɗaba ana kà waya mburma lele ya. Iye Pul ka, màndawal mburma, dite kinehe iye mandza ŋa i daŋgay gədzə̀zlzla ka, aɗaba Yesuw Kiristi.

1 PIYER 2:11

Gà masla gà ana i waya kurum hinne ya, mə̀ məts a kurum gər tsa. Kurum kà nwim ika gər ahəɗ ka, kamala gà slele ya. Aɗaba taŋa, i ge a kurum a kamkam: Gwim metsehe, ka ta vəlum vatwa a gà dukw bakal ana ba kurum a waya aà mege ya asa tsa. Aɗaba medzibe dukw ata ka, a dzeye a à mesife kurum.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»