2 Kurintiya 1:8 - Bible Zulgo

⁸ Gà damər mər, a sàs a mər ka, mìi ɗif a kurum a à mesewere are ana mì sèwèr ika ahəɗ Asiya ya. Mesewere are ata ka, a beha, a za ndzəɗa mər fit kweleŋ fètìte. Mì gwa ka, mesife mər aka ndəv, mìi mete a dər pəra.

2 Kurintiya 1:8 ပူးပေါင်းရင်းမြစ်များ

Gà Ɓəzla Meslire 16:6

Aləka i dəba ŋa ya, tə zazəɗ i fataya. Ti de a aka ahəɗ Asiya. Ta waya zləmana ka, aà metsìkè bazlam Mbulum a gà mburma ana i fataya mbaŋa. Ama Mezite Mesife Mbulum aka vəl a tar vatwa aà mada a fata tsa. Aɗaba taŋa, tə da ndaka gà ahəɗ gà Firigiya nda Galatiya.

Gà Ɓəzla Meslire 2:9

Aɗaba araha, gà asiŋ ŋa ɗa i liwiŋ kwa ka, tə dayara ka, ika gà ahəɗ Partiya ya, nda Mediya ya, nda gà Ilam a, dite ika ahəɗ Mezapitamiya, ika gà ahəɗ Yuda nda Kapadukiya ya, ika gà ahəɗ Pwantus nda gà ika ahəɗ gà Ruma ana i Asiya ya,

RUMA 1:13

Gà damər ga, sərum dər ka, sik diŋ na i yahawa vatwa aà madaha a təv kurum a. Ama ka, haa kinehe Yàa ŋgataha vatwa zukw tsa. A sèsiŋ, i dehe a ka, aà mazlàkà kurum, kamala ana i zlàkawa gà asiŋ gà mburma ana ika gà ahəɗ ŋgiɗ a mbaŋa, na dite gà asiŋ ŋa ta mbìɗ a à gəzləŋ tar a təv Mbulum, tì sìkèhehe a a təv kurum aka miɗ aka miɗ a.

1 Kurintiya 15:32

Gà asiŋ gà mburma ana ɗa i kwite Efesiya ya, tàa sèwèriŋ are ka, hinne. Ar ka, kamala ana i ge gùvəl aà gà dukw dala ana gà ŋgwal ŋa tsiye. Na bəla i dzele a ka, kamala ana gà mburma gər ahəɗ ti dzele a ya ana, dite gùvəl ata i ge a ya ana, a giŋ a ŋgulum la? Na mege Mbulum a ta mbilere a à mburma i məməta ya tsəka, ana ka, ŋgulum zazamakwa bazlam minew ata, a gwa ka: «Gekwa məburnun, zəmakwa aba dukw mezime ya, kà sakwa guzum, aɗaba pat ŋgiɗ ka, sìkwèɗ duwa kwa a ta ge a riŋ asa tsa, ki metekwe a fit.»*fd*

1 Kurintiya 16:9

Aɗaba Yàa ŋgat vatwa aà megemir Mbulum parakkà lele, a de a aka miɗ aka miɗ. Dite asa ka, agəra ana gà ɓəzla mene are gà ɗa hinne i faha, ti nisiŋ a à mege megemir a.

1 Kurintiya 4:8

Ama kurum ki dzelwim a, ki gweɗwim a ka: Waytsà maa mbər meŋgete dukw ana Mbulum a vile a ya tserdze. Ki gweɗwim a asa: Mər ka, gà Əbay ŋa na ika vatwa Mbulum a. Na kataya ka, kurum tserdze ka, gà Əbay ŋa, ku mege mər gà Əbay ŋa tə tsa tekeɗe ya. Na mege kurum gà Əbay i təv Mbulum ndzer ka, ana ka, ŋgulum. Na mege kataya ka, ana ka, mər tekeɗe, ki gekwe akaba a Əbay ata nda gà kurum tserdze mbaŋa.

2 Kurintiya 1:9

I fataya ka, mì dzala, mì gwa, naha ka, mər ka, i ɗa məməta kamala gà na seriye a gasa tar, ta bets a tar a. Ama Mbulum a ge dər kataya, dite mì gəs ka, ndzəɗa ba mər asa tsa. A waya mì gəs ka, ndzəɗa ŋgar ilik, na a ge a mər a ŋgulum a. Aɗaba ŋgat na a mbəlawa à mburma i məməta ya ya.

2 Kurintiya 6:9

Ta gwaɗawa ka, tə sər mər tsa, mər ka, gà ɓəzla falày taf masakəŋa. Ama tsaatsa, gà asiŋ gà mìsle ŋgiɗ tserdze tə sər mər lele dukw ŋgar. Ta fə̀rawa aà mər ka, kamala ana mər ka, gà məməta ŋa ya. Ama ka, mər riŋ nda mesife lele dukw ŋgar mbaŋa. Ti sèwèrewa a mər are hinne, ama tàa bats mər zukw tsa seyiŋ.