2 Kurintiya 1:6 - Bible Zulgo

⁶ Taŋa mər riŋ ihər mìi sèwèr a are ka, aɗaba kurum, dite Mbulum à me a kurumehe a à arəv nda ahər mər, aà kə ŋgatum ndzəɗa ika vatwa ŋgar asa. Taŋa Mbulum a mà a məraha à arəv ka, aɗaba kurum mbaŋa asa, na dite ki ŋgetwim a ndzəɗa ɓəŋɓəŋ nda təv megìse mbaŋa ya. Kamala taŋa ya, ki slwim a aà məbàsà gəzləŋ i təv mesewere are ana ki sèwèrwim a ya, kamala mər a mbaŋa.

2 Kurintiya 1:6 ပူးပေါင်းရင်းမြစ်များ

Gà Ɓəzla Meslire 21:5

Mì ndəv à mendze mər kwaskwa ilik ŋa ata ka, mì mah ba, mì da. Tə laka mər tserdze nda gà məkəs tar, dite nda gà ɓəza tar ìzad aà kwite ya. Mì ndze aka gər dula ka, mì dzaya gurmits a bəɗ, mì hama a Mbulum.

RUMA 8:28

Kà sərakwa, gà mburma ana Mbulum a waya tar, a zal a tar, dite ta ge dukw ana a tsahən ahər a ka, a ge a megemir nda gà tar kamala ana a waya ya. A sasar dukw ana a ge a ba nda gà tar tserdze ya ka, ma ge a tar ŋgulum.

2 Kurintiya 1:4

Ku mege ndeɗime, i təv ana mìi sèwèr a are hinne ya ka, ŋgat a vəlawa a mər ndzəɗa, na dite mər tekeɗe, mìi dehe a, mìi mèhe a à arəv a gà na tar riŋ ihər tì sèwèr a are ya mbaŋa ya. Mìi zlèk a tar ka, kamala ana Mbulum a zlak mər a mbaŋa.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 5:5

Mbulum nda gər ŋgar na a ge megemir i gəzləŋ kwa ya, aà kə ŋgatakwa ba awiya ŋa ata. A vəl a kwa Mezite Mesife ŋgar, dite ki sirekwe a dər ka, a ta vile a kwe a ba awiya ŋa ata mbaŋa ya.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 3:13

Aɗaba taŋa, iye ihər i ge a kurum a kamkam: Ma tə tsəɓ a kurum aɗaba ana iye ihər i sèwèr a are agəra kurum a tsa. Seyiŋ ivaɗ tsa, mesewere are gà ata ka, à zlèk a kurum hinne.

FILIPIYA 1:19

Aɗaba i sər, mendze gà ana i faha ya ka, duwa tserdze a ge a ba lele na i təv ga ya. Mbulum a mbil a à iye i mesewere are ya, aɗaba ana kurum riŋ ihər ki hemwimer a aɗaba iye ya, dite ka, Mezite Mesife Yesuw Kiristi à zlèk a iye mbaŋa.*fa*

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.