1 TIMUTE 6:2 - Bible Zulgo

² Na bəla gà ɓəzla ga tar ata tar riŋ ti zezem a Yesuw Kiristi nda gà tar tserdze ka, tə ta dzala ka, mər ilik ika miɗ Yesuw Kiristi tsam ana, là ŋa ya, aàmala na mìi zlibe a à tar a asa ya tsa. Seyiŋ tsa, ŋgwal ŋa ka, ta ge a tar megemir nda gəzləŋ ilik lele, mà za dər na tə lah ahər piŋŋe ya. Aɗaba gà ɓəzla ga tar ata ta gəs Yesuw Kiristi nda gəzləŋ a, ta waya tar, dite tar tekeɗe, ta ge ŋgwal a gà mburma aaha mbaŋa. Araha, naha ka, gà dukw ana ki ɗif a dər a mburma, ki mbizle a ter aaka a, ta ge kamala taŋa ya.

1 TIMUTE 6:2 ပူးပေါင်းရင်းမြစ်များ

Mata 23:8

Ama kurum ka, wura ma tə zal a kurum <Əbay medzeŋge a mburma> tə tsa. Aɗaba kurum tserdze ka, nda gà damər. Əbay medzeŋge a kurum ka, ilik, tsəka, sula tsa.»

Mata 25:40

I dəba ŋa ya ka, iye Əbay, i gweɗe a ter aakiŋa:

Mata 6:24

Aləka, i dəba ŋa ya, a gwaɗa a tar asa: «Wura a sle aà megewe akaba a megemir gà mburma sula tsa. Aɗaba pat ŋgiɗ ka, a ge a swalwa a mìsle ŋgiɗ, a weye a biy ŋgiɗ lele. Kige tsa, à gis a ahəm aà biy ŋgiɗ aaha lele, i ŋgiɗ ka, à gis ahər a tsa, kùrtìtìk a niw a bazlam ŋgar. Kamala taŋa ya, kurum tekeɗe, ki slwim a aà megemir a Mbulum, dite ka, a siŋgwe asa sula sula tsa.»

Gà Ɓəzla Meslire 1:15

A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:

RUMA 11:17

Kamala taŋa ya, dizl duwa a riŋ, ŋgwal ŋa biy mezime, tə sàsara iɗəm tsèke ahər ŋgiɗ a. Tə daha, tə sàsara aɗəm ahər dizl ɗaf ŋgiɗ i dala ya taf masakəŋa, tə dzavaya aaka. Aɗaba taŋa, kurum gà mburma ana gà Yahuda tsa, kà nwim ka, kamala ahər dizl ɗaf ata, tə sasara i dala ya taf masakəŋa, tə dzava aaka ya. Dukw ŋgwal ŋa ana gà Yahuda ta ŋgat a ka, kurum kinehe tekeɗe, kàa ŋgatum mbaŋa, kamala ahər dizl ɗaf ana dzəŋdzəŋ a ŋgat ndzəɗa, a sara yam i ba batsah ŋana ya ya.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

EFESIYA 1:1

Iye Pul, wele ana Mbulum a zla kamala mala meslire Yesuw Kiristi ya. I wetseha wakita aaha ka, a kurum gà mburma Mbulum ana i Efesiya ya. I wetseha ka, a kurum ana kàa gəsum Yesuw Kiristi nda gəzləŋ lele, dite ka, kurum riŋ mandza ŋa i təv ilik ŋa nda gà ŋgat asa ya.

EFESIYA 1:15

Iye riŋ i ge a kəkaaha a Mbulum aɗaba kurum, agəra gà dukw ata tserdze ya. Yàa tsaraka meme na kurum riŋ ki dwim a à magəsa Yesuw BATSAH kwa ŋa aka miɗ aka miɗ a. Yàa tsaraka mbaŋa asa, meme na kà wayum gà mburma Mbulum a.

EFESIYA 3:6

Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

KULUSIYA 1:2

Mì wetseha ka, a kurum gà mburma Mbulum ana i Kulusiya ya, a kurum ana kà nwim gà damər mər, kurum riŋ mandza ŋa i təv ilik ŋa nda gà Yesuw Kiristi, ki zezemwim a ŋgat nda gəzləŋ ilik a. Mì heme a a Mbulum Tsir kwa, dite ma ge a kurum ŋgwal ŋa, mə vəl a kurum matasla yam a gəzləŋ zayya lele.

KULUSIYA 1:4

Meheme ata mì hamawa a ka, aɗaba ana mì tsaraka meɗè zləm kurum ana kə̀ gəsum Yesuw nda gəzləŋ, dite kà wayum gà asiŋ gà mburma ŋgiɗ ana ika vatwa Mbulum a tserdze asa mbaŋa ya.

KULUSIYA 4:1

Kurum gà ɓəzla ga tekeɗe ka, gəsum gà ɓele kurum ndaka vatwa ŋa lele, kà fə̀rum aà tar ka, kamala za ya tsa. Aɗaba kurum kà sərum, kurum tekeɗe ka, Batsah kurum ŋa a riŋ i Mbulum, à gis a kurum lele mbaŋa.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

1 TIMUTE 4:11

Timute, tsik a tar, ta ge gà dukw ata, dite ka ɗif a tar dər lele.

1 TIMUTE 5:1

Ka ti ɗif à metsehe a màndawal gà asləka nda magala tsa. Say ki ɗifer a dər ka, nda zèyezèye ŋa, kamala ana ŋgat ka, tsir yak a. Ki ɗif a dər a gà gawla gà mburma ibam ka, kamala ana ki tsik a ka, a gà damər yak a.

TITUS 2:1

Ama kər kinehe, dzeŋge a mburma ka, dukw ana ndzer ŋa, a de a ndaka vatwa Mbulum a.

TITUS 2:15

Dzeŋge gà bazlam aaha i wetse dze ya, a mburma. Kà mà a taraha à arəv. Be à ɗaf a gà na tì dzer a zləm tsiye, ka pala a tar ahəm. fafəlawa a tar nda ndzəɗa ana Mbulum a vəlak a. Ka ta vəl vatwa a wura ilik aà metsìkè aà kər dukw ana ŋgwala tsiye tsa.

TITUS 3:8

Dukw ana i tsikik a ya ka, ndzer kaɗəŋ, pàrsa iɗəm tsa. A sèsiŋ ka, ki dzeŋge a gà dukw ata a gà mburma kəla pat, dite gà na ta gəs Mbulum a, ta ge dukw ana ŋgwal ŋa ya kəla pat mbaŋa. Aɗaba taŋa ka, lele, a ge a ŋgulum a gà mburma.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.

Yuda 1:8

Kamala taŋa ya, gà ɓəzla pàrsa ata tə dara aka magər kurum a ka, ta geye a medzibe gà dukw bakal ata mbaŋa. Sunwa a de a aka teriŋa, dite i dəba ŋa ya, ta ge a dukw mezelme ba tar ata kuɗa. A sàs a tar na Mbulum a kwere a tar a tsa. Ti ndeveye a a gà gawla Mbulum ana tar riŋ nda gà mezlibe tar ana tì zlibe a à ter a ya mbaŋa asa.