1 TIMUTE 5:8 - Bible Zulgo

⁸ Na wur ana a ge a gər a gà mburma ŋgar tsəka, ŋgwal ŋa tsa. Ndeyndey ŋa ka, wur ana a ge a gər a ga mburma ana i ga i ma ŋgar a tsiye. Taŋa ka, ŋgwìɗik aka miyak à bazlam Yesuw ana kə̀ gə̀sakwa ya. Ama ka, ŋgulum wur ana aka gəs Yesuw tsiye.

1 TIMUTE 5:8 ပူးပေါင်းရင်းမြစ်များ

Mata 18:17

Na aka gəs ahəm aà kurum ata tsəka, tsik a gà mburma ana i ga Mbulum a tserdze. Na bəla aka gəs aà tar ɓav tsəka, fə̀r ahər kamala wur ana aka gəs bazlam Mbulum ilik tsiye, kige tsa kamala mala dùwan ana a gewa bakal hinne ya.

Mata 7:11

Na kurum ana gà ŋgwal ŋa tsiye ka, ka sərum məvəla gà ŋgwal gà dukw a gà ɓəza kurum seyiŋ ana, sakwàn Tsir kurum ana i gər ŋa ya ivaɗ a. A vile a gà ŋgwal gà dukw a gà na ta wiz ahər a ya ana, à zè a taŋa tsiye?

Yuhana 15:22

Na mege i dara ndeɗiŋa, dite i tsik a tar gà bazlam tsəka, ana ka, Mbulum à gis a tar nda seriye ŋgar tsa. Ama kinehe ka, tàa tsaraka dukw ana i tsik a ya tserdze, dite ta ge a dər akaba bakal ka, bakal tar ata à pìl a asa tsa.

1 Kurintiya 6:6

Dite aàmala na ki gwim a seriye aà gà asiŋ gà mburma Mbulum ŋgiɗ ika miɗ gà na tàa gəs Yesuw Kiristi tsiye ya?

2 Kurintiya 12:14

Kinehe ka, Yàa hadzal ba, i waya na i dehe a a təv kurum məmakər ŋa ya asa. Ama kinehe tekeɗe, a sèsiŋ na i wiz aà kurum a duwa ya tsa. A sèsiŋ ka, ki giswim a iye lele ivaɗ, tsəka, i waya siŋgwe kurum ɓav tsa. A ne ka, kamala ana i təv gà tsir nda gà ɓəza tar a mbaŋa. Aɗaba gà tsir na ta gele a gà ɓəza ya ivaɗ, tsəka, gà ɓəza na ta ge a ter a gər a tsa.

2 Kurintiya 6:15

Kà sərakwa, gà *Kiristi nda Əbay sitene ka, ti sle a aà mandza akaba ahəm tsidze. Aɗaba taŋa, wele ana aka gəs Yesuw nda gəzləŋ a, nda wele ana aka gəs tsiye ka, ti sle a aà mandza akaba madzala gà gər tar a təv ilik ŋa ɓav tsa mbaŋa.

GALATIYA 6:10

Aɗaba taŋa, daga aà kinehe ya, na vatwa a riŋ ka, gekwa ŋgwal a gà mburma tserdze. Ndeyndey ŋana ka, a gà na ta gəs Yesuw Kiristi nda gəzləŋ a mbaŋa.

2 TIMUTE 2:12

Na kàa gə̀sakwa gəzləŋ i təv gà mesewere are ya nda gà ŋgat ka, kwa tekeɗe, ki ta kwerekwe akaba a gər ahəɗ nda gà ŋgat tserdze mbaŋa asa. Ama na bəla kwa kàa miyakukwa à ŋgat ka, ŋgat tekeɗe, a ta miyek a à kwa mbaŋa te.

2 TIMUTE 3:5

Gà medzibe gà mburma ata ta gweɗe a, waytsà mər ka, gà mburma Mbulum. Tsaatsa tàa gəs Mbulum ana a sle aà mivile a ter a ndzəɗa, dite à mbìɗ a à madzala gà gər tar a ka, ta gəs tsa. Medzìbe gà mburma ata ka, tsàkàlàk ndza aà tar a diriŋ.

TITUS 1:16

Tar riŋ ihər ta gweɗe a ka, waytsà mì sər Mbulum ndzer, tsaatsa i təv gà dukw tar ana ta ge a ya ka, pàrsa, tə sər tsa. Tar ka, gà ŋgwal ŋa tsa fit, aɗaba ana a sàs a tar magəsa ahəm aà Mbulum tsiye, dite ka, tar tekeɗe, ti sle a aà mege dukw ana ŋgwal ŋa tsiye asa mbaŋa.

2 Piyer 2:1

Akahər ata ka, gà ɓəzla məma à bazlam Mbulum ana nda pàrsa ya ka, tar riŋ ika magər gà mburma Mbulum gà Isərayel hinne. Ama kinehe ka, gà ɓəzla pàrsa ti ti ɗe a aba ika magər kurum kataya mbaŋa. Ti dere a, ta pèt a aba ka, nda wirwir, na ti dzeŋge a guma pàrsa tar ana ti dzeye a dər à mburma ya. Ti niw a Yesuw Kiristi BATSAH kwa ŋana a mbala à tar i bakal tar piŋŋe ya. Aɗaba gà dukw ata ta geye a kataya ka, seriye Mbulum a ta gis a tar ka, bise tsara, a dzeye à ter a fit kweleŋ.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

Sunwa Yuhana 2:13

I sər təv ana kurum mandza ŋa iɗəm a. Təv ata ka, i mekwere Əbay sitene ana a kwere a ya. Ama kəla ka, kàa miyakum à iye tsa, kàa dum aka miɗ nda megìse kurum ana kə̀ gəsum iye nda gəzləŋ kurum a, ku mege i təv ana ta kəɗ aà kurum Antipas, wele ana mburma gà ndzer, a ɗif à zləm gà tekeɗe ya. Ta kəɗ ŋgat ka, ika magər kurum a, i təv ana Əbay sitene mandza ŋa iɗəm a.

Sunwa Yuhana 3:8

I sər megemir kurum ana kurum ihər ki gwim a ya. Dite i sər asa ka, ndzəɗa kurum ka, hinne tsa, kwizikw pəra. Ama ku mege kataya tekeɗe, kàa giswim aà iye ahəm agəra dukw ana i tsik a kurum a. Kàa miyakum à iye tsidze. Araha, iye ka, Yàa hə̀ndə̀k a kurum i biye hərmaga ya. Wura ilik a sle a aà mahə̀ndə̀kà ŋa aɗəm asa tsa.