1 TIMUTE 5:5 - Bible Zulgo

⁵ Ama madakwa məkəs ana wur ŋgar a riŋ tsa, biy mandza are tsehe ya ka, ŋgat a tike madzala gà gər ŋgar ka, a təv Mbulum ilik, a hemer a kəla pat i hawa i mèkwède, dite ka, mà zlak ŋgat.

1 TIMUTE 5:5 ပူးပေါင်းရင်းမြစ်များ

1 TIMUTE 5:3

fafəl a gà madakwa gà məkəs ana wur tar a riŋ tsiye lele, kà zlak tar.

Luka 2:37

I dəba ŋa ya, zal ŋgar a mət, a ndza i ga ŋgar madakwa ŋa haa mive ŋgar a ge dzik tsamakər gəra faɗ. A zàwa a ga Mbulum batsah ŋa ata tsidze. Ŋgat a riŋ a gewa meslire a Mbulum kəla pat, ku mege ndaàvəɗ, ku mege ndaàpat tekeɗe. A gewa ndəra, a hamawa dər akaba a Mbulum mbaŋa.

1 PIYER 3:5

Kamala taŋa ya, gà məkəs gà mburma Mbulum ana akahər ata ya, tar tə làmbaɗa ba tar ka, nda madzala gà gər tar ana i təv Mbulum a. Tar ka, ta hənawa à gər a bəɗ a gà zal tar.

1 TIMUTE 5:16

Na məkəs ana a zezem a Yesuw Kiristi ya, wur ŋgar a riŋ madakwa ŋa ka, say mà zlak ŋgat, na ŋgwal ŋa ya. Aɗaba mazlàkà medzibe gà madakwa gà məkəs ata ka, gà mburma ana i ga Mbulum a tsa na à gis ahər a ahər a. Na aka zlak ŋgat ka, taŋa gà mburma ana i ga Mbulum a, ta ŋget a vatwa aà mazlàkà gà madakwa gà məkəs ana wura tar a riŋ tsiye lele.

1 Kurintiya 7:32

Ama a sèsiŋ ka, ka dzalum duwa tsa. Wur ana məkəs ihər tsiye, a tike a madzala gà gər ŋgar ka, aka mege megemir BATSAH kwa ŋa ɗekɗek, na dite à tsehin ahər a lele ya.

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

Luka 18:7

Dite wànà Mbulum dze ana, a ti zlèk a gà mburma ana a pala tar, ti tiwer aaba a hawa mèkwède ya seyiŋ ivaɗ tsiye? Wànà a ge a mèhìnèkw aà mezleke tar a?

1 Kurintiya 7:34

dite aà Mbulum mbaŋa ya, fit sula məma. Kamala taŋa ya, madzala gà gər a de a ka, vatwa sula wàkit wàkit. I təv gà məkəs tekeɗe, ar ka, kamala taŋa ya mbaŋa. Məkəs ana zal ŋgar a riŋ tsiye, kige tsa, dəm ana aà ga ma ya, tar ti tike a madzala gà gər tar ka, aka megemir Yesuw Kiristi BATSAH kwa ŋa ɗekɗek pəra. A sàs a tar ta vile a gəzləŋ tar ka, a Mbulum, na dite ti zezem a ŋgat, ku i təv dukùla ya tserdze ya. Ama məkəs ana zal ŋgar a riŋ a, ŋgat a dzele a ka, aka dukw gər ahəɗ, a sasar a ge a ka, dukw ana à tsehin a aà zal ŋgar a mbaŋa.

RUMA 1:12

Kige tsa, ŋgulum i gweɗe a ka, kwa tserdze mayakwabaha à arəv, na dite ka, megìse kurum ana kə̀ gəsum Yesuw Kiristi nda gəzləŋ kurum a ka, à mìŋgehe a à arəv a. Kamala taŋa ya, megìse gà ana i gəs Yesuw Kiristi nda gəzləŋ a tekeɗe ka, à mèye a kurumaha a arəv mbaŋa.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

Gà Ɓəzla Meslire 26:7

Gà gwala ga mburma mər ana kurwa gəra sula tserdze ya, tàa dzala aka dukw ata mbaŋa. Agəra taŋa na ta gewa megemir a Mbulum ku ndaàvəɗ, ku ndaàpat hinne ya. Aɗaba taŋa na gà Yahuda ta mìŋ à bakal ka, agəra dukw ata mbaŋa. Yaw, taŋa dze ana, wànà lele ya, wànà lele tsiye, Əbay?

Gà Ɓəzla Meslire 6:1

Akahər ata ka, gà ɓəzla magəsa Yesuw nda gəzləŋ tar riŋ ti sìkèh a gà Yahuda ana ta fèfil a ndaka ahəm girek a ka, ta mbetsebe a ahəm hinne nda matsəɓatsəɓ nda gà Yahuda ana i ma ika dizl a. Ta gwaɗawa ka: Gà madakwa gà məkəs mər ta ŋgatawa dukw mezime ana tə dzayawa a tar a lele tə tsa.

Gà Ɓəzla Meslire 9:39

Piyer a tsaraka kataya tsara ka, ta mah ba nda gà mburma ata. Aləka ti ndzeha a fata ka, tə laka Piyer a təv məməta ata i ga ata ika gər biy ŋgiɗ a. A daha ka, gà madakwa gà məkəs a riŋ i fata. Ta ŋgat a Piyer tsara ka, hə̀rgə̀gə̀z ta hitse aà mbulum, tə daha a təv ŋgar nda gà tuwa aà are. Ta pàtayar à gà petek ana Dwarkas a ŋgarawa aka ana a riŋ nda are mba ya.

Gà Ɓəzla Meslire 9:41

Piyer a daha, a gəs ŋgat i ahər a, a zlak ŋgat, a hitse dər aà mbulum. I dəba ŋa ya ka, Piyer a zalaha a gà ɓəzla magəsa Yesuw nda gəzləŋ, nda gà madakwa gà məkəs ata tserdze ya, ta mbəɗaha gər a təv ŋgar a ga ata. Tə daha ka, a gwaɗa a tar: «Araha, wele kurum aaha ka, aka mbəl.»

FILIPIYA 4:6

Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

1 TIMUTE 2:1

Malahalah dukw ana a sèsiŋ metsike a gà mburma Mbulum a ka, araha: Hamum a Mbulum agəra mburma tserdze. Ɗə̀vum a tar zləm a təv ŋgar, dite ka hamumar agəra tar. Gwimer kəkaaha, aɗaba tar ata tserdze ya mbaŋa.

2 TIMUTE 1:3

I təv ana Yàa zlaŋa aɗaba kər a ka, i gewa kəkaaha a Mbulum ana i gewar meslire nda gəzləŋ ilik, nda ndzer ŋa ya. Meslire ana i gewa ya ka, kamala gà tsir gà ana akahər ata ta gewar a mbaŋa. Ku mege ndaàpat, ku mege ndaàvəɗ tekeɗe ka, i hamawa a Mbulum aɗaba kər, i gewar kəkaaha kəla pat.