1 TIMUTE 5:2 - Bible Zulgo

² Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

1 TIMUTE 5:2 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

1 TESALUNIKE 5:22

Ama ka, miyakum à mege dukw bakal fit kweleŋ.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

1 TIMUTE 5:1

Ka ti ɗif à metsehe a màndawal gà asləka nda magala tsa. Say ki ɗifer a dər ka, nda zèyezèye ŋa, kamala ana ŋgat ka, tsir yak a. Ki ɗif a dər a gà gawla gà mburma ibam ka, kamala ana ki tsik a ka, a gà damər yak a.

1 TIMUTE 5:3

fafəl a gà madakwa gà məkəs ana wur tar a riŋ tsiye lele, kà zlak tar.

2 TIMUTE 2:22

Aɗaba taŋa, kər ka, Timute, ka zazam dukw gà asiŋ gà gawla ana ta ge a ŋgwala tsa pampam a tsa. Ama mər aba, dite ka ne mala ndzer ŋa ika miɗ Mbulum, kə̀ gəs ŋgat nda gəzləŋ kəla pat. Ka waya gà Mbulum nda mburma lele, dite ki ndzwim a lele nda gà mburma ana ta hamawa a Mbulum, tar gà tsəɗaŋŋa ya asa mbaŋa.