1 TIMUTE 5:1 - Bible Zulgo

¹ Ka ti ɗif à metsehe a màndawal gà asləka nda magala tsa. Say ki ɗifer a dər ka, nda zèyezèye ŋa, kamala ana ŋgat ka, tsir yak a. Ki ɗif a dər a gà gawla gà mburma ibam ka, kamala ana ki tsik a ka, a gà damər yak a.

1 TIMUTE 5:1 ပူးပေါင်းရင်းမြစ်များ

Mata 23:8

Ama kurum ka, wura ma tə zal a kurum <Əbay medzeŋge a mburma> tə tsa. Aɗaba kurum tserdze ka, nda gà damər. Əbay medzeŋge a kurum ka, ilik, tsəka, sula tsa.»

Gà Ɓəzla Meslire 14:23

Ta pala mburma i gà ga Mbulum ana i fataya ilik ilik tserdze, dite ti ne à tar gà bàba ŋa ana ika magər tar a. Ta hama a Mbulum, dite ta ge ndəra asa. I huɗ meheme tar ata ya ka, ti ɗif à gà mburma ata a ahər Mbulum ana ta gəs nda gəzləŋ tar a, dite ma kasla tar i təv megemir ŋgar ana ta ge a ya.

Gà Ɓəzla Meslire 15:4

Aləka ti ndze a Yeruzalem ka, gà mburma Mbulum ana i fataya, nda gà bàba ŋa ana ika magər tar a, nda gà ɓəzla meslire Mbulum tserdze ta gəs tar lele, ta geye a tar wusa hinne. Dite gà wele aaha tə ɗama tar dukw ana Mbulum a ge nda gà tar a.

Gà Ɓəzla Meslire 15:6

Gà ɓəzla meslire Mbulum nda gà bàba ŋa ana i fataya, ti yahaba gər aà medzè zləm a bazlam ŋa.

Gà Ɓəzla Meslire 20:17

Aləka i təv ana tar riŋ mandza ŋa i kwite Mitilene i fataya ka, Pul a slər mburma i təv ŋgar ata ya, a təv gà mburma Mbulum ana i Efesiya ya, aà mazalaha a gà bàba tar ŋa ana i ga Mbulum i fataya.

RUMA 13:7

Ki dzwìm a ter a tserdze, na dukw ana a da ndaka vatwa ŋa, ta wiz aà kurum a. Kamala megweɗe ya, na tàa wiz aà kurum hadam ka, ki dzwìm a kamala ana ta wiz a. Na bəla ta wiz aà kurum dukw dùwan ka, ki dzwìm a kamala taŋa ya mbaŋa. Zàmbaɗum à gà bàba ŋa ana ta kwere a kurum a, gəsum aà tar bazlam lele.

GALATIYA 6:1

Gà damər gà, na kàa fə̀rum mìsle ŋgiɗ a riŋ a ge a bakal ka, taŋa kurum ana kàa ŋgatum Mezite Mesife Mbulum a ka, zlakum ŋgat, dite mə̀ màra aka vatwa ŋgwal ŋana ya. Ama kə̀la ka, gwim nda mawàyà ba lele. Dite ku weke mege metsehe a gər ŋgar mbaŋa, na dite à dìɗ a a bakal ŋgar ata tsiye.

1 TIMUTE 5:17

Gà bàba ŋana tar riŋ ta ge a megemir ndaka vatwa ŋa ika magər gà mburma Mbulum a ka, zlə̀bum à tar hinne. Ta ŋgat dukw maya ba tar mbaŋa. Ndeyndey ŋa ka, gà na tar riŋ ti tsik a bazlam Mbulum, ti ɗif a à guma ŋgar a mburma ya.

1 TIMUTE 5:2

Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

TITUS 2:6

Tsik a gà gawla kamala taŋa ya mbaŋa. Ta ge metsehe, ta kwara ba tar lele.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

YAKUBA 5:14

Na bəla wura a riŋ ika magər kurum ŋgwala tsəka, ma zal a gà bàba gà mburma ana i liwiŋ gà ɓəzla mazazama Yesuw a, tə dara, ta hama a Mbulum aɗaba ŋgat. Dite ta bàhar mal aà are zaakwa nda zləm Yesuw Kiristi BATSAH kwa ŋa.

1 PIYER 5:1

Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

2 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər mayahaba gər gà mburma Mbulum ana kà ne mama gà ɓəza, Mbulum a zla kər a, dite a gà ɓəza yak ana ti yahawuba gər a təv yak, i waya tar ndzer a mbaŋa. Iye ɗekɗek tsa na i waya kurum a. Gà mburma ana tə sər bazlam ndzer ŋa ana i təv Mbulum a tekeɗe ka, ta waya kurum mbaŋa asa.

3 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər Gayus, masla gà ana i waya kər nda ndzer a ŋa ya.

Sunwa Yuhana 4:4

Gà təv mendze Əbay ŋgiɗ pampam dzik səla gəra faɗ, dìndìhtìhhe na ti le a təv mendze ata ya. I fata ka, gà bàba gà mburma a riŋ dzik səla gəra faɗ mbaŋa, tar gà mandzàyà ŋa ikəka. Gà petek ana ika tar a ka, tə ndza herrè. Dite gà felère tar riŋ i gà gər tar məvàɗà ŋa nda gura, kamala felère Əbay ana a ndze a dər a.