1 TIMUTE 4:6 - Bible Zulgo

⁶ Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

1 TIMUTE 4:6 ပူးပေါင်းရင်းမြစ်များ

Mata 13:52

A gwaɗa a tar asa: «Aɗaba ku weke na a sər məpala ahəm Mbulum, aka gəs mekwere ŋgar lele ka, a ndzikiɗ ba ka, mala ga ana limana ŋgar a riŋ hinne, à mère a ka, à miviya ŋa, kige tsa, awiya ŋa asa ya.»

Luka 1:3

Aɗaba taŋa na kinehe iye tekeɗe, i wiz dər ikaba ya nda ndzer ŋa ya lele nda təv gà dukw ana ta ge ba daga aà mandza ahər ba ya. Taŋa na a ge aà iye kamala ŋgwal ŋa ya, Tiyufil, na aà mewètsèkaha gà dukw ata aka mimbe aka mimbe, ta ge ba pampam tserdze ya.

Gà Ɓəzla Meslire 1:15

A pat ŋgiɗ duwa, i təv ana gà ɓəzla magəsa Yesuw nda gəzləŋ ti yahaba gər, ti sle a dərməka nda dzik səla ya ka, Piyer a hitse aà mbulum i magər tar. A gwaɗa a tar:

Gà Ɓəzla Meslire 20:31

Aɗaba taŋa, ndzum nda metsehe, sərum dər ka, Yàa gàsl aà metsìkè a kurum nda gà tuwa ilik ilik tserdze, ku ndaàvəɗ, ku ndaàpat, haa a ge mive makər.

Gà Ɓəzla Meslire 20:35

Yàa ɗif a kurum à duwa tserdze, say ki gekwe a ka, kamala taŋa ya, na dite ki slekwe a aà mazlàkà gà ɓəzla matawak a. Dukw ana Yesuw BATSAH kwa ŋa a tsik a ka, mə̀ məts a kurum gər tsa. A gwa: «

RUMA 15:15

Ama wakita aaha i wetse a kurumaha ya ka, gà asiŋ gà bazlam ŋgiɗ iɗəm ka, Yàa ndaha a kurum dərraha aà are parakkà, i waya ka, mə̀ mà a kurumara a gər a. I sle a aà mewetse a kurumaha kamala taŋa ya ka, aɗaba ŋgwal Mbulum ana a giŋ a.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 3:6

Ŋgat na a vəl a mər ndzəɗa ata, na dite mì ne gà ɓəzla meslire ŋgar, mìi tsik a bazlam masəra ba ŋgar ata awiya ŋa, tə sər ba nda gà mburma ya. Masəra ba ŋgar awiya ŋa ata ka, ar ka, kamala məpala ahəm ana ta wetse akahər ata piŋŋe ya tsa. Ama ki zezemekwe a ka, Mezite Mesife Mbulum ivaɗ. Aɗaba məpala ahəm ana ta wetse akahər ata piŋŋe ya ka, a dzeye a à mburma a məməta ana ika miɗ Mbulum a. Ama Mezite Mesife Mbulum ka, a vile a ter a mesife ana à ndìv a tsa aà biybiy a.

2 Kurintiya 6:4

Seyiŋ tsa, i huɗ dukw ana mìi ge a tserdze ya ka, a sàs a mər na mìi pèt a dər a mburma parakkà, mər ka, gà ɓəzla megemir Mbulum a ivaɗ. Ku mege gà mesewere are a riŋ hinne, ta ge a mər a matawak, nda gà kuɗa duwa ŋgiɗ pampam ta geye a mər a tekeɗe, mìi gis a gəzləŋ kataya pəra.

EFESIYA 6:21

A sèsiŋ ka, sərum dər, meme na mendze gà ya, nda mege megemir ana i ge a fit a mbaŋa asa. Taŋa Tikikus, damər kwa ana a riŋ a ge megemir BATSAH kwa ŋa lele ya, dite i waya hinne ya, a ta me a kurum a dər.

FILIPIYA 2:20

Wura a riŋ i faha na a dzele a gà gər aka megemir Yesuw Kiristi kamala iye ya ilik tsidze, say ŋgat ilik. Ŋgat ka, a waya mazlàkà kurum ndzer.

FILIPIYA 2:22

Ama Timute ka, kà sərum mede ŋgar ana ŋgwal ŋa ya. Mər nda ŋgat məma, mì tsikewa bazlam ŋgwal ŋa ana biy Yesuw Kiristi ya, a mburma. A zlàkawa iye aà megemir kamala kəla ana à zlèk a tsir ŋgar a.

FILIPIYA 3:16

Ama kəla ka, ku mege meme tekeɗe, say zazamakwa ka, vatwa ana ki tèkwe a dər, kà zazamakwara haa kinehe ya.

KULUSIYA 2:19

Tar ka, a sàs a tar mandza i təv ilik ŋa nda gà Yesuw Kiristi ana ŋgat BATSAH kwa ŋa ya tsa, tàa miyak dər. Ŋgat na a ne gər ŋa ya, dite gà mburma Mbulum ka, ti ne kamala ba ŋgar a. Gà na tar i ahər ŋgar a ka, a vile a ter a dukw ana a sle a ter a ya tserdze. Aɗaba tar ti ndze a ka, ndzəɗakkà nda gəzləŋ ilik, agəra ŋgat. Kamala taŋa ya, tì sìkèh a ika vatwa ŋgar kamala ana Mbulum a waya ya. A yaha gər a gà mburma ŋgar ata ka, na dite ti ne ba ilik nda gà ŋgat a, kamala ba mburma ana madzàvà ŋa ikaba nda gà mile ya.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

KULUSIYA 4:7

Tikikus na a me a kurum a dər tserdze ka, meme na i ndza kinehe kuɗa ya ya. Ŋgat ka, damər kwa ana kà wayakwa ŋgat hinne ya. Aɗaba a riŋ a ge a megemir BATSAH kwa ŋa ka, nda gəzləŋ ilik mbaŋa. Mìi ge a megemir ka, mər məma, aɗaba Yesuw Kiristi.

1 TESALUNIKE 3:2

Kurum kà sərum, Timute ka, damər kwa ana mər ihər mìi ge akaba a megemir nda gà ŋgat a. Mər nda gà ŋgat ka, mì tsikewa bazlam ŋgwal ŋa ana aka gər Yesuw Kiristi ya. Mì sləraha ŋgat a təv kurum ka, dite mà zlak kurum, mə̀ mà a kurumaha à arəv, dite ka, ki ŋgetwim a ndzəɗa ika vatwa Mbulum ɓəŋɓəŋ lele.

1 TIMUTE 1:10

Mbulum a tike məpala ahəm ŋgar a bəɗ asa ka, agəra gà na tar riŋ ta ge a mezelme nda təv muva ya, nda gà na ta waya mehinneha aà gà asləka ŋgiɗ kamala gà zal nda məkəs a. Dite nda gà na tar riŋ ti dzewe a à mburma aà ɓele ya, agəra gà ɓəzla pàrsa, nda gà ɓəzla sida ana ti tsik a dukw ana ndzer tsiye. Dite asa ka, agəra gà mburma ana tar riŋ ta ge a gà dukw ŋgiɗ pampam ŋgwal ŋa tsa, ti nis a dər à guma ŋgar ana ŋgwal ŋa ya ya.

1 TIMUTE 4:16

Ge metsehe a mede yak ana ki de a ika vatwa Mbulum a. Dite ki ge metsehe agəra dukw ana ki ɗif a dər a mburma ya asa mbaŋa. Ka zazam gà dukw ata kəla pat. Na kàa tiker gər kamala taŋa ya ka, ki ta mbil a à ba yak, dite ki mbil a à gà mburma ana ta gəs bazlam yak a asa mbaŋa.

1 TIMUTE 6:3

Na wura a ɗif a ka, à bazlam ŋgiɗ pam, à gis bazlam Yesuw Kiristi BATSAH kwa ŋana ndzer a tsa, nda gà dukw ana ti ɗifewa a kwa dər agəra mede kwa ana ika miɗ Mbulum a tsəka,

2 TIMUTE 1:6

Aɗaba taŋa, i gik a kamkam, mə̀ mətsak gər tsa. Akahər ana i tikik ahər aka gər a ka, Mbulum aka vəlak ahər ndzəɗa aà megemir ŋgar lele. A vəlak ka, biy taf masakəŋa. Ama kinehe ka, ndzəɗa ata ma da aka miɗ aka miɗ dzəŋdzəŋ lele, tsəka, mà nikiɗ aà kər a tsa.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

2 TIMUTE 4:3

Aɗaba pat ŋa a ndzere a mba ka, gà mburma tì dze a zləm a wele ana a ɗif a ter a à ndzer ŋa ya asa tsa. Ama a ti ses a ter a ka, mazazama dukw meèweke ba tar ɗekɗek pəra. Kamala taŋa ya, ti ti yehe a gà ɓəzla medzeŋge a mburma meyehe, dite ti dzeŋge a tar ka, dukw ana hùhunnà a ge a ter a tsegèɗik i zləm lele ya.

TITUS 2:1

Ama kər kinehe, dzeŋge a mburma ka, dukw ana ndzer ŋa, a de a ndaka vatwa Mbulum a.

1 PIYER 2:2

Nwim ka, kamala gà ɓəza ndirkiz ana ta wa tar kinkin, ta waya masà awah kəla pat a. Kurum tekeɗe ka, wayum bazlam Mbulum ndzer ŋana kəla pat kataya mbaŋa, dite ka, ki gilwim a dər ba, Mbulum a ta mbil a à kurum fit.

2 Yuhana 1:9

Sərum der ka, wur aaha a zazamawa bazlam ana Yesuw Kiristi a dzeŋge a kwa ya tsa, hə̀rə̀ts hə̀rə̀ts à ses aakiŋa. Wele ata ka, wala a gəs Mbulum tsa. Ama wur ana a zezem a dukw ana Yesuw Kiristi a dzeŋge a kwa ya ka, ŋgat a gəs gà Mbulum Tsir kwa, nda Kəla ŋgar fit məma mbaŋa.

Yuda 1:5

Ku mege kàa sərum gà bazlam ata daga piŋŋe tekeɗe, a sèsiŋ ka, i me a kurum a dərraha a gà gər, meme na Mbulum a beyera à gà mburma Isərayel ika ahəɗ Ezipt akahər ata ya. Ama i dəba ŋa ya ka, a bats iɗəm gà mburma ana ta gəs bazlam ŋgar tsiye, ika magər gà mburma ata a beyera à tar a.