1 TIMUTE 4:4 - Bible Zulgo

⁴ Aɗaba dukw ana Mbulum a ge a ya ka, ŋgwal ŋa fit dze. Ka tawalakwa ikaba gà dukw mezime ya pampam tsa. Ki gekwe a kəkaaha a Mbulum, dite ki zimekwe a pəra.

1 TIMUTE 4:4 ပူးပေါင်းရင်းမြစ်များ

Gà Ɓəzla Meslire 10:15

Ama mifefile ata a ɗera aà ŋgat a asa ka, a gwaɗarra: «Ka ta fə̀r aà dukw ana Mbulum a gwa, ŋgwal ŋa ya kamala ana awisl a tsa.»

Gà Ɓəzla Meslire 15:29

Ka ta papəɗum dukw ana ŋgwal tsiye tsa, kamala dukw ana ti zler ɗa aà matawala dər duwa ya, nda gà ka zəmum məmbəz tsa, ka ta papəɗum dukw ana ta muruɗ mimwirwiɗe ya tsa, dite ki gwim mezelme nda təv muva tsa asa mbaŋa. Na kàa kaslum ba à gà dukw ata ya tserdze ya ka, taŋa ka, lele ndzer. Ndzum nda zay lele, say pat ŋgiɗ.»

Gà Ɓəzla Meslire 21:25

Ama a gà mburma ana tar gà Yahuda tsiye, ti ne gà ɓəzla mazazama Yesuw a ka, bazlam a riŋ asa tsa. Maa mbər mewetse a taraha wakita. Mì tsik a taraha ka, bazlam ana mì dza akaba akahər ata ya. Aɗaba mì gwa ka, tə ta papəɗ dukw ana ŋgwal ŋa tsiye tsa, kamala dukw ana ti zler ɗa aà matawala duwa ya, nda gà tə zəm məmbəz tsa, tə ta papəɗ dukw ana ta muruɗ mimwirwiɗe ya tsa, ti ta ge mezelme nda təv muva tsa asa mbaŋa.»

RUMA 14:14

Iye kəla ka, i sər ndzer, agəra ana iye riŋ mandza ŋa nda Yesuw BATSAH kwa ŋa ya, dukw mezime ka, awisl ilik tsa. Ama na wura a gweɗe a, dukw aaha, kige tsa naaka awisl ka, ma zəm tsa, aɗaba i təv ŋgar ka, a ne aaka a ŋgwala tsa kaɗəŋ.

RUMA 14:20

Ka tə nəs à megemir Mbulum nda dukw ana ki zim a ya tsa. Dukw mezime fit dze ka, awisl tsa kaɗəŋ. Ama na bəla ki zimiŋa, dite gà mìsle ŋgiɗ tì dìɗ a dər a bakal aɗaba ana kà zəm a ka, ka zəm tsa. Ŋgwal ŋa tsa na kàa zəm a.

RUMA 14:6

Wur ana a dzele a kamala taŋa ya, a gweɗe a, pat ŋgiɗ a za biy ŋgiɗ a ka, a ge a dukw ata ka, a sasar aà mazàmbàɗà à BATSAH kwa ŋa. Ar ka, kalkal wele ŋgiɗ aaha a wele a ikaba gà pat a tsiye mbaŋa. Wur ana a zim a duwa zləməŋa pəra ya tekeɗe, a sasar aà mazàmbàɗà à BATSAH kwa ŋa mbaŋa, aɗaba a ge a dərraha kəkaaha a Mbulum nda dukw ana a zim a ya. Dite bəla wur ana a wele a ikaba dukw mezime ya, a gweɗe a, naha ka, awisl a ka, a sasar mazàmbàɗà à BATSAH kwa ŋa asa. Ŋgat tekeɗe, a ge a dərraha kəkaaha a Mbulum mbaŋa.

1 Kurintiya 10:23

Gà mìsle ŋgiɗ ika magər kurum a, tar ihər ta gweɗe a ka, waytsà vatwa a riŋ aà megeye dukw pampam tserdze. Haya kaɗəŋ, ti sle a aà mege ŋa. Ama gà dukw ŋgiɗ a riŋ iɗəm ka, ta ge a ŋgulum tsa, tì zlèk a mburma aà maŋgata ndzəɗa ika vatwa Mbulum tsidze.

1 Kurintiya 10:25

Slu ana kàa lwim ahər i kwaskwa ya ka, papəɗum pəra, bakal iɗəm tsa. Ka dzalum duwa, ka wizwim aà tar ka, kə̀ kəɗum slu aaha ana, aà matawala duwa ya ka, ka wizwim tsa.

1 Kurintiya 10:26

I tsik kamala taŋa ya ka, aɗaba mewetse ŋa a riŋ i wakita Mbulum ka, ta gwa: «Gər ahəɗ tserdze nda gà dukw ana iɗəm a ka, biy Əbay Mbulum.»*fd*

1 Kurintiya 10:30

Na Yàa ge kəkaaha a Mbulum, aɗaba dukw mezime gà dze ana, aàmala na mìsle ŋgiɗ a viliŋ a bakal asa ya?

1 TIMUTE 4:3

Ama tar ta gweɗe a a mburma ka, mazla daala ka, lele tsa, ta pele a ter a ahəm. Ta gweɗe a asa ka, mazəma dukw aaha, kige tsa dukw aaka ka, lele tsa, awisl. Tsaatsa, Mbulum a ge gà dukw ata ka, dite mburma tə zəm. Ama gà na ta gəs Yesuw Kiristi, tə sər gà dukw ana nda ndzer a ka, ta ge kəkaaha a Mbulum, dite tə zəm, a ge a duwa tsa.