1 TIMUTE 4:2 - Bible Zulgo

² Gà mburma ana ta pese a ter a za ya ka, gà ɓəzla mimbèhè are. Dukw ana ti tsik a ya ka, nda pàrsa. Gà mburma ata ka, ti ne kamala zlir akwa ana aà lùŋguɗ à gis a ka, a wir ahər a tsiye. Tar tekeɗe, ti dzele a aka bakal ana i gəzləŋ tar tsa asa.

1 TIMUTE 4:2 ပူးပေါင်းရင်းမြစ်များ

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 7:15

I dəba ŋa ya, Yesuw a gwaɗa a tar asa: «Kaslum ba kurum i təv gà ɓəzla məma à guma Mbulum ana nda pàrsa ya. Ti dere a a təv kurum a ka, zukum zukum kamala gà təmaŋ a. Tsaatsa i huɗ ba tar ka, ti ndzikiɗ ba gà də̀var ana ta pèpìɗ a mburma ya.

Gà Ɓəzla Meslire 20:30

Ku mege gà mburma ana i liwiŋ kurum a tekeɗe, ti ta hitse a aà pàrsa hinne ika magər kurum, ta peze a kurum a za, dite gà asiŋ ŋa ika magər kurum a, ti zezem pàrsa tar ata.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

EFESIYA 4:19

Hwarwa a mba aà tar, aà mege gà dukw ana gà ŋgwal ŋa tsa i təv tar a asa tsa. Ku mege gà dukw ana biy metsike tsiye tekeɗe ka, ta vəlar gəzləŋ tar, ta ge a nda gà maŋgayaba lele pəra.

2 TIMUTE 3:5

Gà medzibe gà mburma ata ta gweɗe a, waytsà mər ka, gà mburma Mbulum. Tsaatsa tàa gəs Mbulum ana a sle aà mivile a ter a ndzəɗa, dite à mbìɗ a à madzala gà gər tar a ka, ta gəs tsa. Medzìbe gà mburma ata ka, tsàkàlàk ndza aà tar a diriŋ.

Sunwa Yuhana 16:14

Gà sitene ata tə dara ka, i təv Əbay tar ŋana ya. Ta gewa ka, gà dukw mene aà mburma ana pampam a. Ti de a a təv gà Əbay gər ahəɗ tserdze. Ti yehe a ter a gər aà mege gùvəl aà Mbulum BATSAH kwa ŋana a za duwa tserdze ya, a pat ana a ta pèt a à ndzəɗa ŋgar a.