1 TIMUTE 4:1 - Bible Zulgo1 A pat ana gər ahəɗ aka à mendìve ya ka, gà asiŋ gà mburma ŋgiɗ ta miyek a à megìse tar ana ta gəs Yesuw nda gəzləŋ ilik a. Aɗaba tì dze a zləm ka, a gà mburma ana ti ɗif a ter a à duwa nda pàrsa ya. I dəba ŋa ya, ti zezem a ka, bazlam ana sitene a tsik a ter a ya ɗekɗek pəra. Na a ɗif a à gà dukw ata parakkà lele ka, Mezite Mesife Mbulum. အခန်းကိုကြည့်ပါ။ |
1 TIMUTE 4:1
64 ပူးပေါင်းရင်းမြစ်များ
Na Mezite Mesife Mbulum ata a ɗif a à ndzer a mburma ya, aka dara ka, a ɗif a kurum a à ndzer ŋgar ata aka gər duwa tserdze kuɗa. A ta fèfil a ka, nda ndzəɗa ŋgar tsa. Ama a ti tsik a kurum a ka, dukw ana a tsarakara i təv Tsir gà ya, dite à ta me a kurum a à gà dukw ana ti ta ge a ba ika miɗ mba ya mbaŋa.
Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.
A daha a təv mər. A daha ka, a zla dukw madànà ba Pul, a dzaw dər ba ŋgar i sik a, nda ahər a. A tə̀kər dər kamala na ti ta ge a à Pul a. I dəba ŋa ya, a gwaɗa a tar: «Araha, wele aaha dukw madànà ba ihər a ka, gà Yahuda ti ti dzew a ŋgat i Yeruzalem kamala naha ya, kamala ana Mezite Mesife Mbulum a tsikiŋ a. Dite i dəba ŋa ya, ta gis a, ta vile a ŋgat a ahər a gà mburma ana tə sər Mbulum tsiye.»
I təv ana aləka ti deye a ikaba ya ka, ahəm a da a tar aaba tsa, ta mbetseba a ahəm hinne, agəra bazlam ata Pul a tsik a tar a. I dəba ŋa ya, Pul a gwaɗa a tar asa: «I samata ka, dukw ana Mezite Mesife Mbulum a tsik a gà tsir kurum ana akahər ata ya ka, kaɗəŋ ndzer, kamala ana a tsik a Ezaya, mala məma à guma Mbulum a.
Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.
Akahər ata ka, gà ɓəzla məma à bazlam Mbulum ana nda pàrsa ya ka, tar riŋ ika magər gà mburma Mbulum gà Isərayel hinne. Ama kinehe ka, gà ɓəzla pàrsa ti ti ɗe a aba ika magər kurum kataya mbaŋa. Ti dere a, ta pèt a aba ka, nda wirwir, na ti dzeŋge a guma pàrsa tar ana ti dzeye a dər à mburma ya. Ti niw a Yesuw Kiristi BATSAH kwa ŋana a mbala à tar i bakal tar piŋŋe ya. Aɗaba gà dukw ata ta geye a kataya ka, seriye Mbulum a ta gis a tar ka, bise tsara, a dzeye à ter a fit kweleŋ.
Ama kwa ka, kàa nekwa gà mburma Mbulum. Wur ana a sər Mbulum a ka, a dze a zləm a dukw ana ki tsikikwe a ya. Ama wur ana aka ne kəla Mbulum tsiye ka, à dze aà kwe a zləm tsa. Kamala taŋa ya na ki slekwe a aà masəra dər ikaba à gà mburma ata ya ka, wànà ti ndze a ana, nda Mezite Mesife ndzer ŋana ya, kige tsa nda mezite mesife ana a bene a mburma ya yà.
I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.
A fàfəl nda magala ŋgəlakəkka. I huɗ mifefile ŋgar ata ya ka, a gwa: «Batsah kwite Babila aka mbazla bìrìm, leheɗ leheɗ. Babila aka mbazla fit kweleŋ. Kwite ata ka, a ne təv mendze gà sitene. Gà medzibe gà sitene ana pampam a ka, i fata, nda gà məmba ana gà ŋgwala tsiye ka, tsakufkuf tar mandza ŋa i gà rəŋga ŋa.
Gà lalampa kurum tekeɗe, ti ti div a dzaydzay asa tsa mbaŋa, na i təv kurum a. Ti ti tsereke a Mewideye duwa huwwa biy gà na ti ndzek a gà daala ya, nda gà daala ana ti deye a a zal a asa tsidze, na i fataya. Aɗaba piŋŋe ka, gà ɓəzla metsèkèle ana i kwite kurum a, tə za dər gà asiŋ ŋa ana ika gər ahəɗ tserdze ya, nda limana. Dite kà banayawum mburma tserdze, ku mege i ŋga, nda gà dukw gà mèdè kurum ata nda pàrsa ya. Aɗaba taŋa na a nəs à kurum nda seriye ya.»
I təv ana tar ihər ta ge a gùvəl ata ya ka, gà wele ata nda gà sliwdze ŋgar a, ta gasa gà dukw dala ata nda wele ana a gwa aà ba ŋgar ka, waytsà iye mala məma à guma Mbulum, tsaatsa pàrsa ya fit. Aɗaba ŋgat na a geye gà dukw mene aà mburma ika miɗ dukw dala ata ya. Kamala taŋa ya, a banawa gà na lambà dukw dala ata aà ba tar, dite bəla ku mege gà na tə dzawa gurmits a bəɗ a mendzikiɗe ba ŋgar a ya. Gà wele ata nda gà sliwdze ŋgar a, ta gasa gà dukw dala ata nda mala məma à guma ŋgar a ka, tə dza à tar a magər akwa kamala a duluv a, nda are kataya. Ama akwa ata ka, ar ka, kamala dukw ana a wene a wàfùfùffa ya.
Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayahaba gər gà mburma Mbulum a lele. Gà na tàa mba aà dukw bakal a ka, i ta vile a ter a ɗaf ata makàhà ŋa i mbulum, tə zalar *mana ya.*ff* I ti dzèye a ter a kur ana herrè ŋa ya mbaŋa. Ika kur ata ka, zləm awiya ŋa mewetse ŋa ikəka. Ama zləm ata ka, wura a sər tsa, say wele ana aka ŋgat a.»
Na wura a riŋ gər ŋgar aka ge aà metsereke ka, mà dza zləm a dukw ana Mezite Mesife Mbulum a tsik a a gà mayaha ba gər gà mburma Mbulum a lele. Gà na tàa mba aà dukw bakal gər ahəɗ a ka, i ti dzèye a ter a mawà dizl ɗaf ana madzàvà ŋa i gùvàh Mbulum, a vile a mesife a mburma ya, ti zimiŋa.»
Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.
Aləka aka ta medera iɗəm a ka, a de a, a bene a gà mburma ana ika gər ahəɗ tserdze ya asa. Gà ahəɗ ata ka, tə zal a tar gà Gakw, nda Magakw. Dite Əbay sitene ata ka, a ti zeleye a ter a tserdze, ti yehebe a gər a təv ilik ŋa, na dite ka, ti de a, ti ta ge a gùvəl aà Mbulum a. Tar ka, twìɗèkìkke hinne, kamala hewiyeŋ ana i dula ya.
Ama gà asiŋ gà mburma ana tàa mata à gà mesewere are ata makər a tsiye ka, tàa mbəɗ à gəzləŋ tar ɓav tsa. Tə da aka miɗ aka miɗ nda mandza gurmits a bəɗ a sitene, nda gà dukw tar ana ta geye nda ahər tar ŋa, ta vaɗa gà asiŋ a nda gura ya. I ŋgiɗ ibam, nda ndzemde pampam. Biy ŋgiɗ asa tə làmbaɗa nda kur, nda gà biy ŋgiɗ asa ka, ta papazaya gà dizl. Gà dukw ata tserdze ya ka, ta ŋget a duwa tsa, ti tsereke a zləm tsa, dite ti de a nda gà sik tar ɓav tsa asa mbaŋa. Ama ku mege kataya tekeɗe ka, tì dzèye a ter a dər akaba gurmits a bəɗ hiywe pəra.
ကြော်ငြာတွေ