1 TIMUTE 3:7 - Bible Zulgo

⁷ Wele ata à gis a gà mburma Mbulum a ka, mede ŋgar mà tsahən aà gà mburma ana ti zezem a Yesuw Kiristi tsiye mbaŋa, dite ta gis a bazlam ŋgar lele. Bəla na mede ŋgar ata aka ge ŋgwal ŋa tsəka, ta gweɗe a, ŋgat ka, ŋgwal mburma tsa. I fataya ka, aka dəɗ a ɓele Əbay sitene.

1 TIMUTE 3:7 ပူးပေါင်းရင်းမြစ်များ

Markus 4:11

Yesuw a gwaɗa a tar: «Kurum ka, Mbulum aka ɗif a kurum à dukw ana makàhà ŋa i mekwere ŋgar a. Ama gà mìsle ŋgiɗ tì dze a zləm ka, a dukw ana ti tsik a ter a ndaka bazlam minew a pəra.

Gà Ɓəzla Meslire 10:22

Ta gwaɗar aakaha: «Na a gwaɗa a mər, dum ka, Əbay gà sliwdze duwa, zləm ŋgar Kwarney. Wele ŋa ka, ŋgwal mburma lele, magəɗa Mbulum i ba hinne. Dite gà Yahuda tserdze ta waya ŋgat ka, lele mbaŋa. Gawla Mbulum ilik na a gwaɗar, ma zalakaha a təv ŋgar, dite ma tsaraka dukw ana ki tsiker a ya.»

Gà Ɓəzla Meslire 22:12

Ama i kwite ata ka, wele duwa a riŋ, zləm ŋgar Ananiyas. Wele ata ka, a gewa magəɗa a Mbulum lele. A dzawa gurmits a bəɗ a məpala ahəm kwa gà Yahuda mbaŋa. Gà Yahuda ana i fataya tekeɗe, ti zlibe a à ŋgat hinne asa.

Gà Ɓəzla Meslire 6:3

Aɗaba taŋa, gà damər gà, palum mburma təsəla ika magər kurum a, gà ɓəzla metsehe ana tàa rah nda Mezite Mesife Mbulum lele, wirwir i ba tar tsiye. Ka vəlakwa a tar megemir ŋa a ahər tar, ta ge.

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 5:12

Mege seriye gà mburma ana tə sər Mbulum tsiye ka, ahəm gà tsa. Mbulum na a ti ses a ter a ikaba seriye tar a dukw tar. Ama biy kwa ka, ki gekwe a seriye gà na tar riŋ i təv mayahaba gər kwa ya seyiŋ ivaɗ. Ki gekwe a ka, kamala ana mewetse ŋa a riŋ i wakita Mbulum a, a gwa ka: «Dalawum wur ana a gewa bakal a, ika magər kurum a.»*fa*

2 Kurintiya 6:3

A sàs a mər na mìi ge a dukw ana a vile a mendìfè sik a mburma ya te tsidze. Aɗaba mì waya na ta wele a aà mege megemir mər a ya tsa.

2 Kurintiya 8:21

Aɗaba a sàs a mər mege dukw ana ŋgwal ŋa ya, ika miɗ mburma mbaŋa, tsəka, ika miɗ BATSAH kwa ŋa ɗekɗek tsa.

KULUSIYA 4:5

Gwim metsehe aɗaba mede kurum ana ki dwim a ya. Ma ge ka, ŋgwal ŋa lele, na nda təv gà mburma ana tàa gəs Mbulum nda gəzləŋ zukw tsiye. Ku mege ndeɗime, megìse kurum mə̀ pàt, ki gwim taŋa hiywe.

1 TESALUNIKE 4:12

Na kàa gwim dər kataya ka, gà na tàa gəs Yesuw Kiristi nda gəzləŋ tar zukw tsiye, ti zlibe a à kurum. Dite kurum tekeɗe, dukw mezime kurum riŋ mbaŋa, ki ŋgeleywim a aba duwa ya ɓav tsa asa mbaŋa.

1 TESALUNIKE 5:22

Ama ka, miyakum à mege dukw bakal fit kweleŋ.

1 TIMUTE 3:6

Wele ana à gis a gà mburma Mbulum ata ya ka, ma ti ne wur ana a gəs bazlam Mbulum kinkin a tsa, tsəka, biytsà à sìŋgìr a à ba ŋgar hinne ka, seriye Mbulum a ta gis a tar aka miɗ nda Əbay sitene mba.

1 TIMUTE 5:14

Aɗaba taŋa na a sèsiŋ ka, ta wetse a zləm gà madakwa gà məkəs ana gà daala ŋa ya tsiye. I waya ka, tə da a zal asa, ta waya mawà kəla, dite ta ge gər a gà ɓəza tar, ta gəs tar lele. Na tàa ge kamala taŋa ya ka, gà ɓəzla mene are kwa ta ŋget a vatwa aà metsìkè aà kwa dukw ana ŋgwal ŋa tsiye asa tsa.

1 TIMUTE 6:9

Ama gà na ta waya mesikehe à limana hinne ya ka, Əbay sitene na a beze a ter a za ya, tì dìɗ a a ɓele ŋgar mba. Ti dzele a gà gər ka, aka meèweke gà dukw pampam. Gà dukw ata na a vile a ter a mendìfè sik masakəŋa ika vatwa ya ya, dite a nis à ter a, ti dzeye a kweleŋ a.

2 TIMUTE 2:26

Tàa ŋgat metsehe kataya ka, ti sle a aà mibeyera i mekwere Əbay sitene ya kuɗa. Aɗaba piŋŋe ka, ŋgiziw ŋgiziw aka gasa tar a ziwiɗ ŋgar kamala ana ta gəs takurah nda ziwiɗ a, na dite ka, ta ger a dukw ana a sasar a ya.

TITUS 2:5

Dite i dəba ŋa ya ka, tar tekeɗe, ti sle aà mene a gà ɓəzla metsehe, ta ge a muva tsa. Ta ge a megemir i gà ma tar tehteh lele. Ta gewe a ka, dukw ana ŋgwal ŋa ya, ta gis a ahəm aà gà zal tar lele mbaŋa. Na tàa ge dər kataya ka, wura a ti tsik a dukw ana ŋgwala tsiye, aà bazlam Mbulum tsa.

TITUS 2:8

Dzeŋge a tar ka, dukw ana ndzer, wura a sle a aà mewele aà kər a tsiye, na dite gà ɓəzla mene are yak tekeɗe ka, ta ge a hwarwa, aɗaba ana ta ŋget a vatwa aà metsìkè aà kər dukw ana ŋgwala tsa, zləmana ti tsik a ya asa tsiye.

3 Yuhana 1:12

Demetiriyus ka, mege weke à zlibe a à ŋgat, a tsik ahər a dukw ana ŋgwal ŋa ya. Ndzer ŋgar ana a gewa ya, na à zlibe a à ŋgat a mbaŋa. Mər tekeɗe ka, mì gwa ahər ŋgwal ŋa. Aɗaba kər kà sər, dukw ana maa tsik ahər kataya ka, ndzer kaɗəŋ, pàrsa iɗəm tsa.