1 TIMUTE 3:2 - Bible Zulgo

² Ama wur ana a ge a megemir Mbulum ata ya ka, mede ŋgar ma ge ŋgwal ŋa lele nda təv gà mburma dze. Daala ma ge ihər ka, ilik. Ma ta kwaya à guzum tsa. Say ma ge ka, dukw ana ndaka vatwa ŋa lele ya. Dite gà mburma tə̀ zlə̀b à ŋgat. Say ma ge ka, mala məvəla ahər. Dite ma sər meɗìfè à metsehe a mburma lele mbaŋa.

1 TIMUTE 3:2 ပူးပေါင်းရင်းမြစ်များ

Luka 1:6

Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

Luka 2:36

Məkəs duwa a riŋ i Yeruzalem, zləm ŋgar Hana, a màwa à guma Mbulum a mburma mbaŋa. Ŋgat ka, dəm Fanuyel ana gwala gà Aser a. Ŋgat ka, aka mbər mege màndawal. Aka ndza i zal ka, mive təsəla, à gər ana a da a zal nda daala ŋa ya.

RUMA 12:13

Na duwa aka sle aà gà damər kurum ana ika vatwa Mbulum a ka, zlakum tar. Gə̀sawum gà mbəlakw lele.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.

1 TIMUTE 3:12

Məkəs ma ge aà mala mazlàkà gà mburma Mbulum ka, ilik pəra. Say mà gəs gà ɓəza ŋgar, nda gà asiŋ gà mburma ana i ga i ma ŋgar a ka, lele.

1 TIMUTE 3:8

Ama mede gà mburma Mbulum ana tar riŋ tì zlèk a gà asiŋ gà mburma ŋgar a ka, ma ge lele mbaŋa. Ti tsikewa ka, dukw ana ndzer ŋa ya, ta màwa aka mifefile sula tsa. Ta beha à masà guzum tsa asa. Ta vəl gəzləŋ a mayaha siŋgwe hinne tsa asa mbaŋa.

1 TIMUTE 4:3

Ama tar ta gweɗe a a mburma ka, mazla daala ka, lele tsa, ta pele a ter a ahəm. Ta gweɗe a asa ka, mazəma dukw aaha, kige tsa dukw aaka ka, lele tsa, awisl. Tsaatsa, Mbulum a ge gà dukw ata ka, dite mburma tə zəm. Ama gà na ta gəs Yesuw Kiristi, tə sər gà dukw ana nda ndzer a ka, ta ge kəkaaha a Mbulum, dite tə zəm, a ge a duwa tsa.

1 TIMUTE 5:10

Dite megemir ŋgar ana a ge a ya, gà mburma tə sər dər ka, ŋgwal ŋa lele, kige tsa na aka gala gà ɓəza ŋgar nda metsehe lele ya, nda gà bəla a gewa gər a gà mbəlakw ana tə dawaha a ma ŋgar a, dite bəla a barawa ahəɗ aà sik a gà mburma Mbulum ana tə dawaha mbaŋa ya, kige tsa na bəla a zlàkawa gà ɓəzla mesewere are asa ya. Na kàa ŋgatar, a gewa gà megemir ana ŋgwal ŋa ya kataya ka, wetse ŋgat kuɗa.

1 TIMUTE 5:22

Na aka sàsak mazla wura aà megemir i ga Mbulum ka, say fə̀r aà metsehe ŋgar lele dzekwiŋ, dite na ki tike aɗəm a ŋgat, ki tiker a ahər aka gər a. Ka tə ndàb a bakal gà mìsle ŋgiɗ tsa. Ama say kasla iɗəm ba yak a lele.

1 TIMUTE 5:9

Madakwa məkəs ŋa mive ŋgar a sle dzik ndilik tsəka, ka ta wetse zləm ŋgar a liwiŋ gà na tì zlèk a tar a tsa. Ki wetse a ŋgat ka, say na a da a zal ka, ilik pəra ya.

2 TIMUTE 2:24

Aɗaba kər mala megemir a Mbulum ka, ki mbetswimbe a ahəm nda gà mìsle ŋgiɗ tsa. Ki fèfil a mburma ka, lìfèɗìɗe seyiŋ ivaɗ. Dite ki ɗif a ter a à vatwa ndzer ŋana ta gis a dər Mbulum a lele. Ki gis a gəzləŋ i təv gà dukw ana ta gik a ya.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

IBƏRANIKWA 13:2

Gwim gər a gà mbəlakw ana tə dawaha a təv kurum a, ma ta məts a kurum gər tsa. Gwim a tar gər lele. Aɗaba gà mìsle ŋgiɗ akahər ata ka, tàa ge ɗa gər a gà gawla Mbulum, ama tə sər, naha gà gawla Mbulum ka, tə sər tsa.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 4:9

Vəlum ahər a gà mburma ana tə dawara a təv kurum a, nda maŋgayaba lele, ki geywim aà ba màgwa tsa.

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.