1 TIMUTE 2:4 - Bible Zulgo

⁴ Aɗaba a waya ka, na mburma tserdze ta mbala ya, dite tə sər dər guma ana ndzer a.

1 TIMUTE 2:4 ပူးပေါင်းရင်းမြစ်များ

Mata 28:19

Aɗaba taŋa, dum à bazlam gà a təv gà mburma ana ika gər ahəɗ a tserdze, ka nwim à tar gà ɓəzla mazazama iye. Tsilwiɓwim à tar a yam nda zləm Tsir gà Mbulum, dite nda zləm gà, Kəla ŋgar ŋa, dite nda zləm Mezite Mesife Mbulum asa mbaŋa.

Markus 16:15

I dəba ŋa ya, a gwaɗa a tar: «Kinehe ka, dum, ku mege a ŋga, ka tsikwim bazlam ŋgwal ŋa aaha a gà mburma ana tserdze ika gər ahəɗ a.

Luka 1:77

Dite ki tsik a a gà mburma ŋgar, tə sər dər ka, Mbulum na a ta mbil a à tar i bakal tar ana à pìl a ter a dər a.

Luka 14:23

Mala ga ata a gwaɗar asa:

Luka 24:47

Dite i dəba ŋa ya asa, a slir a mburma aà metsikeye guma ŋgar a gà mburma, ku mege a ŋga tserdze. Mburma ta mbəɗ à madzala gà gər tar, dite ka, Mbulum à pìl a à bakal tar kuɗa. Tì dze a ba aà metsikeye ŋa ka, i Yeruzalem a, dite ti de a dər ku mege a ŋga tserdze.

Yuhana 14:6

Yesuw a gwaɗar aaka: «Iye na a ne vatwa ata ya. Ki ŋgetwim a ndzer nda mesife ka, i təv ga ya mbaŋa. Wura a sle a aà mede a təv Tsir gà tsa, say na nda təv ga ilik tsiye.

Yuhana 17:17

Ne à tar gà tsəɗaŋŋa, ɗif a tar à dukw ana ndzer a, dite ka, ti ne gà mburma yak ana ndzer kuɗa ya. Aɗaba bazlam yak na ndzer a.

Yuhana 6:37

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

RUMA 11:14

A sèsiŋ ka, bəla gà asiŋ ga ta ŋget a megemir ata i ge a ya ka, dite ŋgwilwim ŋgwilwim ta ge a are aka mege megemir ata i ge a ya, dite ka, tə dara, ta ge kataya, dite na Mbulum a mbil a à tar a.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

2 TIMUTE 2:25

Na bəla gà ɓəzla mene are yak ta gəs mege dukw ana ŋgwal ŋa ya tsəka, ɗif a tar dər nda zèyezèye nda himmè bazlam ivaɗ. Na kàa tsik a tar kamala taŋa ya ka, biytsà Mbulum a vile a ter a metsehe, ta mbìɗ a à madzala gà gər, na dite ta gis a vatwa ndzer ŋana ya.

2 TIMUTE 3:7

Gà medzibe gà məkəs ata ka, a sàs a tar ti sinike a ba à duwa kəla pat. Ama ka, ti sir a dukw ana ndzer a ɓav tsa.

TITUS 1:1

Na a wetse wakita aaha ka, iye Pul ana i ge a megemir Mbulum, dite iye mala meslire Yesuw Kiristi ya mbaŋa. Ama Mbulum a slər iye ka, dite i tsik a bazlam ŋgar a gà na a pala tar a, na dite ta gis a ŋgat nda gəzləŋ, ti sir a guma ŋgar ana ndzer ŋa, a ɗifekwe a à mede kwa ana à tsehin a aà Mbulum a tserdze ya mbaŋa.

TITUS 2:11

Ama gà mburma Mbulum ta ge gà dukw ata i tsik a. Aɗaba ŋgat ka, a pàt a kwa à ŋgwal ŋgar ana a ge a gà mburma tserdze ndərzakka ya, a waya məmbə̀là à kwa.

IBƏRANIKWA 10:26

Kinehe ka, kàa sərakwa vatwa ana ndzer a. Aɗaba taŋa, na bəla wura a riŋ ika magər kwa a gewa bakal, dite i huɗ bakal ŋgar ata a ge a ya ka, a sər, a ge a taŋa ka, dukw ana ŋgwala tsiye ka, duwa ŋgiɗ a riŋ na a vile a a Mbulum masakəŋa taf, dite à piler a à bakal ŋgar a ka, a riŋ asa tsa.

YAKUBA 3:14

Ama na bəla kurum riŋ nda gà mege are aka dukw mburma, kige tsa mege maàga a riŋ ika magər kurum huwwa kəla pat, nda madzala dukw ana ŋgwala tsiye nda təv mburma ka, ka ta gwim aba zlapa tsa, kàa nwim pàrsa à dukw ndzer ŋana.

2 Piyer 3:9

Gà asiŋ gà mburma ŋgiɗ ihər ta gweɗe a: «Mbulum ka, mala mèhìnèkw, a dere a bise tsa, aɗaba dukw ana a tsik i sida ya, a gwa, i ge a ya ka, a ge a ba bise tsa ana, meme?» Ama ka, kataya tsa, a riŋ a ge a mba dukw ŋgar. A veve a ka, kurum seyiŋ ivaɗ. Aɗaba a sasar ka, a ze a kurumaha aà mendze kataya ka, ki mbiɗwim a à madzala gà gər kurum, wura ilik ma dzeye tsa. A waya mburma tserdze ta mbəɗ à gəzləŋ tar, ta miyak à bakal tar ivaɗ.

2 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər mayahaba gər gà mburma Mbulum ana kà ne mama gà ɓəza, Mbulum a zla kər a, dite a gà ɓəza yak ana ti yahawuba gər a təv yak, i waya tar ndzer a mbaŋa. Iye ɗekɗek tsa na i waya kurum a. Gà mburma ana tə sər bazlam ndzer ŋa ana i təv Mbulum a tekeɗe ka, ta waya kurum mbaŋa asa.

Sunwa Yuhana 14:6

I dəba ŋa ya ka, i ŋgataha a gawla Mbulum ŋgiɗ duwa a riŋ ɗevivivvè diriŋ, a be a ndaà gəza mbulum. A dara ka, aà meɗìfè à bazlam ŋgwal ŋa ana a ndze a aà biybiy a. A tsik a ka, a gà mburma ana ika gər ahəɗ a tserdze, ku mege a gà na slàla tar pam, nda gà təv gà mendze tar pampam, kige tsa gà ahəm tar tekeɗe, pampam a.