1 TIMUTE 2:1 - Bible Zulgo

¹ Malahalah dukw ana a sèsiŋ metsike a gà mburma Mbulum a ka, araha: Hamum a Mbulum agəra mburma tserdze. Ɗə̀vum a tar zləm a təv ŋgar, dite ka hamumar agəra tar. Gwimer kəkaaha, aɗaba tar ata tserdze ya mbaŋa.

1 TIMUTE 2:1 ပူးပေါင်းရင်းမြစ်များ

Gà Ɓəzla Meslire 17:30

Mbulum ka, aka dzala aka mendze ana akahər ata gà mburma tə sər ŋgat tsiye tsa. Ama kinehe ka, a riŋ a zel a a gà mburma tserdze. Ku mege i ŋga, tə dara, ta mbəɗ à gəzləŋ tar.

RUMA 1:8

Malahalah ŋa, i ge a kəkaaha a Tsir gà Mbulum, aɗaba kurum tserdze. I ger kəkaaha ka, agəra Yesuw Kiristi. Aɗaba ku mege i ŋga, ika gər ahəɗ tserdze ka, tàa tsaraka megìse kurum ana kə̀ gəsum ŋgat nda gəzləŋ a.

RUMA 6:17

Ama ka, ki gekwe a kəkaaha a Mbulum ivaɗ. Aɗaba piŋŋe ka, kurum gà ɓele bakal. Ama kinehe ka, kàa gəsum ahəm aà Mbulum, kàa gəsum dukw ana ndzer, ti ɗif a kurum dər a ka, nda gəzləŋ ilik.

1 Kurintiya 15:3

Sərum dər ka, Yàa ɗif a kurum à dukw ana Yesuw Kiristi a ɗifiŋ dər a mbaŋa. Dukw ana i tsik a kurum malahalah ŋa ya ka, araha: Yesuw Kiristi aka mət aɗaba bakal kwa, kamala ana ta wetse i wakita Mbulum piŋŋe, ta gwa, a ta ge a ba ya.

2 Kurintiya 8:6

I təv kurum ka, Titus aka lah medeha, aka dza ba aà mayaha gər a siŋgwe i təv kurum a akahər ata. Aɗaba taŋa na mì wiz ŋgat asa ka, mə̀ mbəɗaha gər a təv kurum, dite mà ndəv à megemir dukw taf kurum ata kà vəlum a, ika magər kurum a ya.

EFESIYA 3:13

Aɗaba taŋa, iye ihər i ge a kurum a kamkam: Ma tə tsəɓ a kurum aɗaba ana iye ihər i sèwèr a are agəra kurum a tsa. Seyiŋ ivaɗ tsa, mesewere are gà ata ka, à zlèk a kurum hinne.

EFESIYA 5:20

Gwim kəkaaha a Mbulum Tsir kwa, agəra gà dukw ana tserdze ya ka, nda zləm Yesuw Kiristi BATSAH kwa ŋa ya. Gwimer kəkaaha kəla pat.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

FILIPIYA 1:3

Ku mege ndeɗime tekeɗe, na kàa mwimiŋera a gər a ka, i hamawa a Mbulum aɗaba kurum. I gewar kəkaaha kəla pat.

FILIPIYA 4:6

Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

1 TESALUNIKE 3:12

Mìi heme a a BATSAH kwa ŋa, dite mawàyà ba kurum ana ki weywim a ba ika magər kurum nda gà asiŋ gà mburma tserdze ya, mà səkah, ma ge a kurum hayaffà, ma da aka miɗ aka miɗ, na dite ki weywim a ba ka, kamala ana mì waya kurum mbaŋa ya.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

1 TIMUTE 2:4

Aɗaba a waya ka, na mburma tserdze ta mbala ya, dite tə sər dər guma ana ndzer a.

1 TIMUTE 5:5

Ama madakwa məkəs ana wur ŋgar a riŋ tsa, biy mandza are tsehe ya ka, ŋgat a tike madzala gà gər ŋgar ka, a təv Mbulum ilik, a hemer a kəla pat i hawa i mèkwède, dite ka, mà zlak ŋgat.

2 TIMUTE 2:24

Aɗaba kər mala megemir a Mbulum ka, ki mbetswimbe a ahəm nda gà mìsle ŋgiɗ tsa. Ki fèfil a mburma ka, lìfèɗìɗe seyiŋ ivaɗ. Dite ki ɗif a ter a à vatwa ndzer ŋana ta gis a dər Mbulum a lele. Ki gis a gəzləŋ i təv gà dukw ana ta gik a ya.

TITUS 2:11

Ama gà mburma Mbulum ta ge gà dukw ata i tsik a. Aɗaba ŋgat ka, a pàt a kwa à ŋgwal ŋgar ana a ge a gà mburma tserdze ndərzakka ya, a waya məmbə̀là à kwa.

TITUS 3:2

Gwaɗa a tar ka, ti tsik dukw ana ŋgwal ŋa tsiye aà wura tsa. Ta gewa maàga tsa asa mbaŋa. Ama ti ne ka, gà ɓəzla magəsa gəzləŋ nda mazlə̀bà à gà mburma tserdze ivaɗ.

IBƏRANIKWA 6:11

Ama a sàs a mər ka, ku weke mə̀ mər aba kataya kəla pat, haa a pat mandəvandəv gər ahəɗ, dite kə ŋgatum dukw ana ka dzalum, Mbulum a gwa ka, i ta vile a kurum a ya.

YAKUBA 5:16

Aɗaba taŋa, pə̀lawum aba à bakal ika magər kurum, ku weke a heme a a Mbulum aɗaba mìsle ŋgiɗ tserdze mbaŋa asa. Dite Mbulum a mbele a à kurum i dukw məməta ya. Aɗaba meheme wele ana ŋgat mala ndzer ŋa ika miɗ Mbulum a ka, ndzəɗa ŋa, a sle a aà duwa hinne.