1 TIMUTE 1:9 - Bible Zulgo

⁹ Ama kəla ka, dukw a riŋ ilik ma ta mətsakwa gər tsa. Aɗaba Mbulum a tike məpala ahəm ŋgar a bəɗ ka, agəra gà mburma ana tar gà ŋgwal ŋa ika miɗ ŋgar a tsa. A tike a bəɗ ka, agəra gà mburma ana tar riŋ ti nis a à vatwa ŋgar a ivaɗ, kamala megweɗe ya, agəra gà na tə tsaraka aaka zləm tsiye, dite gà na tə sər hwarwa tsidze ya, nda gà ɓəzla bakal, nda gà mburma ana mandzaɗak i gəzləŋ tar, tar riŋ ti sewle ahər a ya. A tike a bəɗ ka, agəra gà na ta bets a gà tsir tar nda gà məmər tar a, dite ka, ta bets a mburma fit a asa mbaŋa.

1 TIMUTE 1:9 ပူးပေါင်းရင်းမြစ်များ

Mata 10:21

Gà mburma hə̀ndə̀sl hə̀ndə̀sl ti ti dzèye a à gà damər dìnde tar a ahər a mburma, ta bets a tar. Gà tsir gà ɓəza tekeɗe, ti ti ge a dər kataya mbaŋa. Gà ɓəza ibam, ta hitse a aà gà tsir tar, ta ge aà ter a ɗaf a mburma, ta bets a tar asa mbaŋa.

RUMA 1:30

nda metsìkè aà tar dukw ana ŋgwala tsiye. Tar ka, gà ɓəzla mene are a Mbulum. Ta bewa mburma, nda mege zlapa. Tə sə̀ŋgə̀rawa aba tar ka, hinne. Madzala gà gər tar ata ŋgwala tsiye ka, a we a bakal ŋgiɗ pampam hiywe pəra. Ta gəsawa ahəm aà gà tsir tar tsidze.

RUMA 4:13

Kamala taŋa ya, Mbulum a tsik i sida ya, akahər ata ka, a gwaɗa a gà Abəraham nda gà ɓəza ŋgar: «I ta vile a kurum a mekwere gər ahəɗ tserdze, a ne a biy kurum.»*fc* Mbulum a tsik taŋa ka, aɗaba ana Abəraham aka zazam məpala ahəm ŋgar ata ya tsa. Ama a tsiker kataya ka, agəra ana a gəs ŋgat nda gəzləŋ a, na dite a ne à ŋgat ŋgwal ŋa ika miɗ ŋgar a.

RUMA 5:20

Ama Mbulum a vəl məpala ahəm ŋgar a Musa ka, i dəba ŋa ya dite bakal a səkah aka gà mburma hinne asa ivaɗ. Ama na bakal aka səkah ka, ŋgwal ana Mbulum a ge a ter a tekeɗe, à sìkèh a hinne mbaŋa.

RUMA 6:14

Aɗaba taŋa, bakal ka, a sle a aà makwàrà kurum asa tsa, aɗaba ana ki dzelwim a gà gər aka məpala ahəm Musa, dite ma ne à kurum gà ŋgwal ŋa ika miɗ Mbulum asa tsiye. Ama ki dzelwim a ka, aka ŋgwal Mbulum ana a ge a kurum a.

GALATIYA 3:19

Na kataya ana, dite aàmala na Mbulum a ɗif à məpala ahəm ŋgar a gà Yahuda asa ya? A ɗif dər ka, na dite kà sərakwa aà dukw bakal ana ika miɗ kwa ya. A ge megemir ka, zaakwa tə̀ma, haa a təv ana kəla Abəraham ata, wele ana Mbulum a tsiker aba dukw ata i sida ya, aka dara ya kuɗa. I dəba ŋa ya, ndzəɗa məpala ahəm ata ka, aka ndəv. Aɗaba gà gawla Mbulum na tə da dərra i təv Mbulum, ti ɗif dər a wur ana a riŋ mandza ŋa ika magər gà Mbulum nda gà mburma ya mbaŋa.

GALATIYA 5:18

Ama na bəla Mezite Mesife Mbulum na a lèh a kurum a aka miɗ a ka, taŋa ka, məpala ahəm Musa à fə̀r aka kurum a ndzəɗa asa tsa.

GALATIYA 5:21

Izittè ta ge a are aka dukw mburma, ta kweye a à guzum, ta gìrìv a dər hinne, zlarndaɗndaɗ ti zimeye ka, gà dukw ana ŋgwal ŋa ya, dite nda megeye gà medzibe gà duwa ŋgiɗ pampam asa kamala taŋa ya. Dukw ana i tsik a kurum piŋŋe ya ka, kinehe i me a aka metsìkè a kurum asa, i gwaɗa a kurum: Medzìbe gà mburma ana ta gewa gà dukw ata kamala taŋa ya ka, ti ta ŋget a təv mendze i *mekwere Mbulum ana a ta kwere a ya kwizikw tsidze.

GALATIYA 5:23

Tar gà ɓəzla mahə̀nà à gər a bəɗ, ta kwere a ba tar lele. Gà na ta ge a kamala taŋa ya ka, seriye Mbulum à gis a tar tsidze.

2 TESALUNIKE 2:8

dite ka, mala mene are a Mbulum ata à pèt a aba kuɗa. Ama i təv ana Yesuw BATSAH kwa ŋa à mère a nda ndzəɗa ŋgar ana ika gər gà duwa tserdze ya ka, a dzeye a iɗəm à ŋgat a nda ndzəɗa mesife ŋgar ana a vizl aakara tìrr i bazlam ŋgar a kamala himbiɗ a ya.

1 TIMUTE 4:7

Ka tə dza zləm a gà guma məfara ŋa ana a tsahən aà Mbulum tsiye tsa. Say mede yak ma da ka, aka miɗ aka miɗ kamala ana a sàs a Mbulum a.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 2:16

Ama ka, ka tə dza zləm a mifefile gà mburma ana ti zezem a vatwa Mbulum tsiye tsa. Aɗaba gà bazlam tar ata ka, taf masakəŋa, tì tìz a dər ka, aà Mbulum a ivaɗ.

2 TIMUTE 3:2

Aɗaba a pat ata ka, gà mburma ata ti ti dzele a ka, ba tar ɗekɗek, a ta ses a ter a ka, mayaha gər a siŋgwe hinne, nda mege zlapa, ŋgakŋgakəkka tì sìŋgìr a à ba tar. Ti ti ndeveye a a mburma. Gà ɓəza ta gis a ahəm aà gà tsir tar asa tsidze. Ku weke a ta fir a aà dukw ana tsəɗaŋŋa biy Mbulum a ka, kamala za ya. Ti ta ge a kəkaaha aɗaba dukw ana ta ge a ter a ya tsidze.

TITUS 1:10

Aɗaba gà mburma a riŋ hinne na ti dze a zləm a bazlam Mbulum ana ti tsik a ya tsiye. Tar ti tsikewa ka, gà bazlam ana hinne pampam taf masakəŋa ya. Ta bene a mburma nda pàrsa mbaŋa asa. Na a gewa kamala taŋa ya ndeyndey ka, gà Yahuda ana ta waya masàsà ba, dite ta gweɗe a kurum a ka, sasayum ba ya.

TITUS 1:16

Tar riŋ ihər ta gweɗe a ka, waytsà mì sər Mbulum ndzer, tsaatsa i təv gà dukw tar ana ta ge a ya ka, pàrsa, tə sər tsa. Tar ka, gà ŋgwal ŋa tsa fit, aɗaba ana a sàs a tar magəsa ahəm aà Mbulum tsiye, dite ka, tar tekeɗe, ti sle a aà mege dukw ana ŋgwal ŋa tsiye asa mbaŋa.

TITUS 1:6

Wur ana a ne a batsah ŋa ika magər gà mburma ana ta gəs Mbulum a ka, say ma ne ka, mala ndzer. Bakal ŋgar ma ge riŋ tsa, məkəs ŋgar tekeɗe, say ma ge ka, ilik pəra. Gà ɓəza ŋgar ibam ka, ta gəs Yesuw Kiristi nda gəzləŋ tar. Mede tar ma ge ka, ŋgwal ŋa, wura ma wala aà tar a agəra dukw ana ta ge a ŋgwal ŋa tsiye tsa, ta gəsawa ahər ahəm ka, lele mbaŋa.

TITUS 3:3

Aɗaba akahər ata ka, kwa tekeɗe, metsehe kwa a riŋ tsa mbaŋa, kə̀ gə̀sakwa ahəm tsa, kàa dzeyekwa ika vatwa ndzer ŋana ya. Kà nekwa ka, gà ɓele dukw ana ba kwa a waya ya ɗekɗek. Kwa mandza ŋa ka, gà ɓəzla swalwa. Ki gewakwa are aka dukw mburma. Gà mìsle ŋgiɗ tàa nekwa are ka, kwa tekeɗe, kàa nekwa a tar aɗəm are mbaŋa.

IBƏRANIKWA 11:31

Agəra megìse ana dəm duwa muva ŋa, tə zalar Rahab, a gəs Mbulum nda gəzləŋ a ka, aka be aà məməta ya. Ama i təv ana ta bats gà asiŋ gà mburma ana i fata, ta gəs ahəm aà Mbulum tsiye ka, tàa ləm aà ŋgat tsa. Aɗaba akahər ata a gəs gà mbəlakw gà Isərayel ana tə sləraha tar aà masamata ikaba təv i kwite ata ya, a ga a ma ŋgar lele, a kaha aà tar a.*ft*

IBƏRANIKWA 12:16

Gwim metsehe asa ka, aɗaba wura ilik ika magər kurum a, ma ta ge mezelme, kige tsa ma ta fə̀r aà dukw ŋgwal ŋa ana Mbulum a vəlar a, kamala za ya tsa. Kamala taŋa ya, ka ta gwim dukw ana Isuwa a ge akahər ata ya tsa, na i təv ana a vəl aba zləm malkwara a damər ŋgar kəla ŋana ya, dite ka, aà mə vəlar dukw mezime sik ilik pəra ya.*fb*

1 PIYER 2:7

Aɗaba kur ata a ne i təv kurum ana kə̀ gəsum nda gəzləŋ kurum a ka, dukw ŋgwal ŋa, a za dər gà dukw tserdze ya. Ama i təv gà mburma ana ta gəs tsiye ka, kataya tsa. Aɗaba a riŋ mewetse ŋa i wakita Mbulum ka, ta gwa: «Kur ata gà ɓəzla mazlazla ga tə zla, ti yà iɗəm a dala ya ka, tsaatsa ŋgwal kur te ibam. Na a ne madəŋ kur ivaɗ ka, taŋa.»

1 PIYER 3:20

Gà mezite ata ka, biy gà na akahər ata tàa gəs Mbulum tsiye. Mbulum aka bàba tar, a gəs gəzləŋ hinne, akahər ana Nuhu a làmbaɗa slə̀làh yam ata ya. Gà mburma ana tə da aɗəm ka, tar ndaw tsa. Tar ka, tsamakər pəra, na Mbulum a mbala à tar i yam ata ya ya.

1 PIYER 4:18

Ta wetse i wakita Mbulum ka, ta gwa: «Na Mbulum a mbele a à gà mburma ŋgar ana gà ŋgwal ŋa ya ka, nda mawùràba ŋana, dite dukùla na a ta ge a ba nda gà ɓəzla bakal ana ta gəs ahəm ŋgar tsiye seyiŋ a?»*fb*

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»

Sunwa Yuhana 22:15

Ama gà na tar ti ne kamala gà kəra ya, nda gà ɓəzla mèdè, nda gà na ta gewa muva ya, kige tsa, gà na ta batsawa mburma ya, nda gà na tə dzawa gurmits a bəɗ ka, a fəla tar a, nda gà ɓəzla pàrsa ana ta waya masàsà pàrsa ya ka, bàlaarì tar ti ndze a ka, i bəra, ti de a a ŋgwal kwite ata tsidze.