1 TIMUTE 1:7 - Bible Zulgo

⁷ A sàs a tar medzeŋge məpala ahəm Mbulum a mburma, ta gweɗe a, waytsà mìi dzeŋge a kurum a nda ndzer. Tsaatsa, tə sər dukw ana ti tsik a ya tsa, kige tsa na ti dzeŋge a a mburma ya tsa.

1 TIMUTE 1:7 ပူးပေါင်းရင်းမြစ်များ

Mata 15:14

A gwaɗa a tar asa: «Miyakum à tar, aɗaba tar ka, a sàs a tar magàsà ahər a gà ɓəzla guluf, tsaatsa tar ŋa na ti ne gà ɓəzla guluf a ivaɗ. Kinehe bəla mala guluf à gis a ahər a mala guluf ŋgiɗ ka, a ge a ba tsa, tùɗùp tì dzèwa akaba a a biye sula məma.»

Mata 21:27

I dəba ŋa ya, ta gwaɗar: «Mì sər tsa.» Dite Yesuw a gwaɗa a tar kuɗa: «Yawwa, iye tekeɗe ka, i tsik a kurum a wur ana a slərra iye, a viliŋ ndzəɗa aà megeye gà dukw aaha tserdze ya ɓav tsa mbeete.»

Luka 2:46

Ama i huɗ mehinne makər a ka, tàa le ahər a riŋ mandza ŋa i ga Mbulum batsah ŋa ata i fata. A riŋ i liwiŋ gà ɓəzla medzeŋge məpala ahəm Mbulum gà Yahuda. Ŋgat a riŋ à dze a zləm a medzeŋge tar ana ti dzeŋgewa ya. Dite ŋgat tekeɗe, a tsèm aà ter a bazlam ana a tsaraka ya.

Gà Ɓəzla Meslire 15:1

Aləka a ta megeha i dəba ŋa ya ka, gà mburma ana ta gəs Yesuw a, tə dara ika ahəɗ Yuda ya, tə da a kwite Antakiya. Tə daha, ti dzeŋge a gà na ti ne gà damər tar a. Ta gwaɗa a tar: «Na kàa sàsum ba kamala biy na məpala ahəm Musa a tsik a tsəka, ki slwim a aà mimbile i təv Mbulum tsa.»

RUMA 1:22

Tar ta gweɗe a ka, waytsà mər ka, gà ɓəzla metsehe. Tsaatsa tə sər duwa tsa ivaɗ. Tar ka, gà ɓəzla mibe a dala.

GALATIYA 3:2

I tsèm aà kurum a ka, duwa ilik pəra. Wànà Mezite Mesife ana Mbulum a vəl a kurum ana, agəra ana kà zazamum məpala ahəm gà Yahuda ya ya? Awaŋ, Mbulum a vəl a kurum Mezite Mesife ŋgar ka, agəra ana kàa dzum zləm a bazlam ŋgwal ŋana, dite kə̀ gəsum Yesuw Kiristi nda gəzləŋ kurum a. Wànà kataya tsiye?

GALATIYA 3:5

Aɗaba Mbulum a riŋ ihər a vile a kurum Mezite Mesife ŋgar, dite a riŋ ihər a ge a gà dukw mene aà mburma ŋgiɗ pampam ika magər kurum mbaŋa asa. A ge taŋa dze ana, wànà agəra ana kà zazamum məpala ahəm gà Yahuda ya ya? Awaŋ, a ge taŋa ka, agəra ana kàa dzum zləm a bazlam ŋgwal ŋana, dite kàa gəsum Yesuw Kiristi nda gəzləŋ kurum a.

GALATIYA 4:21

A kurum gà mburma ana a sàs a kurum mandza gurmits a bəɗ a məpala ahəm Musa ya. Iye ihər i tsèm a aà kurum ŋa: Kàa tsarakum dukw ana məpala ahəm ata a tsik a dze ana, wànà kà sərum tsiye?

1 TIMUTE 6:4

taŋa ŋgat ka, kamala mala hala gawla ana i liwiŋ mburma, à sìŋgìr a à ba ŋgar ka, tsaatsa, ŋgat ŋa a sər duwa tsidze ya. A sər i ŋgar ka, are mimbètsè ahəm, nda mayaha ahəm pìrèh pìrèh aà gà mburma ɗekɗek. Aɗaba wele ata aka ge gà dukw ata kataya ka, na ika magər tar nda gà mburma ka, say mene ba are, nda mege maàga kəla pat nda mandàvàyà ba, nda gà madzala gà gər gà dukw ana ŋgwal ŋa tsa masakəŋa taf nda təv mìsle ŋgiɗ a.

2 TIMUTE 3:7

Gà medzibe gà məkəs ata ka, a sàs a tar ti sinike a ba à duwa kəla pat. Ama ka, ti sir a dukw ana ndzer a ɓav tsa.

YAKUBA 3:1

Gà damər gà, gà mburma ana ika magər kurum a fit tsa na ti ti ne a gà ɓəzla meɗìfè à bazlam Mbulum i ga Mbulum a mburma ya. Aɗaba kà sərum, seriye ana ti ta ge a à kwa, a kwa ana ki ɗifekwe a à guma Mbulum a ka, mawura ba ŋa, à zè a biy gà asiŋ gà mìsle ŋgiɗ.

2 Piyer 2:12

Ama gà mburma ata ta gewa ka, dukw ana nda madzala gà gər tar taf masakəŋa ya. Tar ka, kamala gà dukw dala ana ta weye a gà ɓəza, dite gà mburma ta gese a aà mibetseye ya. Ti tsik a dukw ana ŋgwal ŋa tsiye, aà gà dukw ana tə sər tsiye mbaŋa asa. Mbulum a ta bets a tar tìteh tìteh aà bəra ya kaɗəŋ, kamala na gà mburma ta batsawa gà dukw dala ata ya.