1 TIMUTE 1:4 - Bible Zulgo

⁴ Ki gweɗe a ter a asa ka, ta miyak à gà bazlam ana taf masakəŋa, ti tsik a i madzala gà gər tar a. Dite tə tə dzala gà gər aka gər zləm gà tsir tar ana akahər ata ya tsa. Ŋgulum ŋa a riŋ tsa. Aɗaba na tàa zazam bazlam tar ata ka, manəsa bazlam à sìkèh a ika magər tar hinne asa. Gà bazlam ata ka, kwets a riŋ à zlèk a gà mburma ana tar riŋ ti yehe a vatwa Mbulum a tsa. Aɗaba kà sərakwa vatwa ŋgar ka, say nda magəsa ŋgat nda gəzləŋ ilik.

1 TIMUTE 1:4 ပူးပေါင်းရင်းမြစ်များ

2 Kurintiya 1:12

Dukw ana mìi ge a dər zlapa ya ka, araha: I gəzləŋ mər ka, mì sər, mede mər ana mì dawa ika vatwa Mbulum a ka, nda gəzləŋ ilik ŋa, nda ndzer, kamala ana Mbulum a waya ya. Mede mər ata ŋgwal ŋa ndeyndey ka, ika magər kurum. Ndzəɗa mər ana mì ndza dər kataya ya, a dara ka, i madzala gà gər gà mburma gər ahəɗ a tsa. Ama a dara ka, i təv Mbulum ana a ge a mər ŋgwal ŋa ya.

EFESIYA 3:2

Wànà kàa tsarakum maɗə̀và zləm megemir ana Mbulum a viliŋ ahər aɗaba kurum a tsiye? Kà sərum ŋgwal ŋa ŋgar ata a viliŋ ahər a.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

1 TIMUTE 4:7

Ka tə dza zləm a gà guma məfara ŋa ana a tsahən aà Mbulum tsiye tsa. Say mede yak ma da ka, aka miɗ aka miɗ kamala ana a sàs a Mbulum a.

1 TIMUTE 6:11

Ama kinehe ka, Timute, kər ana mburma Mbulum a ka, are yak ma ta ge ika gà dukw ata ŋgwal ŋa tsiye tsa. Mər aba, dite ka ne mala ndzer ika miɗ Mbulum, zazam vatwa ŋgar lele. Vəlar gəzləŋ yak kəla pat. Ka waya mburma lele. Gəs gəzləŋ i təv dukw ana ŋgwal ŋa tsa tserdze ya, dite kà fàfəl a mburma lìfèɗìɗe asa mbaŋa.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 2:14

Mà à bazlam ata a zləm a gà mburma Mbulum ana tserdze ya. Gwaɗa a tar ka, ta miyak à mimbètsèba ahəm ana ika magər tar a. Ka pala a tar ahəm ika miɗ Mbulum. Aɗaba bazlam ata ka, taf masakəŋa, tsəka, a ge a ŋgulum tsidze. A nis a ka, à gà na tə dzar zləm a ivaɗ.

2 TIMUTE 2:22

Aɗaba taŋa, kər ka, Timute, ka zazam dukw gà asiŋ gà gawla ana ta ge a ŋgwala tsa pampam a tsa. Ama mər aba, dite ka ne mala ndzer ŋa ika miɗ Mbulum, kə̀ gəs ŋgat nda gəzləŋ kəla pat. Ka waya gà Mbulum nda mburma lele, dite ki ndzwim a lele nda gà mburma ana ta hamawa a Mbulum, tar gà tsəɗaŋŋa ya asa mbaŋa.

2 TIMUTE 2:23

Ama ka, ka tə dza zləm a gà bazlam gà mburma ana ti tsik a taf masakəŋa ya tsa. Aɗaba medzibe gà mburma ata ka, tə sər duwa tsa. Ka ta gəs tsidze. Ama kər ka sər, gà dukw ata tì sìkèh a ka, à məpàlàba ahəm ika magər kurum ɗekɗek.

2 TIMUTE 4:4

Ti ti dze a zləm aà dukw ana ndzer a asa tsa. Ti ti mbìɗ a aba nda təv gà guma ana pàrsa iɗəm a, ti ti dzer a zləm lele ivaɗ.

TITUS 1:1

Na a wetse wakita aaha ka, iye Pul ana i ge a megemir Mbulum, dite iye mala meslire Yesuw Kiristi ya mbaŋa. Ama Mbulum a slər iye ka, dite i tsik a bazlam ŋgar a gà na a pala tar a, na dite ta gis a ŋgat nda gəzləŋ, ti sir a guma ŋgar ana ndzer ŋa, a ɗifekwe a à mede kwa ana à tsehin a aà Mbulum a tserdze ya mbaŋa.

TITUS 1:14

Kwara akaba tar ka, dite tə̀ dza zləm aà gà ahəm hiyeŋ gà Yahuda ana tə ɗamawa taf masakəŋa ya asa tsa. Tə tə zazam məpala ahəm gà mburma ana ta miyak à dukw ana ndzer ŋa ya asa tsa.

TITUS 3:9

Ama kər ka, da i təv gà bazlam ana tì dze akaba a taf masakəŋa ya. Na bəla ta fèfil a aka gər gà tsir tar ana akahər ata ya, nda gà bəla ta mbetsebe a ahəm agəra məpala ahəm Musa ka, ka ta fàfəl a tar aaka tsa. Aɗaba mege dukw ata ka, taf masakəŋa, tsəka, a ge a ŋgulum a mburma tsidze.

IBƏRANIKWA 13:9

Ka tə dzum zləm a gà dukw ana ti ɗif a kurum dər pampam, dite a de a à kurum a ika vatwa kurum ana ndzer ŋa ya tsa. Aɗaba ŋgwal ŋa ka, na ki ŋgetekewe a ndzəɗa a gəzləŋ ɓəŋɓəŋ lele i təv ŋgwal Mbulum ana a ge a kwa ya, tsəka, məpala ahəm gà mburma ana ta gweɗe a, zəm naha, kige tsa, ka zəm naaka tsiye ka, taf masakəŋa. Ki gwim gər a taŋa tsa. Medzìbe gà mburma ata ti zezem a gà dukw ata ya ka, a ge a ter a ŋgulum ɓav tsa.

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.