1 TIMUTE 1:3 - Bible Zulgo

³ A sèsiŋ ka, na ki ndze a riŋ i Efesiya ya, Timute, kamala ana i tsikik piŋŋe akahər ana i məsak riŋ à kər, i da aka ahəɗ Makaduniya ya. Ndza riŋ i fata, dite ka palawa ahəm a gà mburma ana tar riŋ i fata, ti tsik a bazlam Mbulum a mburma ndaka vatwa ŋa tsiye ya.

1 TIMUTE 1:3 ပူးပေါင်းရင်းမြစ်များ

Gà Ɓəzla Meslire 18:19

Aləka ti ndze a kwite Efesiya ka, Pul a miyak à gà Akila nda daala ŋgar Piriskila a fata. Ŋgat ŋa a da a ga mahàmà a Mbulum gà Yahuda ana i fataya, a daha, tə dza akaba mifefile nda gà Yahuda riŋ i ga ata.

Gà Ɓəzla Meslire 18:21

A miyak à tar a fata. Aləka i təv ana à meh a ba ya ka, a gwaɗa a tar: «I mère a a təv kurum a mba, na Mbulum aka waya ya.» A mah ba, a da i kwite ata ya nda slə̀làh yam.

RUMA 15:26

Aɗaba gà ɓəzla magəsa Mbulum ana ɗa ika ahəɗ Akaya, i Kurintiya ya, nda gà na i Makaduniya ya, ta mà akaba à bazlam, ta gwa: «Yahakwa gər a siŋgwe, kà slərakwaha a gà ɓəzla matawak ana ika magər gà mburma Mbulum ana i Yeruzalem a.» I de a dər.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

2 Kurintiya 11:4

I ge magəɗa agəra kurum ka, aɗaba ana bəla mala metsìkè kurum bazlam Mbulum nda pàrsa a dehe a a təv kurum, a dzeŋge a kurum a ka, ki vilwimer a vatwa, ki dzwìm a zləm a duwa ana a dzeŋge a kurum a ya lele. Ama tsaatsa, bazlam gà mburma ata ti tsik a aka gər Yesuw a ka, pam nda biy mər, tsəka, ilik tsa. Dite Mezite Mesife ana ti tsikewa ahər, ta gwa, ki ta ŋgetwim a ya tekeɗe, ar ka, pam nda biy na kà lah meŋgetwim akahər ata piŋŋe ya mbaŋa. Aɗaba tar ti tsik a kurum a ka, bazlam ŋgiɗ pam, tsəka, bazlam ŋgwal ŋa ana mì lah metsìkè a kurum akahər ata ya tsa. Ama kurum ka, ka dzum zləm a dukw ana ti tsik a ya ana, meme?

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

FILIPIYA 2:24

Iye tekeɗe, i sər, na BATSAH kwa ŋa aka waya ka, i ti dehe a a təv kurum bise mbaŋa.

1 TIMUTE 4:11

Timute, tsik a tar, ta ge gà dukw ata, dite ka ɗif a tar dər lele.

1 TIMUTE 4:6

Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

1 TIMUTE 5:7

Aɗaba taŋa, ɗif a tar à guma ata, ta gəs gà mburma tar lele. Gà madakwa gà məkəs ata ibam, wura ma tə ɗə̀v a tar zləm a təv matsama bazlam tsa.

1 TIMUTE 6:10

Aɗaba madzala gà gər siŋgwe ka, a we a bakal tserdze vìrìɗìɗɗe kamala dukw ana mawà ŋa ya. Aɗaba gà mìsle ŋgiɗ a riŋ kataya, tàa məsak à vatwa Mbulum agəra ana tàa vəl gəzləŋ tar a siŋgwe, ti yehe a tsilikw tsilikw a. Dite ka, gəzləŋ a wir aà ter a hinne asa, aɗaba dukw ata ti yehe a nda madzala gà gər tar a.

1 TIMUTE 6:17

Gwaɗa a gà ɓəzla limana ana ika gər ahəɗ kinehe ya ka, ti ɗe à gər tar agəra limana tsa, dite tə ta fə̀r aà limana tar ata kamala dukw ana ŋgwal ŋa ndzer a tsa asa. Aɗaba tə sər pat ana à ndìv a ya tsa. Say tə dzala ka, Mbulum na ŋgwal ŋa ndzer, a vile a kwe a dukw tserdze ya, dite na ki ŋgeyekwe a dər ba ya.

1 TIMUTE 6:3

Na wura a ɗif a ka, à bazlam ŋgiɗ pam, à gis bazlam Yesuw Kiristi BATSAH kwa ŋana ndzer a tsa, nda gà dukw ana ti ɗifewa a kwa dər agəra mede kwa ana ika miɗ Mbulum a tsəka,

2 TIMUTE 1:18

Ama kər nda gər yak ka, kà sər dər lele mbaŋa, meme na akahər ata a giŋ ŋgwal ŋa hinne i kwite Efesiya ya. BATSAH kwa ŋa mà zlak ŋgat, na dite a ndze are tsehe a Mbulum a pat seriye ŋgar a.

2 Yuhana 1:7

I tsik a kurum taŋa ka, aɗaba ana gà ɓəzla məbànà mburma a riŋ tì sìweye a ika gər ahəɗ hinne ya. Aɗaba tar ka, ti niw megìse Yesuw Kiristi ana a dara aka gər ahəɗ kamala mburma ya. Ama wur ana a niw taŋa ya ka, ŋgat ka, mala məbànà mburma, dite ŋgat asa ka, mala mene are a Yesuw Kiristi mbaŋa.

Sunwa Yuhana 2:14

Ama kəla ka, duwa a riŋ ika magər kurum, na i samata ka, ŋgwala tsiye. Aɗaba gà asiŋ gà mburma ŋgiɗ ika magər kurum, ti zezem a ka, dukw Balaam ana a dzeŋge a mburma akahər ata ya. Ŋgat ka, a ɗif à duwa a Balak, dite ka, meme na a bene a gà mburma Isərayel a bakal a. Dukw ana ta bana ahər tar a ka, ta papəɗ slu ana tə tàwàl dər fəla ya, nda mege mezelme nda təv muva mbaŋa asa.*fd*

Sunwa Yuhana 2:20

Ama kəla ka, duwa a riŋ ilik ika magər kurum ana a tsahən aà iye tsiye. Dukuməŋa ka, aɗaba ana kà vəlum vatwa a məkəs aka tə zalar Izebel a, aà mandza ika magər kurum a. Ŋgat ka, a gwa, waytsà iye ka, mala məma à guma Mbulum, tsaatsa taŋa ka, a bene a dər gà mburma gà ana ta giŋ a meslire ya. Dukw ana a dzeŋgewa a tar a ka, mege mezelme nda təv muva nda məpapəɗa slu ana tə tàwàlawa dər fəla ya.