1 TIMUTE 1:1 - Bible Zulgo

¹ Na a wetse wakita aaha ka, iye Pul, mala meslire Yesuw Kiristi. Gà Mbulum, mala məmbə̀là à kwa, nda Yesuw Kiristi ata, wele ana kà sərakwa nda madzala gà gər kwa ka, a ta ge a dukw ana aka mbər metsìkè a kwa ya, na tə slərra iye ya ya.

1 TIMUTE 1:1 ပူးပေါင်းရင်းမြစ်များ

Luka 1:47

Dite gəzləŋ ga a riŋ a ŋgeye a ba agəra Mbulum mala məmbə̀là à iye.

Luka 2:11

Aɗaba tàa wa a kurum mala məmbə̀là à mburma i Betelehem i kwite Dawda mbakum. Ŋgat ka, *Kiristi, wele ana Mbulum a gwa, i slir a kurumaha a ya. Ŋgat ka, Əbay batsah ŋa, ika gər ahəɗ tserdze.

Gà Ɓəzla Meslire 9:15

Ama BATSAH kwa ŋa ata a gwaɗar: «Da pəra, aɗaba Yàa zla wele ata aà ma giŋ megemir gà, ma ɗif à zləm gà ika miɗ gà bàba ŋa ana ta kwere a mburma ya, nda gà asiŋ gà mburma tserdze, dite nda gà Yahuda ya mbaŋa.

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

1 Kurintiya 9:17

Na mege i zla megemir ata nda meweye gà ka, ana ka, ŋgulum ta viliŋ a dukw maya ba gà zaakwa. Ama i zla ka, nda meweye gà tsa. Iye ihər i ge a ka, ka ta gwaɗum nda mezìwè gà gər gà tsa, aɗaba Mbulum na a viliŋ a ahər a.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

GALATIYA 1:1

Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

GALATIYA 1:11

Gà damər gà, a sèsiŋ ka, sərum dər bazlam ŋgwal ŋa ana i ɗifewa a kurum dər a ka, a dara ka, i madzala gà gər mburma ya tsa.

KULUSIYA 1:27

A waya meɗìfè a tar dər ka, à dukw ana ŋgwal ŋa ndzer, a za dukw tserdze ya, dite ka, à zlèk a gà mburma tserdze, ku mege i ŋga tekeɗe ya. Na a ne dukw ata makàhà ŋa piŋŋe, dite araha, a pàt aba kinehe ya ka, Yesuw Kiristi na a riŋ mandza ŋa i gəzləŋ kurum a. Aɗaba taŋa, kàa tikwim madzala gà gər kurum a təv mezlibe ŋgar ana ti zlibe a à ŋgat a, ka sərum ka, ki ndzwim a a fata ndzer.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

1 TIMUTE 2:3

Na kàa gekwa gà taŋa ka, ŋgwal ŋa hinne, a tsahən aà Mbulum, mala məmbə̀là à kwa.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

TITUS 1:3

Ama tits a təv ana a ndze aɗəm a ka, a pàt a kwa à mesife ata a gwa, i ta vile a kurum a ya, i huɗ bazlam ŋgar ana ŋgwal ŋa, gà ɓəzla meslire ŋgar ti tsik a. Na a viliŋ bazlam ata a ahər ka, Mbulum ana ŋgat mala məmbə̀là à kwa, a gweɗiŋ, ti tsik a gà asiŋ gà mburma ŋgiɗ mbaŋa ya.

TITUS 2:10

Tə zla aà tar duwa ya nda akəl a tsa asa. Ama ta ge ka, dukw ana ŋgwal ŋa ya ivaɗ, na dite gà ɓəzla ga tar ata ti sir a dər ka, tar gà ɓele ndzer a. Dukw ana ta ge a tserdze ya ka, na dite gà mburma tì zlibe a à bazlam ana ki dzeŋgekwe a aka gər Mbulum, mala məmbə̀là à kwa ya.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

TITUS 3:4

Ama ku mege kataya tekeɗe, Mbulum ana ŋgat mala məmbə̀là à kwa ya, aka pàt a kwa à ŋgwal ŋgar ana a ge a kwa akahər ata ya, dite meme na a waya kwa hinne ya.

TITUS 3:6

Mbulum a vəl a kwa Mezite Mesife ŋgar ka, maràhà ŋa tìs lele, nda ahər Yesuw Kiristi, mala məmbàlà à kwa.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

1 Yuhana 4:14

Mər ka, maa ŋgatar, na Mbulum Tsir kwa a slər a kwara Kəla ŋgar aka gər ahəɗ a ya, na dite a mbele a à mburma ya. Mì tsikewa a kurum ka, bazlam ata a ge ba ndzer kaɗəŋ.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.