1 TESALUNIKE 5:9 - Bible Zulgo

⁹ Aɗaba Mbulum a pala kwa ka, na dite a ta vile a kwe a mesewere are ya tsa. Ama a pala kwa ka, aà məmbàlà à kwa nda ahər Yesuw Kiristi BATSAH kwa ŋa ivaɗ.

1 TESALUNIKE 5:9 ပူးပေါင်းရင်းမြစ်များ

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

1 PIYER 2:10

Piŋŋe ka, kurum gà mburma Mbulum tsa. Ama kinehe ka, kàa nwim gà mburma ŋgar. Piŋŋe asa ka, kà ndzum are tsehe a Mbulum tsa. Ama kinehe ka, kà ndzumar are tsehe, kàa gəsum kuɗa.*fe*

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

Gà Ɓəzla Meslire 13:48

Aləka gà mburma ana tar gà Yahuda tsiye, tə tsaraka mifefile ata ka, ta ŋgaya ba hinne, dite tə dza ba aà mazàmbàɗà à bazlam Mbulum BATSAH kwa ŋa. Ama gà mburma ana Mbulum a pala tar, a vile a ter a mesife ana à ndìv a tsa aà biybiy ya ka, ta gəs bazlam ata nda gəzləŋ ilik tsara.

1 TIMUTE 1:16

Naha i tsik taŋa ka, iye mala bakal batsah ŋana seyiŋ. Ama ka, Yàa ndze are tsehe a Yesuw Kiristi. Aka giŋ ŋgwal ŋa hinne. A giŋ ŋgwal ata ka, dite a ɗif a dər a mburma, meme na a gəs gəzləŋ kaɗəŋ a. I ndzer are tsehe ka, aɗaba a sasar aà mimèhe à arəv a mburma. Dite gà mburma ata tə sər ka, na tàa gəs ŋgat nda gəzləŋ ilik ka, ti ta ŋget a mesife ana à ndìv a tsa aà biybiy a aka miɗ mbaŋa.

1 TESALUNIKE 3:3

Aɗaba a sàs a mər ka, wura ilik ma ta mà aà kurum a dəba ya, agəra mesewere are ana ki sèwèrwim a ika vatwa Mbulum a tsa. Aɗaba kurum kà sərum, vatwa ŋgiɗ a riŋ tsa, na dite kwa gà mburma Mbulum ki sèwèrekwe a are kamala taŋa ya ya.

1 PIYER 2:8

Ta wetse i wakita Mbulum mbaŋa asa ka, ta gwa: «Kur ata ka, gà mburma ti ndif ahər a sik gùp, tì dìɗ aakiŋa.»*fb* Mendìfè sik ata ka, aɗaba ana ta gəs bazlam Mbulum tsiye. Akahər ata piŋŋe ka, Mbulum a waya a ge dər kataya ka, a gwa: Gà dukw ata ta ge a ba kataya dukw ŋgar.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

RUMA 11:7

Dite kinehe ana, ki gweɗekwe a ana, meme? Ki gweɗekwe a ka, dukw ana gà Isərayel ti yaha ka, ta ŋgat tsa. Ama kəla ka, mburma ndaw tsa na i liwiŋ tar Mbulum a pala tar, ta ŋgat a. Gà asiŋ aaha dze ya ka, tar gà ɓəzla segeme. A sàs a tar mezele Mbulum ana a zal a tar a tsa.

Gà Ɓəzla Meslire 1:25

dite ma ndza a təv mendze Yudas, aà megemir mala meslire yak a. A zle a megemir Yudas ana a miyak dər aba ya, a daba a təv mendze ŋgar ana a waya ya.»

Gà Ɓəzla Meslire 1:20

Ama Piyer a gwaɗa a tar asa: «Ta wetse a wakita Dimis ka, ta gwa: *fa* Ama mewetse ŋa a riŋ asa ka, a gwa: *fb*

RUMA 11:30

Kurum ana gà Yahuda tsiye, akahər ata ka, kàa gəsum ahəm aà Mbulum tsa. Ama kinehe ka, kàa ndzum are tsehe a Mbulum, a zal a kurum aɗəm avukw ŋa, agəra ana tar ta gəs ahər ahəm tsiye.

Mata 26:24

Taŋa iye, *wur ana a dara i təv Mbulum a, i ta mìt a ka, kamala ana wakita Mbulum a tsik a. Ama mesewere are a dere a aka gər wele ana a ta ge aà iye a ɗaf a ka, batsah ŋa hinne. A ta ge a dər kaɗəŋ ana, meme ɗar a? Ŋgulum na ta wa ŋgat tsiye.»