1 TESALUNIKE 4:9 - Bible Zulgo

⁹ Gà damər mər, a ge a ŋgulum tsa na i wetse a kurumaha aka gər mawàyà ba kurum ana, ki weywim a gà asiŋ gà damər kurum a. Aɗaba Mbulum nda gər ŋgar na a ɗif a kurum à mawàyà ba ata ya.

1 TESALUNIKE 4:9 ပူးပေါင်းရင်းမြစ်များ

Mata 22:39

Dite masula ŋana, a mbeha a taŋa ya ka: asa.*fd*

Yuhana 14:26

Wele ana a ti zlèk a kurum a, kamala megweɗe ya, Mezite Mesife ana Tsir gà a ti slir a kurumere a avukw iye ya, a ti ɗif a kurum a à dukw tserdze, dite gà dukw ata i tsik a kurum a tserdze, ta mèye a kurumere a a gər a.

Gà Ɓəzla Meslire 4:32

Gà mburma Mbulum ka, tar mandza ŋa i təv ilik ŋa lele. Mawàyà ba tar ibam, nda gəzləŋ ilik ŋa asa. Wura ilik ika magər tar, aka fə̀r aà duwa ŋgar ka, kamala na biy ŋgar à gər ŋgar a tsa. Ama dukw ana tàa ŋgat a ka, ti dzèye ba a ika magər tar tserdze.

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

2 Kurintiya 9:1

A ge a ŋgulum tsa na i wetse a kurumaha a wakita aka gər siŋgwe ana ki ti slirwimehe a a gà mburma Mbulum ana ika ahəɗ Yuda ya asa ya.

FILIPIYA 3:15

Aɗaba taŋa, kwa ana kinehe kàa simekwa ika vatwa Mbulum a ka, say dzalakwa kamala taŋa ya. Na wura a dzele a dukw ŋgiɗ pam ika magər kurum a ka, Mbulum a ti ɗifer a dər parakkà.

1 TESALUNIKE 5:1

Gà damər mər, a ge a kurum a ŋgulum tsa, na i wetse a kurumaha aka gər pat ana gà dukw ata ti ti ge a ba ya.

IBƏRANIKWA 10:16

«Ŋgat a gwa ka, masəra ba gà ana mìi ta gis a ba nda gà tar aka miɗ mba ya ka, araha: A pat ata na i ti tike a məpala ahəm gà a gəzləŋ tar a, dite ka, ta gəs, tə dzala aaka gà gər. I ge a dər kataya ka, dite i dəba ŋa ya, ta gis a ahəm gà kuɗa.»

IBƏRANIKWA 13:1

Wayum ba ilik ilik tserdze ika magər kurum, ma da aka miɗ aka miɗ, aɗaba kurum ika vatwa Yesuw ka, kurum nda gà damər.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

1 PIYER 4:8

Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

2 Piyer 1:7

Na kàa hənum à gər a bəɗ ka, wayum ba lele, aɗaba kurum ka, nda gà damər na ika vatwa Mbulum a. I təv mawàyà ba kurum ata ya mbaŋa ka, wayum gà asiŋ gà mburma ilik ilik tserdze mbaŋa.

1 Yuhana 2:10

Na bəla wur ana a waya mburma ya ka, sərum dər, ŋgat ka, mandza ŋa ka, i təv dzaydzay ŋa. Duwa a riŋ ilik i təv ŋgar na à gis a mìsle ŋgiɗ a bakal a tsa.

1 Yuhana 3:11

Bazlam ana kà tsarakum daga aà malahalah ŋa ya ka, araha, a gwa ka: Ka wayakwa ba ilik ilik tserdze.

1 Yuhana 3:23

Məpala ahəm ŋgar ana a tsik a kwa ya ka, araha. A gwa ka: Gə̀sakwa Yesuw Kiristi ana Kəla ŋgar a nda gəzləŋ kwa, dite ka wayakwa ba ika magər kwa ilik ilik tserdze kamala na Kiristi a tsik a kwa ya mbaŋa asa.

1 Yuhana 4:21

Məpala ahəm Yesuw Kiristi ana a tsik a kwa ya ka, araha. A gwa ka: Na wura a waya Mbulum ka, ma waya mburma mbaŋa.