1 TESALUNIKE 4:3 - Bible Zulgo

³ Aɗaba taŋa, dukw ana Mbulum a waya ka, nwim gà tsəɗaŋŋa ika miɗ ŋgar. Kamala megweɗe ya ka, ki gwim mezelme nda təv muva tsa.

1 TESALUNIKE 4:3 ပူးပေါင်းရင်းမြစ်များ

Mata 12:50

Aɗaba wur ana a ge a dukw ana a sàs a Mbulum Tsir gà ana i gər ŋa ya ka, ŋgat na a ne damər gà nda mama gà ya.»

Mata 15:19

Aɗaba na a dere a i gəzləŋ mburma ya ka, madzala gà gər ana ti dzele a ŋgwala tsiye. Taŋa na a peze a za a mburma aà makə̀ɗà mburma, nda mege muva, dite nda mege mezelme nda təv dukw ana biy metsike tsiye, nda gà mege akəl, nda masàsà pàrsa aà mburma nda metsìkè dukw ana ìrih ìrih ìrih ŋgwala tsa aà mburma ya.

Mata 5:32

Ama kinehe iye ihər i gweɗe a kurum a ka: Ku weke na aka miyak à məkəs ŋgar, ze melè ahər aka mege muva, dite aka da a zal ka, a ne à ŋgat mala mege muva na taŋa ya. Dite bəla wur ana a zla məkəs aaha ta miyak dər a ka, a ge muva mbaŋa asa.»

Mata 7:21

Yesuw a gwaɗa a tar asa: «Aɗaba gà na ti zeliŋ a nda bazlam ɗekɗek masakəŋa vìrìɗìɗɗe, ta gweɗe a ya ka, ti sle a aà mede a *mekwere Mbulum tsa. Say gà na ta ge a dukw ana a sàs a Mbulum Tsir gà ana i gər ŋa ya dzekwiŋ, na ti de a ya.

Markus 3:35

Aɗaba wur ana a ge a dukw ana a sàs a Mbulum a ka, ŋgat na a ne damər gà nda gà mama gà ya.»

Yuhana 4:34

Yesuw a gwaɗa a tar: «Dukw mezime gà ka, say mege dukw ana a sàs a wele ana a slərra iye ya, nda mandəva à mege megemir ana a viliŋ a ahər aà mege ya.

Yuhana 7:17

Wur ana a sasar a ge a dukw ana a tsahən aà Mbulum a ka, a sir a dər, guma gà aaha i tsik a ya ana, a dara ana, wànà i təv Mbulum a ya, tsəna, i madzala gà gər gà ya yà.

Gà Ɓəzla Meslire 15:20

Ama kə̀la ka, ki wetsekwe a terehe a wakita, tə ta papəɗ dukw ana ŋgwal tsiye tsa, kamala dukw ana ti zler ɗa aà matawala dər duwa ya, nda gà ta ge mezelme nda təv muva tsa, tə ta papəɗ dukw ana ta muruɗ mimwirwiɗe ya tsa, dite tə zəm məmbəz tsa asa mbaŋa.

Gà Ɓəzla Meslire 15:29

Ka ta papəɗum dukw ana ŋgwal tsiye tsa, kamala dukw ana ti zler ɗa aà matawala dər duwa ya, nda gà ka zəmum məmbəz tsa, ka ta papəɗum dukw ana ta muruɗ mimwirwiɗe ya tsa, dite ki gwim mezelme nda təv muva tsa asa mbaŋa. Na kàa kaslum ba à gà dukw ata ya tserdze ya ka, taŋa ka, lele ndzer. Ndzum nda zay lele, say pat ŋgiɗ.»

Gà Ɓəzla Meslire 20:32

Kinehe ka, i ɗif à kurum a a ahər a Mbulum, dite nda bazlam ŋgwal ŋgar ana kà ndzumar dər are tsehe ya. Ŋgat ka, ndzəɗa ŋgar a riŋ aà masəkaha à megìse kurum ana ki giswim a dər ŋgat a, dite aà mivile a kurum gà dukw ŋgar ana tserdze, a gwa: I ta vile a a gà mburma gà ya.

Gà Ɓəzla Meslire 26:18

A sèsiŋ ka, ki hìndìk a ter a are, na dite ta mère a i luvuŋ a, a təv dzaydzay ŋa ya ya, dite ka, ti dere a i mekwere Əbay sitene ya, a təv Mbulum a. Aɗaba na tàa gəs iye ka, Mbulum à pìl a à bakal tar, dite ta ŋget a təv mendze a liwiŋ gà mburma ana Mbulum a pala tar a.> «

RUMA 1:29

Tar ka, gà maràhà ŋa nda gà dukw ana ta ge a ŋgwal ŋa tsiye, ti sìkèh a à bakal tar pampam hinne. Ta ge a are aka dukw mburma, ti yehe a ahəm ka, pìrèh pìrèh, nda mene are a mburma, nda məbatsa mburma. Ta gebe a maàga, dite ta bene a mburma, nda megeyeba swalwa hinne. Ta wele a aà mburma ya ka, hinne mbaŋa asa,

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

RUMA 6:22

Ama kurum kinehe ka, gà ɓele bakal asa tsa, kàa beywimera iɗəm a. Kàa nwim gà ɓele Mbulum kuɗa. Aɗaba taŋa, dukw ana kə ŋgatum i təv ŋgar a ka, a ne à kurum gà tsəɗaŋŋa, na dite ki gwimer a dukw ana a tsahən ahər a ya. Dite aka mandəvandəv ŋana ka, ki ŋgetwim a dər mesife ana à ndìv a tsa aà biybiy a.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 7:2

Ama ka, ŋgwal ŋa mbaŋa na asləka a zlebe a daala ya, dəm ŋa ibam, a de a a zal a, na dite ka, ta ge a mezelme nda təv muva asa tsiye.

2 Kurintiya 12:21

Iye riŋ ihər i ge a magəɗa hinne, aɗaba i təv ana bəla Yàa daha a təv kurum asa ya ka, Mbulum Tsir kwa ma ta mà à iye a bəɗ ika miɗ kurum tsa. I ge a magəɗa ka, agəra ana bəla i ta ŋget a a gà ɓəzla bakal ana ika magər kurum hinne, a sàs a tar məmbə̀ɗà à madzala gà gər tar tsiye ya. Na bəla tar riŋ ti de a aka miɗ aka miɗ nda mege muva, nda mayaha gà məkəs ana tsilikw tsilikw a, dite nda mege dukw mezelme ana biy hwarwa dukw metsike tsiye asa ka, i ti tiwe a aɗaba tar hinne.

GALATIYA 5:19

Kà sərakwa tserdze, na dukw ana meèweke ba kurum a waya a ge a ya. Gà dukuməŋa ka: Mege mezelme nda təv muva, nda mege dukw hwarwa ana pampam a, nda mayaha gà məkəs ana tsilikw tsilikw a.

EFESIYA 5:17

Aɗaba taŋa, ka ti nwim gà mburma ana metsehe tar a riŋ tsiye tsa. Say dzum zləm ka, a matsaraka dukw ana a sàs a BATSAH kwa ŋa, ki gekwe a ya ivaɗ.

EFESIYA 6:6

Ka ta gwim a tar megemir ka, ika are ŋa ya, aɗaba mazlə̀bà à kurum ɗekɗek tsa. Say gwim ivaɗ ka, mege megemir ana ndzer ŋa, a da a gər a Mbulum, dite nda gəzləŋ kurum ilik asa ya, aɗaba ana kurum gà ɓele Kiristi ya.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

KULUSIYA 3:5

Aɗaba taŋa, miyakum à dukw ana ŋgwala tsa, kà dzalawum i gəzləŋ kurum a. Fə̀rum aà dukw ata ka, kamala ana aka mət, a sle a aà makwàrà kurum asa tsiye ya. Miyakum à mege mezelme nda təv muva, nda mege dukw hwarwa ana pampam a, nda gà ka ti nwim gà mìbìylà ŋa tsa mbaŋa. Ama meèweke ba kurum ma ta kwara kurum asa tsidze. Izittè ka ta gwim are aka dukw mburma tsa asa mbaŋa, aɗaba ana kàa gwim are aka duwa kamala taŋa ya ka, dukw ata a ne a kamala mbulum kurum a.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 4:2

Aɗaba kurum kà sərum, mì ɗif a kurum ka, à dukw ana Yesuw BATSAH kwa ŋa a gwaɗa a mburma, gwim a.

1 TESALUNIKE 4:4

Taŋa ku mege weke ika magər kurum ka, tə ndza nda məkəs ŋgar ndaka vatwa ŋa lele, kamala ana a tsahən aà Mbulum a, mburma tə ta ŋgat vatwa aà məma à kurum a bakal tsidze.

1 TESALUNIKE 5:18

Ku mege ndeɗime tekeɗe ka, gwim kəkaaha a Mbulum. Aɗaba a sasar ka, gwim kataya, na kurum gà mburma ana mandza ŋa i təv ilik ŋa nda gà Yesuw Kiristi ya.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TESALUNIKE 2:13

Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

IBƏRANIKWA 10:36

Ama kə̀la ka, mərum aba lele, na dite ki gwim a dukw ana a sàs a Mbulum a ya. Na kàa gwim dər kataya ka, ki ta ŋgetwim a dukw ana a tsik i sida ya, a gwa, i ta vile a kurum a ya.

IBƏRANIKWA 12:16

Gwim metsehe asa ka, aɗaba wura ilik ika magər kurum a, ma ta ge mezelme, kige tsa ma ta fə̀r aà dukw ŋgwal ŋa ana Mbulum a vəlar a, kamala za ya tsa. Kamala taŋa ya, ka ta gwim dukw ana Isuwa a ge akahər ata ya tsa, na i təv ana a vəl aba zləm malkwara a damər ŋgar kəla ŋana ya, dite ka, aà mə vəlar dukw mezime sik ilik pəra ya.*fb*

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

IBƏRANIKWA 13:4

Ku weke ta gəs ba nda məkəs ŋgar lele, ta ge muva tsa. Mburma tə̀ zlə̀b à tar. Aɗaba Mbulum a ta ge a seriye aka gər gà na tàa gəs ba tsa, ta gewa mezelme nda təv muva ya.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 4:2

Daga aà kinehe ya, na kurum mandza ŋa ɗa ika gər ahəɗ tə̀ma ka, ndzum ka, kamala ana a sàs a Mbulum a, tsəka, meèweke ana i ba kurum a, ma ta kwara kurum asa tsa.

1 Yuhana 2:17

Sərum dər, gər ahəɗ aaha ka, a ndze a tsa, à ndìviŋa. Ku mege gà dukw ana iɗəm, gà mburma ta ge aaka a are tserdze ya tekeɗe ka, à ndìv a mbaŋa. Ama wur ana a ge a dukw ana Mbulum a waya ya ka, ŋgat a ndze a ka, aà biybiy.

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»

Sunwa Yuhana 22:15

Ama gà na tar ti ne kamala gà kəra ya, nda gà ɓəzla mèdè, nda gà na ta gewa muva ya, kige tsa, gà na ta batsawa mburma ya, nda gà na tə dzawa gurmits a bəɗ ka, a fəla tar a, nda gà ɓəzla pàrsa ana ta waya masàsà pàrsa ya ka, bàlaarì tar ti ndze a ka, i bəra, ti de a a ŋgwal kwite ata tsidze.