1 TESALUNIKE 2:9 - Bible Zulgo

⁹ Gà damər mər, megemir ana mì ge i təv kurum a ka, nda ndzəɗa na mì mər aba ya. Ama ka, mə̀ məts a kurum gər tsa, ndzum dər i gər hiywe: Aɗaba akahər ata mì ɗif a kurum à ŋgwal bazlam ana a dara i təv Mbulum a ya ka, maa ge megemir hinne, ku mege ndaàvəɗ, ku mege ndaàpat tekeɗe ya. Mì ge dər kataya ka, a sàs a mər na mì nikiɗ à kurum à dukw mezime ya tsiye.

1 TESALUNIKE 2:9 ပူးပေါင်းရင်းမြစ်များ

Luka 18:7

Dite wànà Mbulum dze ana, a ti zlèk a gà mburma ana a pala tar, ti tiwer aaba a hawa mèkwède ya seyiŋ ivaɗ tsiye? Wànà a ge a mèhìnèkw aà mezleke tar a?

Luka 2:37

I dəba ŋa ya, zal ŋgar a mət, a ndza i ga ŋgar madakwa ŋa haa mive ŋgar a ge dzik tsamakər gəra faɗ. A zàwa a ga Mbulum batsah ŋa ata tsidze. Ŋgat a riŋ a gewa meslire a Mbulum kəla pat, ku mege ndaàvəɗ, ku mege ndaàpat tekeɗe. A gewa ndəra, a hamawa dər akaba a Mbulum mbaŋa.

Gà Ɓəzla Meslire 18:3

I dəba ŋa ya, tə ndza akaba i fata tserdze, ta kiriweyewa ga petek aà tsakala, ta hinne a iɗəm, aɗaba ŋgat tekeɗe, mala megemir ŋa, kamala gà wele ata nda məkəs ŋgar a mbaŋa.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 20:31

Aɗaba taŋa, ndzum nda metsehe, sərum dər ka, Yàa gàsl aà metsìkè a kurum nda gà tuwa ilik ilik tserdze, ku ndaàvəɗ, ku ndaàpat, haa a ge mive makər.

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

RUMA 15:19

dite agəra dukw mene aà mburma ata pampam a ge nda ndzəɗa Mezite Mesife Mbulum nda ahər gà ata ya mbaŋa. Kamala taŋa ya, Yàa ŋgat vatwa aà meɗife à bazlam ŋgwal ŋa ana aɗaba Yesuw Kiristi ya, a gà mburma tserdze, ika tsèke Yeruzalem a, tsikw Yàa ndze dər aka ahəɗ Iliriya.

1 Kurintiya 4:12

Mì gewa megemir bàlaarì nda ahər mər ŋa, na dite mìi mete a à may tsiye. Na bəla mburma tàa vəl a mər mezelme ka, mìi heme a a Mbulum, dite a pise a ter a ahəm a ivaɗ. Na bəla tàa vəl a mər mesewere are ka, mì gəsawa gəzləŋ pəra, mì màwa a tar dər aɗəm tsa.

1 Kurintiya 9:15

Ama ku mege kataya tekeɗe, iye ka, Yàa wiz aà kurum duwa ilik tsidze. Ku mege kinehe, Yàa gwaɗa a kurum ka, slirwimiŋara duwa ya ka, Yàa tsik ɓav tsa. Ŋgulum na i mət à may a ivaɗ, na ndəna i wiz aà kurum a duwa ya. Aɗaba wura ilik ma tə nəs à dukw maŋgayaba gà ana a ŋgeyiŋ dər ba i gəzləŋ a tsa.

1 Kurintiya 9:18

Dukùla na a ne dukw maya ba gà ata ya? Na a ne ka, bazlam ŋgwal ŋa ana i tsik a a mburma ka, biy taf, Yàa wiz duwa tsiye. Vatwa a riŋ te ibam, na ta viliŋ a duwa agəra bazlam ŋgwal ŋa ata i tsik a ter a ya. Ama ka, Yàa gəs tsa.

1 Kurintiya 9:4

Duwa a riŋ a peliŋ a ahəm a, na i ŋget a dukw mezime nda dukw mese, aɗaba megemir gà ana i gewa ya?

2 Kurintiya 11:27

I gewa megemir ka, bàlaarì nda mesewere are ŋa pəra. Sik diŋ, Yàa ŋat vatwa aà mendze are tsa. A gà pat ŋgiɗ ka, i ndzawa nda may pəra, mege yam tekeɗe, Yàa sa tsa, i bàsawa. Sik diŋ Yàa ŋgat vatwa aà mazəma duwa tsidze. Mege mə̀tasl tekeɗe, a slewiŋ za hinne mbaŋa, agəra ana petek riŋ aà iye tsiye.

2 Kurintiya 11:9

Aka na iye riŋ mandza ŋa i təv kurum mba ya ka, kuɗa duwa a slewiŋ za hinne tekeɗe, Yàa wiz aà kurum duwa ilik tsidze. Say gà ɓəzla magəsa Yesuw ana ika ahəɗ Makaduniya ya na tə dara, ta viliŋ dukw ana i ndza dər a fit dze ya. Akahər ata ka, Yàa sèwèr a kurum are nda təv gà dukw ana ti slewa aà iye ya tsa. Dite ka, i sər, ku mege kinehe, ku mege aka miɗ mba tekeɗe ka, a sèsiŋ i wiz aà kurum a duwa tsidze.

2 Kurintiya 6:5

Aɗaba gà mburma ta gazlawa mər hinne. Pat ŋgiɗ asa ka, ta gasa mər, tə dza mər a daŋgay. Ti lèvekeye aà mər ahəm hinne, nda mewìsè bazlam. Mì gewa megemir ka, nda bàlaarì. A gà pat ŋgiɗ asa ka, mì ndzewa are tsa, dite mì vàkawa wurwas nda may, mì məndzərawa dukw mezime asa tsa mbaŋa.

FILIPIYA 4:16

I təv ana iye riŋ mandza ŋa i Tesalunike ya tekeɗe ka, kàa zlakum iye sik diŋ. Kurum na kà slirwimiŋaha duwa, aɗaba dukw ana a sle aà iye ya.

1 TESALUNIKE 1:3

Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.

1 TESALUNIKE 2:2

Ama ələk mì ta medeha a təv kurum ka, tàa sèwèr a mər are i Filipiya hinne. Tàa ge a mər matawak ka, kurum kà sərum. Ama ku mege gà ɓəzla mene are mər riŋ hinne tekeɗe, Mbulum aka vəl a mər ndzəɗa, na dite mì ɗif a kurum à bazlam ŋgwal ŋa ana a dara i təv ŋgar a ya.

1 TESALUNIKE 2:6

Mìi yehe a ka, mezlibe ana gà mburma tì zlibe à mər a tsidze, ku mege i təv kurum, ku mege i təv gà mìsle ŋgiɗ tekeɗe ya.

1 TESALUNIKE 3:10

Mì hamawa ka, nda gəzləŋ ilik, ku mege ndaàpat, ku mege ndaàvəɗ, na dite ka, mə vəl a məraha vatwa aà məfə̀rà aka kurum asa ya. Aɗaba a sàs a mər ka, meɗìfè a kurum à dukw ana kà sərum zukw tsiye, na dite megìse ana kə̀ gəsum Yesuw Kiristi nda gəzləŋ kurum a, à sìkèh a aka miɗ aka miɗ.

1 TIMUTE 1:11

Batsah meɗè à dukw aaha ka, a dara i bazlam ŋgwal ŋa ana Mbulum a tsikiŋ, a miyekiŋ dər ɗa a ahər a. Bazlam ŋgwal ŋa ata ka, biy mezlibe à Mbulum Batsah ŋana. Aɗaba ŋgat na a ne təv mipìsè ahəm nda maŋgayaba ana kəla pat a.

1 TIMUTE 4:10

Agəra taŋa na kə̀ gə̀sakwa megemir ŋgar, dite kà vəlakwar ndzəɗa kwa fit, ki mirekwe ahər a aba sah lele ya. Aɗaba kàa tikekwa madzala gà gər kwa fit a təv Mbulum ana a riŋ nda mesife ya. Ŋgat ka, mala məmbə̀là à mburma tserdze. Ndeyndey ŋa ka, gà na tàa gəs Yesuw Kiristi nda gəzləŋ tar ilik a.

1 TIMUTE 5:5

Ama madakwa məkəs ana wur ŋgar a riŋ tsa, biy mandza are tsehe ya ka, ŋgat a tike madzala gà gər ŋgar ka, a təv Mbulum ilik, a hemer a kəla pat i hawa i mèkwède, dite ka, mà zlak ŋgat.

2 TIMUTE 1:3

I təv ana Yàa zlaŋa aɗaba kər a ka, i gewa kəkaaha a Mbulum ana i gewar meslire nda gəzləŋ ilik, nda ndzer ŋa ya. Meslire ana i gewa ya ka, kamala gà tsir gà ana akahər ata ta gewar a mbaŋa. Ku mege ndaàpat, ku mege ndaàvəɗ tekeɗe ka, i hamawa a Mbulum aɗaba kər, i gewar kəkaaha kəla pat.