1 TESALUNIKE 2:4 - Bible Zulgo

⁴ Ama mì tsik ka, dukw ana a sàs a Mbulum mì ɗif a tar dər a ivaɗ. Aɗaba a samata, mər ka, mì tsahən ahər, na dite a vəl a mər bazlam ŋgwal ŋa ata a ahər, mì ɗif a dər a mburma ya. I təv ana mì tsikewa ya ka, a sàs a mər, dite na mì da a gər a mburma ya tsa. Ama mì waya ka, na mìi de a a gər a Mbulum a ivaɗ. Ŋgat na a sər dukw ana i gəzləŋ mər tserdze ya.

1 TESALUNIKE 2:4 ပူးပေါင်းရင်းမြစ်များ

Luka 12:42

Əbay Yesuw a gwaɗar aaka: «Nwim ka, kamala mala mege megemir ana ndzer ŋa, a ge a megemir ka, nda metsehe lele ika are ŋa ya tsiye. Na bəla mala ga ŋgar a de a a təv ŋa ka, a tike aɗəm a ŋgat aà makàslà gà ɓəzla megemir, a vile a ter a ɗa dukw mezime ka, tits a təv ana tə zəmawa ya ya.

Luka 16:11

Na kàa sərum are megemir limana ana kinehe ika gər ahəɗ a ndaka vatwa tsəna, weke na a sle a aà mivile a kurum ŋgwal limana ana à ndìv a tsa i təv Mbulum a?

Yuhana 21:17

I dəba ŋa ya asa, a màr dər məmakər ŋa, a gwaɗar: «Simun, kəla Yuhana, wànà kà waya iye ana, ndzer kaɗəŋ a?» Bazlam Yesuw ata a màr dər məmakər ŋa, a gwaɗar: «Wànà kà waya iye yà, kà waya iye yà» ka, a tsəɓ a Piyer hinne. A gwaɗar: «Batsah ga ŋa, kà sər duwa tserdze. Dukw ana i gəzləŋ a tekeɗe ka, kà sər. Kà sər ka, i waya kər ndzer.» Yesuw a gwaɗar: «Ge gər a gà mburma gà ana ti zezem a iye kamala gà təmaŋ a lele.

RUMA 8:27

Mbulum ka, a sər dukw ana i gəzləŋ mburma ya. Kamala taŋa ya, a sər dukw ana Mezite Mesife a waya ya mbaŋa. Aɗaba Mezite Mesife ata a heme a agəra gà mburma ŋgar a ka, kamala ana a tsahən aà Mbulum a.

1 Kurintiya 7:25

Ka wizwim aà iye bazlam agəra gà magamza ana ti ndzeye a ya, nda gà dəm ana tàa da a zal ilik tsiye mbaŋa. Dukw ana i tsik a ya ka, i tsarakara ka, i təv Yesuw Kiristi BATSAH kwa ŋa ya tsa. I tsik a ka, dukw ana i dzala nda madzala gà gər gà ya ɗekɗek. Ama ŋgulum ka, ki dzwìmiŋ aaka a zləm mbaŋa, aɗaba iye ka, mala ndzer, agəra ana Yesuw Kiristi BATSAH kwa ŋa a giŋ ŋgwal ŋa ya.

1 Kurintiya 9:17

Na mege i zla megemir ata nda meweye gà ka, ana ka, ŋgulum ta viliŋ a dukw maya ba gà zaakwa. Ama i zla ka, nda meweye gà tsa. Iye ihər i ge a ka, ka ta gwaɗum nda mezìwè gà gər gà tsa, aɗaba Mbulum na a viliŋ a ahər a.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

2 Kurintiya 5:11

Na Batsah mər ŋa a ta ge a mər a seriye kamala taŋa ya ka, mìi ger a magəɗa. Aɗaba taŋa mbaŋa, na mər ihər mìi yehe a vatwa aà mandzàkàra mburma aka miɗ ŋgar a, dite na ti sir a dər ka, mər gà ndzer ŋa ya. Mbulum ka, a sər mər ka, lele. Ama i dzala ka, kurum tekeɗe, ki sirwim a iye i gəzləŋ kurum mbaŋa.

2 Kurintiya 5:16

Aɗaba taŋa, mər kinehe ka, mìi fir a aà gà dukw ana mburma ta ge a i metìkè ba tar ana nda bəra pampam asa ya tsa. Akahər ata piŋŋe ka, maa ge kataya kaɗəŋ, maa fə̀r aà Kiristi kamala taŋa ya. Ama kinehe ka, pam, tsəka, mìi ge a dər kamala taŋa ya asa tsa.

GALATIYA 1:10

Kurum kà dzalum, i tsik taŋa dze ana, na dite gà mburma tə̀ zlə̀b à iye ya? Awaŋ, kataya tsa. A sèsiŋ ka, na Mbulum à zlibe a à iye ya. Kurum kù gwaɗum, dukw ata i ge a kataya ana, na dite i da a gər a mburma ya ya? Awaŋ, i ge a ka, meslire Yesuw Kiristi na iye ya. Aɗaba na mege i waya matsahəna aà mburma hiywe mba ka, ana ka, i ge a meslire ŋgar tsa.

GALATIYA 2:7

Seyiŋ tsa, tə sər dər ivaɗ ka, Mbulum a viliŋ bazlam ŋgwal ŋana a ahər, a gweɗiŋ ka, daha, ti tsik a gà na tar gà Yahuda tsiye, kamala ana akahər ata a tsik a Piyer, a gwaɗar ka, daha, ti tsik a gà Yahuda ya mbaŋa.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 6:6

Ka ta gwim a tar megemir ka, ika are ŋa ya, aɗaba mazlə̀bà à kurum ɗekɗek tsa. Say gwim ivaɗ ka, mege megemir ana ndzer ŋa, a da a gər a Mbulum, dite nda gəzləŋ kurum ilik asa ya, aɗaba ana kurum gà ɓele Kiristi ya.

KULUSIYA 3:22

A kurum gà ɓele ibam, gəsum ahəm aà gà ɓəzla ga kurum i təv dukw ana ki gwim a ya tserdze. Ka ta gwim a tar megemir ka, tsèŋgèl tsèŋgèl i təv are tar a ɗekɗek tsa, na dite ka, ti zlibe a à kurum a ya. Ama gwim a tar meslire ka, tèrihhwè nda ndzer ŋa, aɗaba ana kurum ihər ki zlìbwim a à BATSAH kwa ŋa ya.

1 TIMUTE 6:20

Ana mà Timute: Kasla megemir ana Mbulum a vəlak a ahər a lele, manəsa bazlam ma tə dara i bazlam yak a tsidze. Ka tə dza zləm a bazlam gà mburma ana ti tsik a ka, ta gwa i tar ka, metsehe, tsaatsa ŋgwal metsehe duwa tsiye ka, ma tə dara i bazlam yak a tsidze mbaŋa.

2 TIMUTE 1:14

Kasla ŋgwal dukw ata Mbulum a vəlak a ahər a lele. Aɗaba Mezite Mesife Mbulum ana mandza ŋa i gəzləŋ kwa ya, na a vilek ahər a ndzəɗa ya.

2 TIMUTE 2:2

Bazlam ana akahər ata kà tsarakawa i təv ga ya, ika miɗ gà mburma hinne ya ka, mà dər a gà mburma ana tar gà ɓəzla ndzer ŋa ya, dite ka, tar ti sle aà mimè a dər a gà mìsle ŋgiɗ mbaŋa ya.

TITUS 1:3

Ama tits a təv ana a ndze aɗəm a ka, a pàt a kwa à mesife ata a gwa, i ta vile a kurum a ya, i huɗ bazlam ŋgar ana ŋgwal ŋa, gà ɓəzla meslire ŋgar ti tsik a. Na a viliŋ bazlam ata a ahər ka, Mbulum ana ŋgat mala məmbə̀là à kwa, a gweɗiŋ, ti tsik a gà asiŋ gà mburma ŋgiɗ mbaŋa ya.

IBƏRANIKWA 4:13

Duwa a riŋ ilik na makàhà ŋa aà are Mbulum a tsa. Gà dukw ana a ge tserdze ya ka, a ŋgatar tseɗey tseɗey lele. Ki ti ɗemekwe a gà dukw ana ki gekwe a ya fit dze aka miɗ ŋgar.

1 PIYER 4:11

Na wura aka ŋgat ndzəɗa aà metsìkè bazlam ka, ma tsik kamala na Mbulum a tsiker a ika arah a, tsəka, ma zle ahər biy ŋgar pam tsa. Wele ana à zlèk a mburma ya ibam, à zlèk a ka, nda ndzəɗa ana Mbulum a vəlar a mbaŋa. I huɗ gà dukw ana ki gwim a tserdze ya ka, mezembeɗe ma ge ka, biy Mbulum, aɗaba ana kə̀ gəsum Yesuw Kiristi ya. Ŋgat ka, aka ŋgat ndzəɗa ika gər gà duwa ya tserdze aà biybiy, nda gà vatwa mezlibe ana gà mburma tì zlibe à ŋgat a. *Amin.

Sunwa Yuhana 2:23

tsəka, i ta bets a gà ɓəza ŋgar mbaŋa, na dite gà mayahaba gər gà mburma Mbulum tserdze ti sir a dər ka, iye na i sər dukw ana gà mburma tə dzala i gər tar, nda gà dukw ana a tsahən aà tar a ya. Kurum tserdze ka, i ti dzèye a kurum a gà dukw mayaba kurum, ku weke kalkal nda megemir ŋgar ana a ge ya.