1 TESALUNIKE 2:3 - Bible Zulgo

³ I təv ana mì wiz mburma, dite ta gəs bazlam ata ya ka, mì mà à dukw ana a dara i madzala gà gər mər a tsa. Mì tsik ka, lele, wirwir iɗəm tsidze. Dite kwets mìi bene a mburma tsa asa mbaŋa.

1 TESALUNIKE 2:3 ပူးပေါင်းရင်းမြစ်များ

Gà Ɓəzla Meslire 13:15

Tə daha ka, mìsle ŋgiɗ a riŋ ilik i magər gà mburma ata i ga Mbulum a, a riŋ a dzeŋge a ter a wakita məpala ahəm Musa nda biy gà ɓəzla məmà à guma Mbulum. Aləka a ndəv aba à bazlam ŋgar ata ya tsara ka, gà bàba ŋa ana a riŋ mandza ŋa ika miɗ mburma i ga Mbulum i fataya, ta wiz bazlam à gà Barnabas nda Pul a, ta gwaɗa a tar: «Gà damər gà, na mifefile kurum a riŋ zaakwa ka, tsikwim a gà mburma aaha mayahaba gər ŋa ya, dite mə mà a taraha arəv.»

Gà Ɓəzla Meslire 4:36

Kərga Yasufa ana gà Levi, ta wa ŋgat i Kipurus, dite gà ɓəzla meslire Mbulum tə zalar Barnabas a, kərga megweɗe ya ka, «mala məmàha aà arəv a mburma» ya, a ge dər kataya mbaŋa.

2 Kurintiya 11:13

Tsaatsa, gà mburma ata ka, tar gà ɓəzla meslire Mbulum nda ndzer ŋa tsa. Tar ka, gà ɓəzla pàrsa. Ta bene a mburma nda wirwir, ti newa à ba tar kamala ana tar ka, gà ɓəzla meslire Kiristi ya.

2 Kurintiya 2:17

Ama mər ka, mìi sle a aà mege ŋa, agəra ana Mbulum a slər ahər mər a, tsəka, mìi sle a ɓav tsa. Aɗaba gà mburma hinne, na ti tsikewa bazlam Mbulum a mburma ka, ta fə̀r ahər kamala dukw metsèkèle ya. A sàs a tar aà maŋgata dər nuba. Ama mər ka, mì gewa dər kamala taŋa ya tsa. Mì tsikewa bazlam ŋgar a mburma ka, nda gəzləŋ ilik ika miɗ ŋgar, agəra ana mər ka, gà ɓəzla meslire Kiristi ya.

2 Kurintiya 4:2

Maa niw gà dukw ana mburma ta ge a nda wirwir kìtsèh kìtsèh, a ndeɗe aka mər a hwarwa ya tserdze. Mər ka, mìi kèhe a dukw ana mìi ge a ya tsa. Dite mìi bene a mburma, kige tsa mìi mbìɗ a à bazlam Mbulum tsa asa mbaŋa. Ama mìi ɗif a ka, à ndzer ŋana parakkà ivaɗ. Mì waya ka, ku weke mà sər dər, bazlam ana mìi tsik a ya ka, ika miɗ Mbulum ndzer, pàrsa iɗəm tsa.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

2 Kurintiya 6:8

I huɗ mendze mər a ka, gà asiŋ gà mìsle ŋgiɗ tì zèmbeɗe à məriŋa. Gà biy ŋgiɗ ka, ti ndeveye a mər a pìslìɗìɗe. Gà asiŋ ŋa tì zlibe à məriŋa. Ama gà biy ŋgiɗ ti tsik a dukw ana ŋgwala tsiye aka gər mər. Ta fir aà mər a ka, kamala ana mər ka, gà ɓəzla pàrsa ya. Ama tsaatsa, mər mìi tsik a ka, dukw ana ndzer ŋa ya ivaɗ.

2 Kurintiya 7:2

Gəsum mər nda gəzləŋ kurum lele. Aɗaba mər tekeɗe, maa ge dukw ana ŋgwala tsiye, a wura ika magər kurum a ilik tsidze. Asa ka, wura aka dzeye ika vatwa Mbulum a agəra mər tsa, dite maa zla duwa aà wura ya nda wirwir a ɓav tsa asa mbaŋa.

1 TESALUNIKE 2:11

Kurum kà sərum mbaŋa, mì zlak kurum ika magər kurum ilik ilik tserdze ka, kamala tsir kəla ana a ge a gər a gà ɓəza ŋgar a.

1 TESALUNIKE 4:7

Aɗaba Mbulum a zal a kwa ka, aà mege mezelme tsa. A zal a kwa ka, na dite ki nekwe a gà tsəɗaŋŋa ika miɗ ŋgar a ivaɗ.

2 TESALUNIKE 2:11

Agəra ana ta gəs ŋgat tsiye ka, Mbulum a ta vile a ter a madzala gà gər ana ŋgwala tsa hàɓəragawwa, a bene a tar aà ta gəs dukw pàrsa ata ya.

2 Piyer 1:16

Akahər ata ka, maa ɗif a kurum à ndzəɗa Yesuw Kiristi BATSAH kwa ŋana a ta mère a ya tserdze. Gà dukw ata mì tsik a kurum a ka, kamala ahəm hiyeŋ ana gà mburma ti ɗemere a ika arah a birek birek nda metsehe tar taf masakəŋa ya tsa. Ama mər ŋa nda ahər mər na mì ŋgatar parakkà nda ndzəɗa ŋgar ana ika gər gà duwa tserdze ya dukw ŋgar.