1 PIYER 5:9 - Bible Zulgo

⁹ Dzìrìk hitswim aka miɗ ŋgar nda ndzəɗa megìse kurum ana kə̀ gəsum Mbulum a gəzləŋ kurum a. Aɗaba kurum kà sərum, gà asiŋ gà damər kurum ana ika vatwa Mbulum, ku mege i ŋga ika gər ahəɗ tserdze ya ka, tar riŋ tì sèwèr a are kamala kurum a mbaŋa.

1 PIYER 5:9 ပူးပေါင်းရင်းမြစ်များ

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

EFESIYA 4:27

Ka vəlum vatwa a Əbay sitene a gəzləŋ kurum tsa.

EFESIYA 6:16

Gəsum Mbulum nda gəzləŋ kurum kəla pat kamala slakwa ana i ahər ika miɗ gùvəl a, dite gà simir Əbay sitene ti ndze a kurum a asa tsa. Ku mege akwa ihər tekeɗe ka, slakwa ata a mbete a dər ivaɗ.

KULUSIYA 2:5

Sərum dər ka, ku mege iye riŋ i təv kurum tsa, iye diriŋ aà kurum a tekeɗe, madzala gà gər gà ka, a riŋ i təv kurum kəla pat. I ŋgaya ba hinne, aɗaba ana i tsaraka ka, ki zezemwim a Mbulum tèrihhwè ndaka vatwa ŋa lele, dite gəzləŋ kurum ibam, a ndze a ɓəŋɓəŋ i təv megìse kurum ana kə̀ gəsum Yesuw Kiristi ya ya.

1 TESALUNIKE 3:3

Aɗaba a sàs a mər ka, wura ilik ma ta mà aà kurum a dəba ya, agəra mesewere are ana ki sèwèrwim a ika vatwa Mbulum a tsa. Aɗaba kurum kà sərum, vatwa ŋgiɗ a riŋ tsa, na dite kwa gà mburma Mbulum ki sèwèrekwe a are kamala taŋa ya ya.

1 TIMUTE 6:12

Ne mala aka miɗ i təv magəsa gəzləŋ ana ika vatwa Mbulum a, kamala gà wele ana tì dzìr a ba aà mivele, ta mir aaba a sah lele ya. Gəs vatwa mesife ana à ndìv a tsa aà biybiy a nda gəzləŋ yak, dite ma ne biy yak. Aɗaba Mbulum a zalak ka, aà mesife ata akahər ata kà tsik ika miɗ mburma hinne, meme na kə̀ gəs bazlam Yesuw Kiristi nda ndzer a gəzləŋ yak a ya.

2 TIMUTE 3:12

Ama ka, ku mege weke na a sasar a ge a dukw ana a tsahən aà Mbulum a, aɗaba ŋgat mandza ŋa i təv ilik ŋa nda Yesuw Kiristi ya ka, ta ger a matawak ndzer, dukw ŋgar.

2 TIMUTE 4:7

Iye ka, Yàa ge megemir Yesuw Kiristi nda gəzləŋ ilik, kamala gà wele ana tì dzìr a ba aà mivele, ta mir aaba a sàh lele ya. Yàa ndəv à dukw ana Mbulum a gweɗiŋ, ge ya, kamala gà wele ata ta vel a a təv ana ti ndisl aɗəm a ya. Yàa gəs Yesuw Kiristi nda gəzləŋ ilik. Yàa məsak dər tsa.

IBƏRANIKWA 11:33

Agəra megìse ana ta gəs Mbulum nda gəzləŋ tserdze ya ka, ta ge gùvəl aà ahəɗ ŋgiɗ, ta mba aà tar. Ta ge dukw ana ŋgwal ŋa ndaka vatwa ŋa lele ika miɗ Mbulum a. Tàa ŋgat dukw ana Mbulum a tsik a tar i sida ya, a gwa ka, i ta vile a kurum a ya mbaŋa. Agəra megìse ata ta gəs Mbulum a ka, təts ta handaka aka bazlam a gà azil, na dite ka, ta papaɗa tar asa tsiye.*fv*

IBƏRANIKWA 12:8

Ama na Mbulum aka tsik a kurum aà metsehe kamala gà ɓəza ŋgar ana tserdze, a tsik a ter a ya tsəka, kamala megweɗe ya: Kurum ka, gà ɓəza ŋgar gà ndzer ŋana tsa. Kurum ka, gà madazla ŋa.

YAKUBA 4:7

Aɗaba taŋa, gəsum ahəm aà Mbulum. Məsakum à Əbay sitene, dite a vel a à kurum a.

1 PIYER 1:6

Aɗaba taŋa, ŋgayum ba, ku mege kurum riŋ ihər ki sèwèrwim a are agəra gà medzike ana ti dzik a à kurum a nda dukw ŋgiɗ pampam tekeɗe ya.

1 PIYER 2:21

Aɗaba aà medzibe megemir ata na Mbulum a zal a kurum a, na mege kàa gwim dukw ana ŋgwal ŋa ya ya. Aɗaba Yesuw Kiristi nda gər ŋgar tekeɗe ka, aka sèwèr are hinne, agəra kurum mbaŋa. Taŋa ka, a ɗif a kurum a à vatwa mesewere are, dite ka, ki gwim kamala ana ŋgat a ge ya.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»

Sunwa Yuhana 6:11

I fataya ka, tə dzaya aka tar gà petek herrè ŋa tserdze, ku mege weke. Dite ta gwaɗa a tar: «Vavum zaakwa tə̀ma asa. Aɗaba say ta batsaya gà asiŋ gà damər kurum ana ta ge a megemir a Mbulum a asa dzekwiŋ, kamala ana ta batsaya kurum a mbaŋa ya. Aləka i təv ana aka geba fit kamala ana Mbulum a tsik a, tàa bats tar ka, seriye ata a ta ge a ba kuɗa.»

Sunwa Yuhana 7:14

I gwaɗar: «Awaŋ, batsah ga ŋa, kər ivaɗ na a sər tar a. Iye ka, i sər tar tsa.» I dəba ŋa ya, a gweɗiŋ asa: «Gà mburma aaha ka, gà na tì sèwèr a are hinne aka mandəvandəv gər ahəɗ aaha ya. Ama ka, tàa bàs gəzləŋ, tàa miyak à vatwa Mbulum tsidze. Ta baraya gà petek tar a nda məmbəz Kəla Təmaŋ ata, na dite ka, a ndza herrè ya.