1 PIYER 5:8 - Bible Zulgo

⁸ Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

1 PIYER 5:8 ပူးပေါင်းရင်းမြစ်များ

Mata 13:39

Mala swalwa ana a slige tìzèmiŋ ata ya ka, Əbay sitene. Masàsà daw ka, pat ana Mbulum à ndìv a à gər ahəɗ a. Dite na a ne gà ɓəzla masàsà daw ata asa ka, gà gawla Mbulum.

Mata 24:42

Aɗaba taŋa, ndzum ka, nda metsehe, tsəka, ki sirwim a pat ana Batsah kurum ŋa a dere a ya tsa.

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Mata 4:1

I dəba mifefile ata ya tsara ka, Mezite Mesife Mbulum a da à Yesuw a kusak diriŋ, dite ka, Əbay sitene ma dzik riŋ à ŋgat i fata.

Mata 4:11

Əbay sitene ata a tsaraka kataya tsara ka, ŋgwìɗik a məsak à ŋgat, a da i təv ŋgar a. Tsam ka, gà gawla Mbulum tə dara a təv ŋgar a, ta ger gər lele kuɗa.

Markus 4:15

Gà mìsle ŋgiɗ ka, ti ndzikiɗ ba wur daw ata a dza aka vatwa ya ɗekɗek. Taŋa ka, a ndzikiɗ ba biy gà mburma ana ti tsereke a bazlam ata ka, ama Əbay sitene a dehe a tsara, a ndzehe a bazlam ata ta gəs a gəzləŋ tar a.

Luka 21:34

«Gwim metsehe, kaslum ba kurum, ka ta kwayum tsa. Ka ta gwim məburnun tsa, dite ka tə dzalum gà gər aka dukw gər ahəɗ tsa asa. Aɗaba gà dukw ata na ta ge a madzək a metsehe kurum a. Na kàa kaslum ba tsa, dite kurum tekeɗe, aà gà dukw ata mbaŋa ka, pat ana a dere a ya ka, gər melek, ki sirwim a aà pat ŋa tsa.

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Luka 22:31

I dəba ŋa ya, Yesuw a gwa asa: «Simun, Simun. Araha, Əbay sitene aka ŋgat vatwa aà medzìkè à kurum. A dzik a ikaba kurum a, kamala himbiɗ ana à dzik a ikaba gà dzəndzar nda daw a.

Yuhana 8:44

Tsir kurum ka, Əbay sitene. Ki gwim a tekeɗe ka, dukw ana a sasar a. Ŋgat mala makə̀ɗà mburma daga piŋŋe. Aka tsik dukw ana ndzer a ilik tsidze, aɗaba ana ndzer ŋgar a riŋ tsiye. I təv pàrsa ŋgar ata a sasa ya ka, hiywe a mətsawa i ŋgar ka, aà taŋa pəra, aɗaba ana ŋgat mala pàrsa, dite ŋgat tsir gà pàrsa ya asa.

2 Kurintiya 2:11

I ge dər kataya ka, aɗaba a sèsiŋ tsa na Əbay sitene a sewle aà kwe a ya. Aɗaba kwa ka, kàa mbər mesirekwa wirwir ŋgar ana a gewa ya lele, makàhà ŋa tsa.

EFESIYA 4:27

Ka vəlum vatwa a Əbay sitene a gəzləŋ kurum tsa.

EFESIYA 6:11

Dùwaywim ba nda gà dukw ahər ana tserdze Mbulum a dza a kurum a, ka hitswim dər asləka asləka, lele aka miɗ Əbay sitene ana a waya a beze a kurum a za nda wirwir ŋgar zləmana ya, na dite ki ŋgetwim ndzəɗa, ki ŋgirzlwim a ya.

1 TIMUTE 2:15

Ku mege kataya tekeɗe, gà məkəs ka, ta mbele a mbaŋa, aɗaba ana tar riŋ ta we a ɓəza ya. Ama kə̀la ka, say na tar riŋ ta gis a Mbulum kəla pat nda gəzləŋ ilik, ta weye a mburma, ta ge a ŋgwal ŋa ika miɗ Mbulum, dite ka, tar riŋ ta hinne a à gər tar a bəɗ lìɓɓet kəla pat asa mbaŋa ya dzekwiŋ.

1 TIMUTE 2:9

I gà məkəs ka, a sèsiŋ na ti dze akaba a gà petek ana a zle a arəv aà mburma ya tsa. Say petek ana ide zləməŋa pəra ya. Madùwàyà ba tar ma tə ndaha i tə̀vəməŋa ya tsa. Ti ta behe a à malàmà ambəz ŋger ŋger ŋger, dite ma zla arəv aà mburma ɓav tsa asa mbaŋa. Tə tə dza aaba dukw daala ana tsìrèslìslsle tsakala ŋa a beha hinne ya tsa asa. Tə tə dùwaya ba nda petek ana ɓə̀sl ɓə̀sl ɓə̀sl à sìkim a ba tsiye tsa mbaŋa.

1 TIMUTE 3:11

Mede gà məkəs tar ibam, ma ge ka, ilik mbaŋa asa. Ti ti tsik manəsa bazlam aà mburma tsa. Ama ta gəs gəzləŋ i təv guzum a, tə ta kwaya tsa. Say megemir tar ma da ka, ndaka vatwa ŋa lele nda təv dukw tserdze, ta gawuwa ahəm sula tsa.

1 TIMUTE 3:2

Ama wur ana a ge a megemir Mbulum ata ya ka, mede ŋgar ma ge ŋgwal ŋa lele nda təv gà mburma dze. Daala ma ge ihər ka, ilik. Ma ta kwaya à guzum tsa. Say ma ge ka, dukw ana ndaka vatwa ŋa lele ya. Dite gà mburma tə̀ zlə̀b à ŋgat. Say ma ge ka, mala məvəla ahər. Dite ma sər meɗìfè à metsehe a mburma lele mbaŋa.

2 TIMUTE 4:17

Ama kəla ka, BATSAH kwa ŋa aka zlak iye, a viliŋ ndzəɗa, na dite i tsik bazlam Mbulum a mburma parakkà, i həmbər duwa tsa, dite ka, ku mege weke ɗa i faha ika magər gà na tar ga Yahuda tsiye ka, ma tsaraka ya. BATSAH kwa ŋa a be à iye i ahər məməta ya, kamala ana ta bera à duwa i bazlam azil a.

TITUS 1:8

Ama ma ne ka, mala mege gər a gà mbəlakw lele ivaɗ. Ma waya ka, mege dukw ana ŋgwal ŋa ya, ma ne mala metsehe, ma ge dukw ana ndzer a ika miɗ Mbulum tsəɗaŋŋa, bakal ihər tsa. Ma kwara ba ŋgar lele.

TITUS 2:12

Mbulum a ge a kwa ŋgwal ŋgar ata ka, dite kà zazamakwa mede ana ŋgwal ŋa tsiye, nda gà dukw gər ahəɗ ana meèweke ba kwa a waya ya asa tsa. Ki ndzekwe a ika gər ahəɗ ka, nda metsehe, nda mege dukw ana ndzer ŋgwal ŋa ya. Mede kwa na à tsehin a aà Mbulum a mbaŋa.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

TITUS 2:4

Na tàa ge dər kataya ka, dite ti ɗif a dər a gà məkəs ana gà daala ŋa ya mbaŋa, meme na ta weye a gà zal tar, nda gà ɓəza tar a.

TITUS 2:6

Tsik a gà gawla kamala taŋa ya mbaŋa. Ta ge metsehe, ta kwara ba tar lele.

YAKUBA 4:7

Aɗaba taŋa, gəsum ahəm aà Mbulum. Məsakum à Əbay sitene, dite a vel a à kurum a.

1 PIYER 1:13

Aɗaba taŋa, hadzalum madzala gà gər kurum aà megemir Mbulum. Kaslum ba kurum lele, dite ka tikwim madzala gà gər kurum tserdze aka ŋgwal dukw ata Yesuw Kiristi a ta vile a kurum a, a pat ana à mère a ya.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

Sunwa Yuhana 12:10

I dəba ŋa ya, i tsarakara mifefile duwa i gəza mbulum a, a fàfəl ŋgəlakəkka. I huɗ mifefile ŋgar ata ya ka, a gwa: «Kinehe ka, Mbulum aka mbala à kwa fit kweleŋ. A pàt ka, à ndzəɗa ŋgar ana a za duwa tserdze ya. Ŋgat na mala makwàrà mburma ya. Kinehe ka, *Kiristi, wele ana Mbulum a gwa, i ti slir a kurumehe a ya ka, aka pàt à ndzəɗa ŋgar kuɗa. Aɗaba tàa yàra iɗəm wele ana a gewa seriye aà gà damər kwa ya. A gewa aà tar seriye ka, ika miɗ Mbulum, ku mege ndaàpat, ku mege ndaàvəɗ tekeɗe ya.

Sunwa Yuhana 12:12

Aɗaba taŋa, maŋgayaba ma ge i gər ŋa i mbulum, nda gà na a riŋ mandza ŋa i fataya tserdze, ŋgayum ba. Ama kurum gà gər ahəɗ nda batsah duluv ka, waya ba kurum a, aɗaba Əbay sitene ana a tarra a təv kurum a ya. A riŋ a ge a matsəɓatsəɓ nda təv kurum ka, hinne, aɗaba ana a sər ka, mendze ŋgar a riŋ hinne asa tsa, kwizikw pəra ya.»

Sunwa Yuhana 12:9

Ti yàra iɗəm batsah kə̀rəm ata a bəra ya. Ŋgat ka, miviye mesiwiɗ ana akahər ata a banawa ɗa gà mburma ika gər ahəɗ a. Tə zalar ka, Əbay sitene, kige tsa *Sadan. Kùtsùkw ti yàra iɗəm ŋgat aka gər ahəɗ a, tə dzara à tar a ka, nda gà gawla ŋgar ata ya tserdze.

Sunwa Yuhana 20:10

Dite i dəba ŋa ya ka, Əbay sitene, wele ana a banaya tar a ka, ta gəs, kùtsùkw ti yà ŋgat a akwa ana kamala duluv a. Akwa ata a wene a ka, wàfùfùffa. I fataya ka, tàa mbər mandza aɗəm à gà dukw dala nda mala məma à guma ŋgar ata nda pàrsa ya. Tì sèwèr a are i fata, ku mege ndaàpat, ku mege ndaàvəɗ hiywe aà biybiy.

Sunwa Yuhana 20:2

A daha, a gəs *kə̀rəm ata, kamala megweɗe ya ka, mesiwiɗ ana akahər ata piŋŋe ya. Ŋgat ka, Əbay sitene, zləm ŋgar ka, *Sadan. I dəba ŋa ya, hə̀ndə̀sl a dàn dər ŋgat. A ndza i medènè mive dəbuw.