1 PIYER 5:3 - Bible Zulgo

³ Ka ta kwarum gà mburma ata nda ndzəɗa tsa. Ama zazamum ka, mendze ana ŋgwal ŋa ya, na dite a ɗif a ter a à vatwa, ti zezem a kurum i dəba ya lele ya mbaŋa.

1 PIYER 5:3 ပူးပေါင်းရင်းမြစ်များ

Yuhana 13:15

Yàa ɗif a kurum dər, meme na ki gwim a ya, dite ka, ki geywim a ba dukw ana ŋgwal ŋa kamala biy na iye i ge a kurum a.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

1 Kurintiya 11:11

Ama ku mege kataya tekeɗe, ika miɗ Yesuw BATSAH kwa ŋa ka, məkəs a ndze a à gər ŋgar tsa, say i ahər asləka mburma dukw ŋgar. Dite asləka mburma tekeɗe, a ndze a ka, à gər ŋgar ɓav tsa, say nda məkəs mbaŋa.

1 Kurintiya 3:5

Apalus dze ana, weke? Dite iye Pul ana, weke ɗar ɓav a? Mər ka, gà ɓəzla megemir Mbulum məfara ŋa, a slər mər a təv kurum, na dite ka, ki giswim a Yesuw Kiristi nda gəzləŋ kurum a ɗekɗek pəra. Kərga taŋa ya, mìi ge a ka, ku weke, kamala ana Mbulum a ɗifer dər a.

1 Kurintiya 3:9

Kamala taŋa ya, mər nda Apalus ka, mì gewa akaba mege megemir Mbulum i təv ilik ŋa məma, mər gà ɓəzla mege megemir ŋgar. Ama kurum kà nwim ka, kamala gùvàh Mbulum a. Dite kurum kà nwim asa ka, kamala ga ana Mbulum à zlèzle a ya asa mbaŋa.

2 Kurintiya 1:24

Ama mər ka, maa ne gà Əbay aà makwàrà kurum nda təv megìse kurum ana kə̀ gəsum a ɓav tsa. Aɗaba mì sər ka, kàa gəsum Yesuw Kiristi nda gəzləŋ kurum ɓəŋɓəŋ lele. Mì waya ka, ki gekwe a megemir nda gà kurum seyiŋ ivaɗ, na dite maŋgayaba kurum à sìkèh a ya.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

FILIPIYA 3:17

A kurum gà damər gà, kurum tserdze ka, gwim kamala iye ya. Fə̀rum aà gà na mede tar ŋgwal ŋa kamala mər ana mìi ɗif a kurum a à mede mər ana ŋgwal ŋa ya mbaŋa.

FILIPIYA 4:9

Zazamum ka, gà dukw ana i ɗif a kurum dər, dite kà zazaɗum ba dər aba à dukw ana kà tsarakumara ika arah ga ya, kà ŋgatumar ka, meme na i ge a ya mbaŋa. Kamala taŋa ya, Mbulum ana a vile a kwe a matasla yam a gəzləŋ kwa ya ka, a ti ndze a nda gà kurum.

1 TESALUNIKE 1:7

Kamala taŋa ya ka, kà ɗifwim à ŋgwal vatwa a gà mburma Mbulum ana ika ahəɗ Makaduniya ya, nda gà na i Akaya ya tserdze, ti sir a dər ka, meme na mendze tar ana ti ndze a ya.

2 TESALUNIKE 3:9

Mege dukw ata mì ge dər kamala taŋa ya ka, ana ka, mìi sle a aà mewize aà kurum a dukw mezime zləmana dukw ŋgar, bakal iɗəm tsa. Ama ka, mì ge megemir seyiŋ ivaɗ, aà meɗìfè a kurum dər ka, dite ki gwim kamala taŋa ya mbaŋa.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

TITUS 2:7

Ama kər ka, ge dukw ana ŋgwal ŋa ya ɗekɗek pəra, na dite gà asiŋ gà gawla ata tàa fə̀r aà kər i təv gà dukw ana ki ge a ŋgwal ŋa tserdze ya ka, ti zezem a kamala biy yak ata ki ge a ya mbaŋa. I təv ana ki dzeŋge a ter a ya ka, dzeŋge a tar ndaka vatwa Mbulum nda gəzləŋ ilik ŋa. Ka ti tsik a tar aɗəm dukw ana taf masakəŋa ya tsa.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.