1 PIYER 5:2 - Bible Zulgo

² Gəsum gà mburma Mbulum ana a dza a kurum tar a ahər a. Gwim a tar gər lele, kamala mala makəva gà təmaŋ ana a ge a gər a gà təmaŋ ŋgar a. Gwim a tar gər ka, nda gəzləŋ ilik, kamala ana a sàs a Mbulum a, tsəka, kamala ana wura a fàr aka kurum ndzəɗa ya tsa. Ki gwim a megemir ata ka, nda meweye kurum, kamala ana madzala gà gər kurum a tsik a kurum a. Ka ta gwim are aka maŋgata nuba tsa.

1 PIYER 5:2 ပူးပေါင်းရင်းမြစ်များ

Luka 12:32

A kurum palam gà təmaŋ ana hinne tsiye: Ki gwim magəɗa tsa, aɗaba Mbulum Tsir kurum aka ŋgaya ba aà məvəla kurum təv mendze i mekwere ŋgar.»

Gà Ɓəzla Meslire 20:29

Aɗaba i sər, na Yàa da ka, gà mburma ana kamala gà kəra dala ya, ti dere a aka magər kurum a. Dite kwets ti ta miyek a à gà təmaŋ ata ɓav tsa.

Gà Ɓəzla Meslire 21:13

Ama a gwaɗa a mər: «Aàmala na ki tiwwim a, ki dzwìm a aà iye magəɗa asa ya? Iye ka, Yàa hadzal ba ga, Yàa dzala ka, ti ti dzew a iye ana, meme tsa. Aɗaba ku mege i ta mìt a a Yeruzalem agəra Yesuw BATSAH kwa ŋa tekeɗe ka, à lèh a duwa tsa.»

RUMA 1:15

Aɗaba taŋa na a sèsiŋ aà medeha a təv kurum ka, aà meɗife à bazlam ŋgwal ŋa ata a kurum gà mburma ana i Ruma ya mbaŋa.

1 Kurintiya 9:7

Wànà wele ana ŋgat sliwdze ya, a ge a megemir gùvəl ana, aà taf pəra ya? Awaŋ. Dite weke na, bəla aka fət gùvàh, aləka duwa aka nah ka, a zim a tsiye? A riŋ tsa. Weke na, à kiv a gà duwa ka, a ɗwits a awah ŋa, dite a se a tsiye? A riŋ tsa asa.

1 TIMUTE 3:3

Ma ti ne ɓele guzum tsa. Ma ti ne mala tèrèŋgìz tsa asa mbaŋa. Say ma ne ivaɗ ka, mala himmè bazlam ana lìfèɗìɗe ya. Ma ti ne mala mege bazlam nda gà mburma tsa. Ma ta vəl gəzləŋ ŋgar a siŋgwe tsa asa.

1 TIMUTE 3:8

Ama mede gà mburma Mbulum ana tar riŋ tì zlèk a gà asiŋ gà mburma ŋgar a ka, ma ge lele mbaŋa. Ti tsikewa ka, dukw ana ndzer ŋa ya, ta màwa aka mifefile sula tsa. Ta beha à masà guzum tsa asa. Ta vəl gəzləŋ a mayaha siŋgwe hinne tsa asa mbaŋa.

TITUS 1:11

Say ta handaka a taraha aà bazlam, aɗaba tar ihər tì ndzikere a gà mburma ana i ga i ma tar a pampam tserdze, ika vatwa ana ŋgwal ŋa ya, nda medzeŋge gà dukw tar ata ŋgwal ŋa tsa kweleŋ a. Aɗaba ta ge a kataya ka, dite aà ta ŋgat iɗəm siŋgwe ya hinne pəra.

TITUS 1:7

Say wur ana a ne a batsah ŋa ika magər gà na ta gəs Mbulum a ka, say ŋgat ma ge ka, mala ndzer ŋa, bakal ŋgar ma ge riŋ tsa, aɗaba ana ŋgat ka, mala meslire Mbulum a. Mà sə̀ŋgə̀r à ba ŋgar tsa, matsəɓatsəɓ ibam, ma ndzawar i gəzləŋ hiywe tsa, kige tsa, ma ne mala mekweye tsa, ma ge maàga nda mburma tsa asa, nda gà ma ne mala perziz siŋgwe tsa asa mbaŋa.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

TITUS 3:1

Tsik a gà mburma Mbulum lele, ta həna à gər a bəɗ a gà ɓəzla makwàrà mburma, nda gà ɓəzla meslire tar ana tə dza aɗəm tar a. Ta gəs aà tar ahəm, ta hadzal ba aà mege dukw ana ŋgwal ŋa ya kəla pat.

FILIMUN 1:14

Ama a sèsiŋ mege kataya tsa, tsəna bəla ki gis a tsa ana, meme? Aɗaba i waya na i tike aka kər a ndzəɗa aà megiŋ ŋgwal ŋa ya tsa. Say ki ge a ka, kamala ana kà waya ya ivaɗ.

IBƏRANIKWA 12:15

Gwim metsehe, aɗaba wura ilik ma ta mà a dəba aà dukw ŋgwal ŋa ana Mbulum a waya aà meger a tsa. Gwim metsehe asa ka, wura ilik ma ne kamala dukw ana a ndza ɗìwèkìke, dite ka, a nis a à gà dukw ŋgiɗ a tsa. Medzìbe gà mburma ata ka, ta hitse a à dukw ana mawùràba ŋa ya, ti nis a à mendze mburma hinne asa.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.