1 PIYER 5:14 - Bible Zulgo

¹⁴ Geywim ba wusa ilik ilik tserdze nda mendzìwìɗèba ahəm ika magər kurum, aɗaba ana kurum nda gà damər a. Mbulum mə vəl a kurum mandza zayzay, nda matasla yam a gəzləŋ kurum tserdze, a kurum ana mandza ŋa i təv ilik ŋa nda gà Yesuw Kiristi ya.

1 PIYER 5:14 ပူးပေါင်းရင်းမြစ်များ

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

Yuhana 14:27

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

Yuhana 20:19

Aləka i hawa ŋana a pat ladà ata ka, gà ɓəzla mazazama Yesuw ti yahaba gər a ga duwa, ta hə̀ndə̀kaha aaba nda lèkilè, aɗaba ta ge magəɗa a gà bàba gà Yahuda, agəra ana ta kəɗ Batsah tar ŋa ya. I dəba ŋa ya, tə sər aaba ka, dzìŋgìrzlìk Yesuw a riŋ ika magər tar i ga ata. A gwaɗa a tar: «Mandza zayzay ma ge i təv kurum.»

Yuhana 20:26

A ndza kwaskwa ilik ka, gà ɓəzla mazazama Yesuw ti yahaba gər a ga ata asa, dite pat ata ka, Tumas a riŋ i təv tar kuɗa. Tàa hə̀ndə̀k a ga ata kamala ana ndeɗiŋa ya asa, ama tə sər aaba ka, Yesuw a riŋ ika magər tar i ga ata asa. A gwaɗa a tar: «Mandza zayzay ma ge i təv kurum.»

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 16:16

Ki geywim ba wusa ika magər kurum ilik ilik tserdze nda gəzləŋ ilik. Gà mburma Mbulum ana ti yahawaba gər ɗa ika ahəɗ aaha pampam a, ta ge a kurumaha wusa aaba aaba ilik ilik tserdze mbaŋa.

RUMA 8:1

Aɗaba taŋa, kinehe ka, seriye Mbulum à gis a gà mburma ana tar mandza ŋa i təv ilik ŋa nda gà Yesuw Kiristi ya, ilik asa tsidze.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 16:20

Gà asiŋ gà mburma Mbulum ana ɗa i faha ya tserdze, ta ge a kurumaha wusa mbaŋa. Geywim a ba wusa ika magər kurum ilik ilik tserdze nda gəzləŋ ilik.

2 Kurintiya 13:12

Geywimeba wusa ika magər kurum nda gəzləŋ ilik lele mbaŋa, kamala ana kurum nda gà damər a. Gà mayaha ba gər gà mburma Mbulum ana ɗa i faha ya tserdze, ta ge a kurumaha wusa.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

EFESIYA 6:23

Taŋa gà Mbulum Tsir kwa nda Yesuw Kiristi BATSAH kwa ŋa tə dza a kurum matasla yam a gəzləŋ zayya lele, a kurum ana riŋ nda gà damər tserdze ya. A sèsiŋ ka, gà Mbulum nda Yesuw Kiristi ta vəl a kurum mawàyà ba aka magər kurum ilik ilik tserdze mbaŋa, dite kà səkahum à magəsa tar nda gəzləŋ kurum fit dze.

1 TESALUNIKE 5:26

Gwim wusa a gà mburma Mbulum tserdze nda gəzləŋ ilik.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

3 Yuhana 1:14

I dzala ka, iye ŋa i dehe a a təv yak bise ivaɗ, na dite ka, ki lìmime akabiŋa, aà məfàfə̀là akaba lele ya.