1 PIYER 5:1 - Bible Zulgo

¹ Kinehe ka, iye ihər i fèfil a a gà bàba ŋa ana ika magər kurum gà mburma Mbulum a. Iye tekeɗe ka, batsah ŋa mbaŋa. Na a ne mala sida mesewere are Yesuw Kiristi ka, iye ŋa naha. A pat ana Mbulum à mère a à Yesuw a təv kwa ya ka, gà mburma tì zlibe a à ŋgat parakkà aà are mburma tserdze. Iye tekeɗe, i ti zlibe a à ŋgat a hinne mbaŋa. Aɗaba taŋa, iye ihər i ge a kurum a kamkam:

1 PIYER 5:1 ပူးပေါင်းရင်းမြစ်များ

Luka 24:48

Ama kurum ka, gà ɓəzla sida gà dukw ata ta geye a ba ya fit dze.

Gà Ɓəzla Meslire 1:22

à gər ana Yuhana a tsilwiɓ à ŋgat a yam a, dite haa a pat ana a da ika magər kwa a gər ŋa ya.»

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 11:30

Aləka i dəba ŋa ya, tə daha, ta gaw akaba gà dukw ata a təv ilik ŋa. Tə slər dər gà Barnabas nda Sawul. Tə daha, tə dzaya a gà bàba ŋa ana ika miɗ gà mburma Mbulum ata i fataya.

Gà Ɓəzla Meslire 14:23

Ta pala mburma i gà ga Mbulum ana i fataya ilik ilik tserdze, dite ti ne à tar gà bàba ŋa ana ika magər tar a. Ta hama a Mbulum, dite ta ge ndəra asa. I huɗ meheme tar ata ya ka, ti ɗif à gà mburma ata a ahər Mbulum ana ta gəs nda gəzləŋ tar a, dite ma kasla tar i təv megemir ŋgar ana ta ge a ya.

Gà Ɓəzla Meslire 15:4

Aləka ti ndze a Yeruzalem ka, gà mburma Mbulum ana i fataya, nda gà bàba ŋa ana ika magər tar a, nda gà ɓəzla meslire Mbulum tserdze ta gəs tar lele, ta geye a tar wusa hinne. Dite gà wele aaha tə ɗama tar dukw ana Mbulum a ge nda gà tar a.

Gà Ɓəzla Meslire 15:6

Gà ɓəzla meslire Mbulum nda gà bàba ŋa ana i fataya, ti yahaba gər aà medzè zləm a bazlam ŋa.

Gà Ɓəzla Meslire 2:32

Mbulum aka mbəlara à Yesuw ana a tsik aà ŋgat a, a mesife ya, dite mər tserdze na gà ɓəzla sida ŋa ya.

Gà Ɓəzla Meslire 20:17

Aləka i təv ana tar riŋ mandza ŋa i kwite Mitilene i fataya ka, Pul a slər mburma i təv ŋgar ata ya, a təv gà mburma Mbulum ana i Efesiya ya, aà mazalaha a gà bàba tar ŋa ana i ga Mbulum i fataya.

Gà Ɓəzla Meslire 20:28

Ka slum ba kurum, dite ka slum gà mburma ana Mezite Mesife Mbulum a dza a kurum tar a ahər a mbaŋa. Aɗaba Mbulum na a mbùrùɗara tar i bakal a nda məmbəz Kəla ŋgar a. Kə̀ kə̀vum tar, kamala gà ɓəza ana ta kiv a gà təmaŋ a.

Gà Ɓəzla Meslire 21:18

Mì həna i fata. Ndidwe ŋa ka, Pul a da a bəra Zakup, mì dəɗ aaka. Gà bàba ŋa ana ika magər gà mburma Mbulum i fataya, ti yahabaha gər a ma ŋgar tserdze.

Gà Ɓəzla Meslire 3:15

Kərga taŋa ya, kə̀ kəɗum wele ana a vile a kwe a mesife ya. Ama Mbulum aka mbəlara à ŋgat i məməta ya, a mesife, dite mər kinehe tekeɗe, gà ɓəzla sida ŋa.

2 Kurintiya 5:1

Kà sərakwa, i təv ana mekìrìwè ga kwa aaha leyèh aka mbazla ya ka, Mbulum a ta vile a kwe aɗəm a ga ŋgiɗ pam, i gər ŋa i mbulum. I tsik taŋa ka, aka gər ba kwa aaha kinehe ya. I təv ana aka mət a ka, a ta vile a kwe aɗəm a ba ana i gər ŋa i mbulum a. Ŋgat à gər ŋgar na a ge ga ata a ndze a aà biybiy a ya.

2 Kurintiya 5:8

Ama kaɗəŋ, ki ndzekwe a ɓəŋɓəŋ lele dukw ŋgar. A sàsakwa ka, ki miyekikwe a à ba aaha, na dite ki ti ndzekwe a i təv ilik ŋa nda gà BATSAH kwa ŋa ya.

FILIPIYA 1:19

Aɗaba i sər, mendze gà ana i faha ya ka, duwa tserdze a ge a ba lele na i təv ga ya. Mbulum a mbil a à iye i mesewere are ya, aɗaba ana kurum riŋ ihər ki hemwimer a aɗaba iye ya, dite ka, Mezite Mesife Yesuw Kiristi à zlèk a iye mbaŋa.*fa*

1 TIMUTE 5:1

Ka ti ɗif à metsehe a màndawal gà asləka nda magala tsa. Say ki ɗifer a dər ka, nda zèyezèye ŋa, kamala ana ŋgat ka, tsir yak a. Ki ɗif a dər a gà gawla gà mburma ibam ka, kamala ana ki tsik a ka, a gà damər yak a.

1 TIMUTE 5:19

Na wura aka dara a təv yak a, aà metsikik dukw ana ŋgwala tsa aà wele ana batsah ŋa ika magər gà mburma Mbulum a ka, ka ta gəs zukw tsa. Ki gis a ka, say na kàa tsaraka aà gà mburma ya sula, kige tsa makər a dzekwiŋ.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

TITUS 1:5

I məsak riŋ à kər ika ahəɗ Kereta ka, dite kà làmbaɗa dukw ana a zeha, Yàa sle aà malàmbàɗà ŋa asa tsiye ya. A sèsiŋ ka, ki pele a gà mburma, dite ki ne a à ter a gà bàba ŋa ika magər gà na ta gəs Mbulum a, ku mege i kwite awara tserdze. Ki ge a ka, kamala ana i tsikik a, ma ta mətsak gər tsa.

FILIMUN 1:9

Ama ka, i tsikik a kataya tsa. I dzala, i gwa ka, ŋgulum i gek a kamkam nda zèyezèye kitè ivaɗ, aɗaba ana kà waya mburma lele ya. Iye Pul ka, màndawal mburma, dite kinehe iye mandza ŋa i daŋgay gədzə̀zlzla ka, aɗaba Yesuw Kiristi.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.

1 PIYER 1:7

I huɗ medzike ata ti dzikewa à kurum a ka, aà mesire dər ka, wànà kàa gəsum Mbulum nda gəzləŋ kurum ndzer kaɗəŋ a ya. Ku mege gura ana à sìkim a ba tsiye tekeɗe ka, a ndze a tsa, a nisiŋa. Ama gura ata tekeɗe ka, ti zle a, ti dzik a dər nda akwa, wànà akwa a mba ahər a, tsəna, a mba ahər tsiye? Na dite ti sir a dər ka, ŋgwal ŋa ya, kige tsa ŋgwal ŋa tsiye ya. Sakwàn megìse kurum ana a za gura fit kweleŋ tsiye. Kamala taŋa ya mbaŋa na ti dzik a à megìse kurum ana kə̀ gəsum Mbulum kinehe ya. Aləka a pat ana Yesuw à mère a, à pèt a aba aka miɗ mburma tserdze ya kuɗa ka, tì zlibe a à kurum, ta gweɗe aà kurum a ka, gà bàba ŋa kaɗəŋ ndzer.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

1 PIYER 5:4

Na kàa gwim dər kataya ka, a pat ana Yesuw Kiristi Əbay gà ɓəzla makəva gà təmaŋ a dere a ya ka, a vile a kurum a dukw maya ba kurum ana a zè a gà dukw tserdze, a ndze a aà biybiy a.

1 Yuhana 3:2

Gà masla gà, kinehe ka, kàa nekwa gà ɓəza Mbulum, dite ki ti nekwe a gà dukùla na aka miɗ mba ya ka, ki sirekwe a zukw tsa. Ama kə̀la ka, kà sərakwa ndzer, na *Kiristi aka màra ka, ki ti ndzìkìɗekwe a ba kamala ŋgat a, aɗaba ki ŋgetekewer a parakkà, kamala ana ŋgat a ndza ya kaɗəŋ.

2 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər mayahaba gər gà mburma Mbulum ana kà ne mama gà ɓəza, Mbulum a zla kər a, dite a gà ɓəza yak ana ti yahawuba gər a təv yak, i waya tar ndzer a mbaŋa. Iye ɗekɗek tsa na i waya kurum a. Gà mburma ana tə sər bazlam ndzer ŋa ana i təv Mbulum a tekeɗe ka, ta waya kurum mbaŋa asa.

3 Yuhana 1:1

Iye batsah mburma ana ika magər gà mburma Mbulum a, i wetseha wakita aaha ka, a kər Gayus, masla gà ana i waya kər nda ndzer a ŋa ya.

Sunwa Yuhana 1:9

Iye Yuhana, damər kurum na a wetse a kurumaha wakita aaha ya. Iye nda gà kurum ka, kwa mandza ŋa i təv ilik ŋa nda gà Yesuw Kiristi. Aɗaba taŋa, iye kinehe ka, i sèwèr a are kamala kurum a mbaŋa. Iye riŋ ihər i bès a gəzləŋ mesewere are ata nda gà kurum, na dite ki ndzekwe a i *mekwere Mbulum ana a kwere a ya, nda gà kurum tserdze asa mbaŋa ya. Iye ka, ta gəs iye, tə da à iye aka ahəɗ ana malàwàrà ŋa nda yam, tə zalar Patmus a. Megìse ana ta gəs iye ya ka, agəra ana i tsikewa bazlam Mbulum parakkà, i gwaɗawa ka: «Yesuw na a ɗif a kwa à vatwa ndzer ŋana ya.»