1 PIYER 4:8 - Bible Zulgo

⁸ Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

1 PIYER 4:8 ပူးပေါင်းရင်းမြစ်များ

1 Kurintiya 13:1

Taŋa na bəla wura aka ŋgat ndzəɗa aà mifefile ndaka ahəm gà kwite ŋgiɗ tserdze, ku mege ndaka ahəm gà gawla Mbulum ana i gər ŋa ya tekeɗe, ama na a waya mburma tsəka, taŋa ka, aka ne kamala mèdìyè ana ti leke a ka, ɗùh ɗùh ɗùh a ge a zləm a mburma taf masakəŋa ya, kige tsa kamala ndzemde ana ŋgwaz ŋgwaz ta gìzl a ka, a tsahən tsiye.

1 Kurintiya 13:4

Aɗaba taŋa, wur ana a waya mburma ya ka, ədəts à gis a gəzləŋ, a ge a dukw ana ŋgwal ŋa ya, a mìsle ŋgiɗ. A ge a are aka dukw mburma tsa, a ge a zlapa tsa. Ŋgakŋgakəkka à sìŋgìr a à ba ŋgar ɓav tsa asa mbaŋa.

KULUSIYA 3:14

Ndeyndey ŋa ka, wayum ba ika magər kurum ilik ilik tserdze. Aɗaba na kàa wayum ba kataya ka, ki ndzwim a i təv ilik ŋa ndìɓèkke lele nda gəzləŋ ilik ŋa.

1 TESALUNIKE 3:12

Mìi heme a a BATSAH kwa ŋa, dite mawàyà ba kurum ana ki weywim a ba ika magər kurum nda gà asiŋ gà mburma tserdze ya, mà səkah, ma ge a kurum hayaffà, ma da aka miɗ aka miɗ, na dite ki weywim a ba ka, kamala ana mì waya kurum mbaŋa ya.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

IBƏRANIKWA 13:1

Wayum ba ilik ilik tserdze ika magər kurum, ma da aka miɗ aka miɗ, aɗaba kurum ika vatwa Yesuw ka, kurum nda gà damər.

YAKUBA 5:12

Gà damər gà, bazlam ana batsah ŋa ka, araha: I təv ana bəla ki tsikwim a duwa i sida ya ka, ka ta mbaɗum tsidze. Ka ta mbaɗum nda zləm Mbulum tsa asa. Ku mege nda zləm gər ahəɗ, kige tsa nda zləm gà duwa ŋgiɗ pampam tekeɗe, ka ta mbaɗum dər tsa. Na bəla bazlam ana kàa gwaɗum aaka «haya» ka, ki gweɗwim a «haya» pəra. Kige tsa kàa gwaɗum «awaŋ» ka, ma ndisl aka taŋa pəra. Ma tə za i gər a taŋa ya tsa, tsəka, ki bwim a i seriye Mbulum ana a ge a ya tsa.

YAKUBA 5:20

Sərum dər ka, na wura aka màra à mala bakal ika vatwa ana ŋgwal ŋa tsiye ka, taŋa ka, a mbəl à wele ata i məməta ya. Ku mege bakal ŋgar a riŋ hinne tekeɗe ka, Mbulum à piler a dər.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

3 Yuhana 1:2

A kər masla gà ana i waya kər hinne ya. Iye ihər i heme a a Mbulum ka, dite mendze yak ana ki ndze a ya ka, zayzay lele, duwa ma gik ba a gər tsa na i təv meslè duwa ya mbaŋa asa. I sər, madzala gà gər yak mandza ŋa ka, zayzay lele na ika miɗ Mbulum a.