1 PIYER 4:6 - Bible Zulgo

⁶ Aɗaba taŋa na Yesuw Kiristi tekeɗe, aka tsik bazlam ŋgwal ŋana a gà na tàa mbər mimete piŋŋe ya mbaŋa. Agəra dukw ana ŋgwal ŋa tsa, ta ge akahər ana tar aà bəra mba ya ka, Mbulum a ge a tar seriye məməta, kamala ana a ge a a gà mburma tserdze kinehe ya. Ama ka, a waya məvəla a tar mesife nda mandza zayzay kamala ŋgat ana a riŋ nda gà mesife hiywe ya mbaŋa te.

1 PIYER 4:6 ပူးပေါင်းရင်းမြစ်များ

Mata 24:9

I dəba ŋa ya ka, ta gis a kurum, tì dze a kurum a ahər a mburma, tì sèwèr a kurum a are, dite ta bets a kurum. Ku weke tserdze a ne a kurum a are, aɗaba iye.

RUMA 8:2

Aɗaba kwa ka, i ahər bakal ana a dzeye a à kwa ya asa tsa. Ndzəɗa Mezite Mesife ana a vile a kwe a mesife nda ahər Yesuw Kiristi ya, na a pəl à kwa i mazazama dukw bakal ata ya, dite ka, ŋgat a kwere a kwa kuɗa ya.

GALATIYA 2:19

Ama məpala ahəm gà Yahuda ka, aka mbər medzeye à iye. I ne kamala ana iye məməta ŋa ya na nda təv məpala ahəm ata ya, aɗaba a giŋ a ŋgulum ika miɗ Mbulum asa tsa. Ama kinehe ka, Yàa ŋgat mesife ika miɗ Mbulum a. Akahər ata piŋŋe, i təv ana tə ndwandway Kiristi aà dizl magə̀làwà ŋa ya ka, mì mata akaba a təv ilik ŋa nda ŋgat.

GALATIYA 5:25

Mezite Mesife Mbulum na a vəl a kwa mesife ya. Aɗaba taŋa, say ŋgat na a kwere a kwa ya.

1 PIYER 1:12

Mbulum a ɗif a tar dər aba ya ka, tar ŋa tsa na ti ta ŋget a gà dukw ata ya. Ama a ɗif a tar dər ka, aɗaba kurum. Kinehe ka, gà ɓəzla meslire ŋgar ata ti ɗif a kurum à bazlam ŋgwal ŋa ata ya ka, tàa tsik a kurum gà dukw ata. Ti tsik a kurum ka, nda ndzəɗa Mezite Mesife Mbulum ana a slərra i gər ŋa ya. Ku mege gà gawla Mbulum tekeɗe ka, a sàs tar mesire gà dukw ata mbaŋa.

1 PIYER 3:18

Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.

1 PIYER 3:19

I dəba ŋa ya, nda ndzəɗa Mezite Mesife Mbulum ata ka, a daha, a tsik bazlam Mbulum a gà mezite mesife ana madzàwàyà ŋa tsambaɗukwɗukw i daŋgay a.

Sunwa Yuhana 14:18

I dəba ŋa ya, gawla Mbulum ŋgiɗ a dara i təv ana ta vəlawa aaka a riŋ duwa a Mbulum a. Ŋgat ka, mala malàmbàɗà à akwa. A zalaha a biy ŋgiɗ aaha matwaha mazəma ŋa hapəpəpa i ahər ŋgar a. A fàfəlaraha ŋgəlakəkka. A gwaɗaraha: «Samata kwaŋ, gà mawà gà dukw ana ika gər ahəɗ a ka, tàa nàhaya lele. Aɗaba taŋa, dara à matwaha yak a, ka da dərraha aka gər ahəɗ, slə̀vaya dərra iɗəm a.»