1 PIYER 4:18 - Bible Zulgo

¹⁸ Ta wetse i wakita Mbulum ka, ta gwa: «Na Mbulum a mbele a à gà mburma ŋgar ana gà ŋgwal ŋa ya ka, nda mawùràba ŋana, dite dukùla na a ta ge a ba nda gà ɓəzla bakal ana ta gəs ahəm ŋgar tsiye seyiŋ a?»*fb*

1 PIYER 4:18 ပူးပေါင်းရင်းမြစ်များ

Luka 15:1

A pat duwa ka, gà ɓəzla duwan nda gà asiŋ gà mburma ana i liwiŋ tar, meɗè zləm tar ŋgwala tsiye hinne, tə daha a təv Yesuw. Tə daha ka, aà medzè zləm a dukw ana a tsik a ya.

Luka 23:31

Na ti ses a dizl ɗaf ana dzìn ŋa ya, aà mede dər duwa kataya ana, dite meme na ti ta ge a nda gà makula ŋana seyiŋ a?»

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

Gà Ɓəzla Meslire 27:24

A dara, a gweɗiŋ:

Gà Ɓəzla Meslire 27:31

Ama Pul ka, aka sər a taraha aka dukw ana tə dzala ya, a gwaɗa a batsah gà sliwdze ata nda gà asiŋ ŋgar a: «Na gà ɓəzla məpaka slə̀làh yam aaha tàa da à kwa ya ka, ki dzeywimiŋa, tsəna, weke na à dzik a kwa asa ya?»

RUMA 1:18

Kà sərakwa, Mbulum ana ŋgat mandza ŋa i gər ŋa ya ka, aka ɗif a kwa dər aba ya, a riŋ a ge a matsəɓatsəɓ hinne, agəra gà mburma ana tserdze tì dzer a gurmits a bəɗ tsiye, tar ihər ta fir a aà dukw ana ŋgat a waya ya ka, kamala za ya. Ama ka, a ta ge a ter a seriye. Aɗaba dukw bakal tar ana ta gewa ya ka, ta hə̀ndə̀k dər a vatwa a mburma, aà dite tə sər dukw ana ndzer ŋa ya asa tsa.

RUMA 5:6

Aɗaba akahər ata piŋŋe ka, kàa ŋgatakwa ndzəɗa aà mege dukw ana ŋgwal ŋa ya tsa. Aləka i dəba ŋa ya, a ndze tits aka məpàslà ahər Mbulum ana a tike ya ka, Yesuw Kiristi a dara, a mət aɗaba kwa ana kwa gà ɓəzla bakal a.

RUMA 5:8

Ama Yesuw Kiristi ŋgat a mət aɗaba kwa, akahər ana kwa gà ɓəzla mene are a Mbulum mba ya. Kamala taŋa ya, Mbulum a ɗif a kwa ka, à meweye ŋgar ana a waya kwa hinne ya.

1 Kurintiya 10:12

Aɗaba taŋa, wele ana a gweɗe a, waytsà iye mehìtsè ŋa ika vatwa Mbulum dzèŋŋe ya ka, say ma ge metsehe, tsəka, a ti dìɗ a ika vatwa Mbulum a.

1 TIMUTE 1:9

Ama kəla ka, dukw a riŋ ilik ma ta mətsakwa gər tsa. Aɗaba Mbulum a tike məpala ahəm ŋgar a bəɗ ka, agəra gà mburma ana tar gà ŋgwal ŋa ika miɗ ŋgar a tsa. A tike a bəɗ ka, agəra gà mburma ana tar riŋ ti nis a à vatwa ŋgar a ivaɗ, kamala megweɗe ya, agəra gà na tə tsaraka aaka zləm tsiye, dite gà na tə sər hwarwa tsidze ya, nda gà ɓəzla bakal, nda gà mburma ana mandzaɗak i gəzləŋ tar, tar riŋ ti sewle ahər a ya. A tike a bəɗ ka, agəra gà na ta bets a gà tsir tar nda gà məmər tar a, dite ka, ta bets a mburma fit a asa mbaŋa.

IBƏRANIKWA 4:1

Akahər ata ka, Mbulum aka tsik duwa i sida ya. A gwa ka, a ta vile a kwa a vatwa aà mede a təv mendze ŋgar ata zayya, ki sìfìkikwe a iɗəm ba ya. Dukw ata ka, aka mbər metsike a kwa i sida ya ka, a riŋ hiywe, a dzeye a tsa. Aɗaba taŋa, gekwa metsehe lele, dite ka, wura ilik ika magər kurum a, ma ta məts a dəba ze mede aɗəm tsa.

YAKUBA 5:6

Kurum ihər ki ŋgewwim a gər a mburma, ku mege tàa ge bakal tsa tekeɗe ya, ki betswim a dər akaba tar pəra mbaŋa. Ama tar ka, tàa ge aà kurum maàga tsa.

1 PIYER 5:8

Kaslum ba kurum, ka ndzum nda metsehe lele asa. Aɗaba Əbay sitene, mala mene are kurum a riŋ à sìweye a ika magər kurum kamala azil ana à ŋgìrìz a, a yehe a dukw mezime ya.

2 Piyer 3:7

Ama gər ahəɗ nda gəza mbulum ana kinehe ya ka, ti ndze a ɓav tsa. Tits a təv ana Mbulum a tsik a ka, a wene a nda akwa hilɓèk hilɓèk kuɗa. Aɗaba kinehe ka, Mbulum a waya mandza zaakwa tə̀ma, haa a pat ana a ta ge a seriye a gà mburma tserdze, a bets a iɗəm gà na ta gəs ahəm ŋgar tsiye ya.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»