1 PIYER 4:15 - Bible Zulgo

¹⁵ Ama na bəla wura ika magər kurum, a ge a dukw ana ŋgwala tsiye, à kiɗ a mburma nda mege akəl, kige tsa à dze akaba a mburma hèɗèk hèɗèk, dite i dəba ŋa ya, à sèwèr a are hinne agəra gà dukw ata ka, ŋgwala tsa na taŋa ya. Medzìbe gà dukw ata ka, ma ge i təv kurum tsa.

1 PIYER 4:15 ပူးပေါင်းရင်းမြစ်များ

Mata 5:11

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

1 TESALUNIKE 4:11

Mərum aba lele, na dite mendze kurum ana ki ndzwim a ya ka, zayya a ge a ŋgwal ŋa ya. Dzalum aka gà dukw kurum lele. Gwim megemir nda ahər kurum ŋa, kamala ana mì tsik a kurum akahər ata ya.

2 TESALUNIKE 3:11

Mì tsik a kurum kataya ka, aɗaba na mì tsaraka ka, ta gwa là, gà mìsle ŋgiɗ ika magər kurum ka, ŋgəɗatstsa ti ndze a kataya, a sàs a tar megemir tsidze. Ama na a ne megemir tar ka, tsap tsap mandàbàya aka bazlam.

1 TIMUTE 5:13

Ku mege bəla tə da a zal tsa ndeɗiŋa tekeɗe ka, ta mìts a ka, aà mayaha duwa zilikw zilikw ika biye hərmaga mburma ya ɗekɗek, sìrètitte ta ge a megemir ɓav tsa. Ndeyndey ŋa ta mìts a ka, aà melèvekè bazlam aà mburma ɗekɗek. Ta ge a tsàpà nda rawraw hinne, ti tsik a ka, bazlam ana biy metsike tsiye.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 3:17

Na a sàs a Mbulum kataya ka, ŋgulum sèwèrwim are, agəra dukw ana ki gwim a ŋgwal ŋa ya, ndəna ki sèwèrwim a are aɗaba dukw ana ki gwim a ŋgwala tsiye ya.