1 PIYER 4:14 - Bible Zulgo

¹⁴ Na bəla gà na ti tsik aà kurum a dukw ana ŋgwala tsiye, aɗaba ana kurum ihər ki zezemwim a Yesuw Kiristi ya ka, maŋgayaba ika gər kurum ivaɗ na taŋa ya. Aɗaba na kàa sèwèrwim are kamala taŋa ya ka, ndzəɗa Mezite Mesife Mbulum ana tì zlibe a dər a, a ndze a ika gər kurum.

1 PIYER 4:14 ပူးပေါင်းရင်းမြစ်များ

Mata 5:11

A gwaɗa a tar asa: «Maŋgayaba i təv kurum, na bəla gà mburma tàa ndavaya a kurum, ti ne a kurum a are, ti tsik aà kurum a dukw ana ŋgwal ŋa tsiye, hə̀rə̀ts hə̀rə̀ts nda pàrsa, aɗaba ana kurum gà mburma gà ya ka, mà tsəɓ a kurum tsidze.

Mata 5:16

Aɗaba taŋa, mede kurum ana ŋgwal ŋa ya, mə̀ pàt aba ika miɗ mburma tserdze, kamala dzaydzay ata ya, dite ta fə̀r aà megemir kurum ana ki gwim a a Mbulum ŋgwal ŋa lele ya ka, tar ibam, tə̀ zàmbaɗa à Mbulum Tsir kurum ana i gər ŋa ya mbaŋa te.»

Luka 6:22

A kurum ana gà mburma ta gewa a kurum matawak a, tə lə̀mawa a kurum aba ya, tə ndavayawa a kurum, dite ta waya kurum asa tsa, aɗaba ana kə̀ gəsum iye, wur ana a dara i təv Mbulum a ya ka, ŋgayum ba.

Yuhana 15:21

Ama ti sèwèreye a kurum a are ata tserdze ya ka, agəra iye, aɗaba ana tàa sər wele ana a slərra iye ya tsiye.

Yuhana 8:48

Gà mburma ata ta gwaɗa a Yesuw: «Yawwa, maa gwaɗak tsiye, kər ka, gà Samariya, sitene i ba yak a?»

Yuhana 9:28

Tə tsaraka taŋa ka, tə ndavayar pìslìɗìɗe hinne, ta gwaɗar: «Kər ka, mala mazazama wele ata. Ama mər ka, gà ɓəzla mazazama Musa.

Yuhana 9:34

Ta gwaɗar aaka: «Iyyàh, kər ka, ta wa kər i bakal dukw yak daga piŋŋe ana, dite meme na ki ɗif a mər a à duwa ya?» Tsam ka, tə dalawara ŋgat i təv mayahaba gər tar a sarrrà.

Gà Ɓəzla Meslire 13:45

Ama gà Yahuda ana i fataya, ta ŋgat a mayahaba gər gà mburma ata ka, a tsahən aà tar tsa, ta ge aka ter a are. Ta bets a ba nda arəv kweleŋ. Ta mbetse ahəm aka dukw ana Pul a tsiker a tsara ya, nda mandàvàyàr pìslìɗìɗe.

Gà Ɓəzla Meslire 18:6

Ama gà Yahuda ta gəs bazlam ata Pul a tsik a tar a tsa. Tə ndavayar pìslìɗìɗe. I dəba ŋa ya, a dara i liwiŋ tar a, a gàgə̀r aba ahəɗ tar à petek ŋgar a. Taŋa ka, kamala megweɗe ya: I miyak à kurum. Aləka i dəba ŋa ya, a gwaɗa a tar: «Na kàa dzeywim ka, bakal gà asa tsa, ahəm kurum dukw kurum. Daga kinehe ya, i de a ndàra nda təv gà mburma ana tar gà Yahuda tsiye.»

Gà Ɓəzla Meslire 28:22

Ama a sàs a mər metsereke dukw ana kà dzala ya dzekwiŋ. Aɗaba mì sər, ku i ŋga tserdze, gà mburma ta fèfil a ka, ŋgwal ŋa tsa aka dukw kurum ana ki zezemwim a kinehe ya.»

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

2 Kurintiya 12:10

Agəra taŋa na i ŋgeye a ba lele, i huɗ mendze gà ana i ndze a ka, ndzəɗa aà iye tsiye ya. Ku mege ta giŋ a dukw ana ŋgwal ŋa tsiye, ta giŋ a matawak, nda gà bəla mesewere are ŋgiɗ a le a aà iye, kige tsa duwa a wisiŋ a gər aɗaba ana i zezem a Kiristi ya ka, i ndze a lele. Aɗaba i təv ana ndzəɗa gà a riŋ asa tsiye ivaɗ, na i ŋgatawa ndzəɗa ndzer ŋa ana i təv ŋgar a ya.

2 Kurintiya 4:10

Ti yehe a vatwa aà məbatsa mər kəla pàt, kamala ana ta kəɗ Yesuw Kiristi ya mbaŋa. Ama mìi ndze a nda mesife, na dite mburma ti sir a dər ka, Yesuw ŋgat a riŋ nda mesife hiywe ya.

2 Kurintiya 4:16

Aɗaba taŋa na ki zlèkwe a ihər madzala gà gər kwa tsidze ya. Aɗaba ku mege ndzəɗa ba kwa mà nikiɗ tekeɗe ka, Mbulum a vile a kwe a ndzəɗa awiya ŋa a gəzləŋ, aà mazazama vatwa ŋgar kəla pat.

GALATIYA 1:24

Tə tsaraka kataya ka, tə zàmbaɗa à Mbulum aɗaba iye, agəra dukw ana a mbəɗ à iye ya.

IBƏRANIKWA 11:26

Aɗaba a sər, a gwa: Ŋgulum i sèwèr a are agəra *Kiristi ana Mbulum a ti slirre a ŋgat aka gər ahəɗ mba ya, na ndəna i ŋget a gà limana hinne ika ahəɗ Ezipt i faha ya. Aɗaba a tike a are ka, a dukw mayaba ŋgar ana Mbulum a ta viler a mba ya.

YAKUBA 1:12

Maŋgayaba ika gər wur ana a mir a aba i təv gà dukw ana ti dzik a à ŋgat a tserdze ya. Ama na aka mər aba i təv gà dukw ata ti dzik a à ŋgat a ka, a ŋget a dukw maya ba ŋgar, kamala megweɗe ya, mesife ana Mbulum a gwa i sida ya ka, i ta vile a a gà mburma ana ta waya iye ya.

YAKUBA 5:11

Kwa ihər ki gweɗekwe aà ter a ka, tar gà ɓəzla maŋgayaba, Mbulum aka pise a tar ahəm, aɗaba ana ta mər aba ya. Kàa tsarakum magəsa gəzləŋ Ayuba mbaŋa, meme na a mà aba à arəv i təv mesewere are ana a sèwèr a. Ama kà sərum dukw ana Mbulum a vəlar i dəba mesewere are ŋgar ata a sèwèr a mbaŋa asa. Aɗaba mburma a ndze a are tsehe a Mbulum ka, hinne. A ge a ter a ŋgwal ŋa kaɗəŋ.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

1 PIYER 3:14

Ku mege tì sèwèr a kurum a are, aɗaba ndzer ana ki gwim a ika miɗ Mbulum a ka, ŋgayum ba hinne ika magər kurum ivaɗ asa. Aɗaba taŋa, ka ta gwim magəɗa a gà mburma ata tì sèwèr a kurum a are ya tsa. Metsehe kurum tekeɗe, mə̀ mbəɗ tsa asa.

1 PIYER 3:16

Ama ki tsikwim a ter a gà bazlam ata ka, nda mandza akaba ahəm lìfèɗìɗe lele, tsəka, nda maàga tsa. Gwim dukw ana kà sərum i gəzləŋ kurum ŋgwal ŋa ya kəla pat mbaŋa, dite ku mege ti ndeveye a kurum ŋa, nda gà bəla ti tsik aà kurum a dukw ana ŋgwala tsiye, agəra mendze kurum ana ŋgwal ŋa lele, kə̀ gəsum Yesuw Kiristi nda gəzləŋ kurum a tekeɗe ka, hwarwa a ge a teriŋa.

1 PIYER 4:16

Ama na wura à sèwèr a are agəra mazazama Yesuw Kiristi ka, ma ta ge hwarwa tsa. Ma ge kəkaaha a Mbulum ivaɗ, aɗaba ana tə zalawar nda zləm Yesuw Kiristi ya.

2 Piyer 2:2

Gà mburma hinne ti ti zezem a vatwa tar ana ŋgwal ŋa tsiye. Aɗaba taŋa na gà mburma ana tə sər Mbulum tsiye, ti ti tsik a dukw ana ŋgwal ŋa tsiye aà vatwa Mbulum ana ndzer ŋa ya.